Isaías 28:1-29
28 ¡Ngínáa lá corona* mitsaanʼ* dí trámáʼ náa edxu̱ún xa̱bu̱ najngi̱i̱n bi̱ kúwá náa Efraín,+mitsiʼyá dí rígá náa ikhaa, nindxu̱u̱ xóo ri̱ʼi̱ dí nujnduxtá,xuajin dí grígu rijma̱a̱, náa kúwá xa̱bu̱ bi̱ nanigu̱u̱nʼ muwa̱a̱n wéñuuʼ vino!
2 ¡Atayáá! Jeobá gíʼdaa mbáa bi̱ xkujiiʼ ga̱jma̱a̱ gíʼdoo tsiaki̱i̱.
Xóo mbá ruʼwambiʼ dí naxnúu índo̱ naguájthan a̱jkhu̱u̱n* ga̱jma̱a̱ eʼtsí,xóo mbá giñámbiʼ dí naʼni gámbóo, xóo mbá ruʼwambiʼ dí naʼni majnííʼ iyaʼ,ikhaa madati̱ga̱ náa ku̱ba̱ʼ ga̱jma̱a̱ tsiaki̱i̱.
3 Xa̱bu̱ sia̱nʼ muxujmbi̱ri̱ga̱+ corona mitsaanʼ dí trámáʼ náa edxu̱únbi̱ najngi̱i̱n bi̱ kúwá náa Efraín.
4 Mitsiʼyá dí rígá náa ikhaa rí nindxu̱u̱ xóo ri̱ʼi̱ dí nundujxtá,mbaaʼ dí grígu náa mitsídánʼ náa najma̱a̱,mani̱ndxu̱u̱ xóo higo dí najma̱a̱ nákha xóó tséʼni ruʼphu.
Índo̱ mbáa ndaʼyoo mbá nacha̱ e̱ʼkhu̱.
5 Mbiʼi rúʼko̱ Jeobá bi̱ naʼtáñajúúnʼ ángeles mani̱ndxu̱u̱ xóo mbá corona mitsaanʼ ga̱jma̱a̱ dí kijmaratáá mu matrámáʼ edxu̱ún bi̱ gáguanún náa xuajñuu.+
6 Ikhaa mani̱ndxu̱u̱ bi̱ maxkajxi̱i̱n muni̱ rí májánʼ bi̱ nitri̱gi̱i̱n munimbaníí xkujndu. Ga̱jma̱a̱ bi̱ naxnún tsiaki̱i̱ bi̱ nuñewa̱a̱n xkrugoo xuajin índo̱ nandún matu̱ʼu̱u̱n.+
7 Bugi̱ mangiin nagájnuriñu̱u̱nʼ eʼni vino,iya najnga̱a̱ dí naʼwa̱a̱n naʼni dí maguíʼiin.
Ndxajkun ga̱jma̱a̱ profetas,* nagájnuriñu̱u̱nʼ eʼni iya najnga̱a̱,vino naʼni jnga̱wi̱i̱n,naʼni maguíʼiin iya najnga̱a̱,rí nawasngájmún* naʼni dí majngawi̱i̱n,ga̱jma̱a̱ tsénimbáníí májánʼ xkujndu.+
8 Náa mésu̱ún kajnííʼ dí nijxi̱ʼ...,nánguá guanúu nditháan rí kaʼwu.
9 Tsáá gájuiʼsngáá,ga̱jma̱a̱ tsáá gájuiʼthán ajngáa rígi̱ rá.
Lá bi̱ ndiʼkuúnʼ niniña̱a̱nʼ ruxúúnʼ ráʼ.Lá bi̱ nánguá exnún muxúúnʼ xáʼ.
10 Numuu dí “kiʼtáñajunʼ ga̱jma̱a̱ i̱mba̱ má kiʼtáñajunʼ, kiʼtáñajunʼ ga̱jma̱a̱ i̱mba̱ má kiʼtáñajunʼ,awan dí naxtiéwan ga̱jma̱a̱, i̱mba̱ má awan dí naxtiéwan ga̱jma̱a̱,*+mbá chíʼgíiʼ* gi̱i̱ ga̱jma̱a̱ mbá chíʼgíiʼ a̱ʼkhu̱”.
