Isaías 57:1-21
57 Nikháñuu xa̱bu̱ májáanʼ,mú nimbáa na̱nguá exmiéjuunʼ.
Xa̱bu̱ bi̱ wájun jmbu náa Dios na̱jkha̱ kiʼdiin makhañún,+mú nimbáa tséjkha̱nú mbaʼyoo dí xa̱bu̱ májáanʼni̱jkha̱ kiʼyáa ga̱jma̱a̱ numuu* gamiéjunʼ.
2 Ikhaa nixkamaa dí tsímáá.
Xúgíinʼ bi̱ nuni̱ rí jmbu ndu̱ya̱a̱ jxu̱ún náa xiawúún.*
3 “Mú ikháanʼla e̱ji̱i̱n a̱ʼgú xawan, guxuʼmamíjná,e̱ji̱i̱n xa̱bu̱ bi̱ naʼni aʼkhá gajmíi̱n eʼwíinʼga̱jma̱a̱ e̱ji̱i̱n a̱ʼgu̱ bi̱ nagujuamínáʼ.
4 Tsáá etsijmáala dí nuxua̱ján xúʼko̱ kaʼnii ma̱ja̱nʼ rawanla,
ga̱jma̱a̱ dí nuxruíyáʼ rajuanla rá.
Lá raʼkháa ikháanʼla ñajuanla e̱ji̱i̱n aʼkhá,e̱ji̱i̱n rí minduwaʼ ráʼ.+
5 Lá raʼkháa ikháanʼ nindxa̱la,bi̱ ra̱ʼkhá tháán egua̱ʼa̱ mu̱bala gajmiála mbáa náa majñuuʼ ixi̱ mba̱ʼu̱,+náa agoo ixi̱ mba̱ʼu̱ rí maxaʼ,+bi̱ nuradíin e̱jñu̱ún náa mata*+ ga̱jma̱a̱ náa tsúwóo tsíñu ráʼ.
6 Ikháán nindaaʼ itsí nújndú dí rígá náa mata, rúʼko̱ dí nitraʼwíí.+
Xúʼko̱, ikhaa rúʼko̱ gákánaaʼ.
Asndu ikhí nitaxidirámááʼ tsigijñaʼ rí nagadirámuuʼ ga̱jma̱a̱ asndu niraxnáxi̱ regalo.+
Lá naʼni maʼdxuʼ* dí natani̱ rígi̱ ráʼ.
7 Asndu náa inuu kúbá mitsídánʼ nitani̱ xiawaaʼ+ga̱jma̱a̱ nitatsimaaʼ ikhí mu maraxnajxí tsigijñaʼ.+
8 Náa kidxuuʼ xkrugua ga̱jma̱a̱ náa kidxuuʼ poste rí kuajtuun nitatsijii mbáa xándú.*
Nitatsíñúnʼ ga̱jma̱a̱ nitrawíi xtíñaaʼ,nitatsimaaʼ ga̱jma̱a̱ nitani̱ dí maʼni ma̱ja̱nʼ xiewaaʼ.
Nimbánaaʼ gajmiáanʼ ikhiin.
Ninigua̱a̱ʼ mata̱ba̱a̱ʼ gajmiáanʼ ikhiin náa xiawoo+ga̱jma̱a̱ nitiejxi̱i̱ tsáʼkhúun xa̱biya̱.
9 Nirajthaa náa Mélec* xta aceitega̱jma̱a̱ mbaʼa perfume.
Nitaxúʼmiin magún mitsínguánʼ bi̱ nagún kuñu̱u̱n ajngáa.Ikha jngóo nirajthaa náa Iñá wajinʼ.*
10 Niʼni néʼnga̱a̱ʼ numuu rí mbaʼa kamba̱a̱ náa edxu̱ʼ,mú nditháan tárata̱ ‹¡Nda̱a̱ rí ejmaa rígi̱!›.
Ndiyáa tsiaki̱i̱.
Ikha jngóo tsékanájkaaʼ.*
11 Tsáá niʼni dí mamiñáanʼ ga̱jma̱a̱ maguáʼánikha jngóo nitani̱ nduwaʼ rá.+
Tármáʼáan a̱jkia̱a̱nʼ xtayoʼ.+
Nda̱a̱ rí nixmiéjuaanʼ.+
Lá niguanúʼ wíí ga̱jma̱a̱ táyóo rí nu̱nila ráʼ.+
Ikha jngóo tátasngajmá rí namíñáaʼ xtayoʼ.