11 Ikhaa majmiuu bi̱ tséjmiin gúthi májánʼ, ga̱jma̱a̱ bi̱ nuthi i̱mba̱ ajngáa mu maʼthúu̱n xuajin rígi̱.+
12 Mbá miʼtsú ikhaa niʼthún: “Gi̱i̱ nindxu̱u̱ náa mbuya̱a̱ jxa̱la. Bi̱ néʼngu̱u̱n, guya̱a̱ jxu̱ún, gi̱i̱ nindxu̱u̱ náa mbuya̱a̱ jxa̱la”. Mú ikhiin táʼndún gúdxawíín.+
13 Ikha jngóo, Jeobá naʼthúún ajngáa rígi̱:
“Kiʼtáñajunʼ ga̱jma̱a̱ i̱mba̱ má kiʼtáñajunʼ, kiʼtáñajunʼ ga̱jma̱a̱ i̱mba̱ má kiʼtáñajunʼ,awan dí naxtiéwan ga̱jma̱a̱, i̱mba̱ má awan dí naxtiéwan ga̱jma̱a̱,+mbá chíʼgíiʼ gi̱i̱ ga̱jma̱a̱ mbá chíʼgíiʼ a̱ʼkhu̱”,
mu xúʼko̱ índo̱ gágún kruígu̱u̱n,majngrádiinʼ ga̱jma̱a̱ majnguti̱gi̱i̱n skidiʼmajmiguiin ga̱jma̱a̱ majngutaʼmíinʼ náa tsáʼkhá.+
14 Ikha jngóo gudxawíín ajngóo Jeobá, ikháanʼla bi̱ nu̱ni̱ mbaʼumíjna̱,xa̱bu̱ ñajunʼ bi̱ kúwá náa xuajin rígi̱ dí rígá náa Jerusalén,
15 numuu dí ikháanʼla nu̱ta̱:
“Nimbánúxu gajmiúxu dí Nakháñulú,+ga̱jma̱a̱ nimbánúxu* gajmiúxu Iñá wajinʼ.*
Índo̱ nda̱a̱ tsu̱ma̱ gájnííʼ iyaʼxáxkamáanʼxu,numuu rí nimbáyumijnáxu náa rí minduwaʼga̱jma̱a̱ nirkaʼumijnáxu̱ náa rí minduwaʼ”.+
16 Ikha jngóo Tátá Jeobá bi̱ itháán Mba̱a̱ naʼthí rígi̱:
“¡Gu̱ya̱a̱! Naʼgíʼ rajkhúu Sion ga̱jma̱a̱ mbá itsí rí nijuiʼyáá dí nindxu̱u̱ májánʼ,+itsí rí itháan gíʼdoo numuu+ dí nagi̱ʼi̱ jxa̱ʼ ga̱jma̱a̱ rajkhúu guʼwá.+
Xúgíinʼ bi̱ gúsngajma fe xámíñún.+
17 Ma̱ni̱ rí nindxu̱u̱ májánʼ, mani̱ndxu̱u̱ xóo ñuñuu dí nugiewan ga̱jma̱a̱,+ga̱jma̱a̱ dí jmbu mani̱ndxu̱u̱ xóo nivel.*+
Eʼtsí maʼni gámbóo náa numbayúmíjná rí nindxu̱u̱ minduwaʼga̱jma̱a̱ majnííʼ iyaʼ náa nurkaʼwumijná.
18 Dí nimbánála gajmiála dí Nakháñulú mandáti̱ga̱a̱ga̱jma̱a̱ dí nimbánála gajmiála Iñá wajinʼ* xáwi̱ji̱ gújkhúʼ.+
Índo̱ nda̱a̱ tsu̱ma̱ gájnííʼ iyaʼ,rúʼko̱ gágixmbirigáanʼla ga̱jma̱a̱.
19 Mámbá índo̱ gájnííʼ iyaʼ,maʼga kaguáanʼla,+numuu dí manújngoo mámbá miʼcha̱,mbiʼi ga̱jma̱a̱ mbruʼun.
I̱ndó ga̱jma̱a̱ numuu gamíi maʼni rí makru̱ʼu̱u̱n ajngáa”.*
20 Numuu dí chíʼgíiʼ xiawoo, tséʼngo̱o̱ matabatámáaʼga̱jma̱a̱ tséʼngo̱o̱ matambráʼaminaʼ xtíin numuu dí na̱nguá paska.
21 Numuu dí Jeobá maʼni xó má niʼni náa kúbá Perazim,mba̱jui̱i̱ xó má niʼni náa mata* dí rígá náa mijngii Gabaón,+mu maʼnimbánuu ñajunʼ ndrígóo, mbá ñajunʼ dí na̱nguá eyáá rígá,ga̱jma̱a̱ maʼnimbánuu ñajunʼ ndrígóo mbá ñajunʼ dí xóó tséniʼnuuʼ.+
22 Ikha jngóo dí xúgi̱, xútsijmá,+mu xúʼko̱ xáxtoʼóo itháan jxa̱ʼ cadena dí kaxtuʼwála ga̱jma̱a̱,numuu dí nidxawuun Tátá bi̱ itháán Mba̱a̱, Jeobá bi̱ naʼtáñajúúnʼ ángeles,dí ikhaa niraʼwíí má dí maʼni gámbáa mbá xúgíʼ ku̱ba̱ʼ rígi̱.+
23 Gudxawunʼla, gudxawíín aʼwóʼ,guʼgíʼ edxa̱la ga̱jma̱a̱ gudxawíín rí na̱tha̱.
24 Lá bi̱ naʼndii naxnúu xku̱bi̱ kañiiʼ mbiʼi nákha xóó tséʼdu tsígáʼ ráʼ.
Lá naʼni mújúunʼ má xúʼko̱ ku̱ba̱ʼ ga̱jma̱a̱ naʼni kaʼwi̱i̱ xáʼ.+
25 Índo̱ gáwámbóo raʼnimbánii mbaaʼ,lá raʼkháa ikhú na̱da̱ʼ ajenuz* ga̱jma̱a̱ naʼdu comino xáʼ.Lá tséʼdu trigo, mijo* ga̱jma̱a̱ cebada náa mámbá mbaaʼ dí kaʼyoo maʼdu xáʼ.Ma̱ngaa lá tséʼdu espelta*+ náa rawuunʼ mbaaʼ xáʼ.
26 Numuu dí ikhaa* naʼsngóo* májánʼ.Dios ndrígóo naʼsngóo.+
27 Ajenuz tséxpigu ga̱jma̱a̱ xajpa dí najui̱ʼnu̱ ga̱jma̱a̱ tsígáʼ,+ma̱ngaa comino tségixmbi̱i̱ ga̱jma̱a̱ rueda ndrígóo carreta.
Ajenuz nurujtsi ga̱jma̱a̱ xkuíyá,ga̱jma̱a̱ comino nurujtsi ga̱jma̱a̱ ixi̱.
28 Lá mbáa naʼni e̱jndo̱o̱ʼ trigo mu maʼni pan ráʼ.
Na̱nguá, nimbáa tséʼnu̱ má xúʼko̱.+Índo̱ mbáa naʼni dí manújngoo náa tsu̱du̱u̱ trigo llántóo carreta dí nuxmajtaa wáyú,tséʼni e̱jndo̱o̱ʼ.+
29 Rígi̱ ma̱ngaa na̱ʼkha̱ náa Jeobá bi̱ naʼtáñajúúnʼ ángeles,dí nandoo maʼni* nindxu̱u̱ mitsaanʼga̱jma̱a̱ dí naʼngo̱o̱ naʼni nindxu̱u̱ mba̱ʼu̱.*+
Mbaʼa nota
^ Nakujmaa dí rígi̱ nandoo gáʼthúu̱n, Samaria xuajin náa natri̱ʼi̱i̱n mutañajunʼ.
^ O “nagui̱i̱”.
^ O “bi̱gu̱”.
^ O “gaʼyee”, “bi̱ nuthi dí marigá”.
^ O “visión”.
^ O “ñuñuu dí nugiewan ga̱jma̱a̱ i̱mba̱ má ñuñuu dí nugiewan ga̱jma̱a̱”.
^ O “lajuíin”.
^ O mbáa “ndiya̱a̱xu rí niwasngájmuxu”.
^ O “plomada”.
^ Náa ajngáa hebreo naʼthí, “Seol”.
^ O mbáa “índo̱ gákru̱ʼu̱u̱n mamiñún”.
^ O “bóo”.
^ Nindxu̱u̱ iná ndataun rí na̱ʼkha̱ náa tsígáʼ skuniʼ dí xóo pimienta kaʼnii.
^ Rígi̱ nindxu̱u̱ xó má trigo mú tséjmaʼnuuʼ wéñuuʼ, dí nudu bi̱ egipcio nákha wajyúuʼ.
^ Nindxu̱u̱ mbá iná rí majkhaʼ tsígooʼ.
^ Xóo muʼthá, Dios.
^ O “naxprígúu”.
^ O “consejo ndrígóo”.
^ O “rí najmañuu mbaʼyoo xóo maʼni nindxu̱u̱ mba̱a̱”.