12 Masngajmá dí naratá rí natani̱ ‹dí májánʼ›+ ga̱jma̱a̱ ñajunʼ ndrígáaʼ,+ga̱jma̱a̱ nda̱a̱ rí gámbáyáaʼ.+
13 Índo̱ gátatsaʼwa dí mixtambáyáaʼ,xándú bi̱ xtaʼdiin xúni̱ kríña̱a̱nʼ.+
Mbá xúgíinʼ maʼga kagui̱i̱n giñánʼ,mbá giñánʼ dí wabaʼ maʼga kagui̱i̱n,mú bi̱ numbayúmíjná náa ikhúún mudrigúu ku̱ba̱ʼ rígi̱ga̱jma̱a̱ makuwá náa kúbá ndrígóʼ rí kaʼwu.+
14 Majuiʼthá: ‹¡Guríya̱ʼ, guríya̱ʼla mbá kamba̱a̱!
¡Gu̱nila mbá kamba̱a̱!+ Gurajxingaa xúgíʼ dí maʼni majngrádíin xa̱bu̱ xuajñunʼ›”.
15 Numuu dí rígi̱ dí naʼthí bi̱ xtáa náa itháán mitsídánʼ,bi̱ xtáa mbá kámuu+ ga̱jma̱a̱ mbiʼyuu nindxu̱u̱ kaʼwu:+
“Ikhúún xtáá náa rí mitsídánʼ ga̱jma̱a̱ náa rí kaʼwu,+mú ma̱ngaa xtáá gajmíʼ bi̱ numíniiʼ ga̱jma̱a̱ xa̱bu̱ guabiinʼ,mu maxnu̱u̱n tsiaki̱i̱ xa̱bu̱ guabiinʼga̱jma̱a̱ mu maxnu̱u̱n tsiaki̱i̱ bi̱ numíniiʼ.+
16 Numuu dí raʼkháa kámuu gági̱ʼdu̱ʼ gajmíʼ,ga̱jma̱a̱ raʼkháa kámuu gákiʼnún ka̱ñu̱u̱n,+á mu xúʼko̱ gáni̱, ma̱ni̱ dí makáguábiinʼ xa̱bu̱,+xúʼko̱, makáguabiinʼ xúgíinʼ bi̱ nduya xi̱ʼ bi̱ ikhúún niniwíin.
17 Nikiʼnún ka̱yo̱o̱ aʼkhá rí niʼni, numuu rí niʼni dí ra̱májánʼ mu mbayáʼ dí magiʼdoo,+ikha jngóo ni̱xnu̱u̱ ga̱jma̱a̱ nirkaʼwu inuʼ ga̱jma̱a̱ numuu dí nakiʼnún.
Mú ikhaa tániñuuʼ rajngruigo̱o̱ xóo xa̱bu̱ bi̱ tséʼnimbo̱o̱,+ niʼni xó má ikhaa nindoo.
18 Ndi̱yo̱o̱ xóo eʼni,mú mani̱i̱ a̱jkiu̱u̱n+ ga̱jma̱a̱ maxnu̱u̱ ikha+matangu̱ún ma̱ni̱ rí maʼni̱i̱ a̱jkiu̱u̱n ikhaa+ ga̱jma̱a̱ ma̱ni̱ rí maʼni̱i̱ a̱jkiu̱ún bi̱ xtáa gajmíi̱n bi̱ kúwá ngíná”.+
19 “Ma̱ni̱ rí muni̱ mbu̱u̱n.
Xó má bi̱ xtáa mitsínguánʼ ga̱jma̱a̱ bi̱ xtáa mijngii mudrigú rí tsímáá tsejtsí mbiʼi,+ga̱jma̱a̱ ikhúún ma̱ni̱ rí maʼni̱i̱ a̱jkiu̱ún”, eʼthí Jeobá.
20 “Mú xa̱bu̱ ramíjíin nindxu̱ún xóo lamáa* dí naʼbajxi̱ rí tsíyoo gáʼni wíyúu,dí nadajuíi má xúʼko̱ iná dí rígá náa iyaʼ ga̱jma̱a̱ mbóʼóo iyaʼ.
21 Na̱nguá kúwá tsímáá xa̱bu̱ ra̱míjíinʼ”, eʼthí Dios ndrígóʼ.+
