Isaías 59:1-21
59 ¡Gu̱ya̱a̱la! Ñawúunʼ Jeobá na̱nguá má chíʼmbaʼ kayuuʼ mu xáʼngo̱o̱ gáʼni káwáanʼla,+ga̱jma̱a̱ cháʼwuun na̱nguá má kúgoo* mu xándoo gáʼdxawun.+
2 Na̱nguá, dí nakiéʼkala niʼni wájñáanʼla náa Dios ndrígala.+
Aʼkhá dí nu̱nila niʼni dí ikhaa markaʼwu inuu náa ikháanʼlaga̱jma̱a̱ xándoo gáʼdxawanla.+
3 Numuu dí ñawánla kajnííʼ eʼdi,+ga̱jma̱a̱ náa e̱ji̱i̱n ñawánla rígá aʼkhá.
Náa rawanla nagájnuu dí minduwaʼ+ ga̱jma̱a̱ rajuanla naʼthí dí ra̱májánʼ.
4 Nimbáa tséʼthí mu maʼtámbáyúu dí májánʼ+ga̱jma̱a̱ nimbáa tséjkha̱ gákruigamínáʼ ga̱jma̱a̱ dí gajkhun.
Ikhiin nakumu̱ún kuyáá mbá rí nda̱a̱ numuu+ ga̱jma̱a̱ nuthi rí tséjmaa.
Nundxa̱ʼwa̱míjna̱ dí ra̱májánʼ ga̱jma̱a̱ rúʼko̱ na̱jkha̱ kagui̱i̱n muni̱ dí ra̱májánʼ.+
5 Numbri̱gúúnʼ xndúu a̱bu̱nʼ mbiiʼga̱jma̱a̱ nuxmí xmbújúu xinaʼ.+
Bi̱ gíkhu̱ xndú makhañúu,ga̱jma̱a̱ náa xndú dí gáwiʼtá magajnúu mbáa a̱bu̱nʼ.
6 Xmbúju̱ún xájmaa mu mugíʼ xóo xtíin,ni má xájmaa mu maguwu̱ún rí nuni̱.+
Ra̱májánʼ dí nuni̱ga̱jma̱a̱ najmún ñawúúnʼ mu muniu̱u̱n dí raʼkhí eʼwíinʼ.+
7 Asndu nagún ragáñúún mu muni̱ dí ra̱májánʼ,nacha̱ egún mu muradíin xa̱bu̱ bi̱ nda̱a̱ aʼkhúún.+
Nundxa̱ʼwa̱míjna̱ dí ra̱májánʼ,nuni̱ gámbáa ga̱jma̱a̱ nuni̱ dí marigá dí tsingíná.+
8 Túniʼnuuʼ kamba̱a̱ rí tsímáá,ga̱jma̱a̱ nda̱a̱ rí májánʼ náa kambu̱ún.+
Nuningaa kambu̱ún,xúgíinʼ bi̱ gújngri̱ga̱ ikhí xúniʼnuuʼ dí tsímáá.+
9 Ikha jngóo dí májánʼ rígá mitsínguánʼ náa ikháánʼlúga̱jma̱a̱ dí jmbu tséʼngo̱o̱ gáxkamáánlú.
Nuguaʼthi̱i̱n má xúʼko̱ dí marigá aguʼ, mú, ¡atayáá!, i̱ndó dí mikína rígá,nuguaʼthi̱i̱n dí maʼni mbiʼi, mú na̱jngruigulú má xúʼko̱ náa mikína.+
10 Nu̱xkajma náa pared xóo eni̱ bi̱ tsékruigu̱u̱n,nu̱xkajma ga̱jma̱a̱ nu̱xkajma xóo eni̱ bi̱ nda̱a̱ idún.+
Ta̱pha̱ mbiʼi najnguti̱ga̱a̱nʼlú xóo e̱ʼni̱lú índo̱ naʼni mikína dí wakíʼ,náa majñu̱únʼ bi̱ xkujiinʼ nindxu̱lú xó má bi̱ nikháñún.
11 Xúgiáánʼ nundxaʼwálú má xúʼko̱ xóo eni̱ osoga̱jma̱a̱ nuguwa̱nʼlú ngíná xóo eni̱ paloma.
Nugua̱ʼthi̱i̱nlú marigá dí májánʼ, mú nda̱a̱,ga̱jma̱a̱ dí maguma káwáánʼlú, mú mitsínguánʼ rígá náa ikháánʼlú.
12 Numuu dí ra̱ʼkhá tháán mbaʼa dí tsénimbuxu náa inaaʼ ikháán,+mámbá aʼkhá dí nu̱nixu̱ naʼthí dí raʼkhí ga̱jma̱a̱ numuxu̱.+
Numuu dí ndu̱ya̱a̱xu má kaʼwu dí tsénimbuxu,ndu̱ya̱a̱xu májánʼ dí nakiéʼkuxu.+
13 Ni̱nixu̱ aʼkhá ga̱jma̱a̱ túguajúnxu jmbu náa Jeobá,niniʼñáánʼxu Dios ndrígúxu̱.
Ni̱taxu dí naguma ngíníi ga̱jma̱a̱ rí tsénimbu̱u̱n xa̱bu̱,+nindxa̱ʼwa̱míjna̱xu dí minduwaʼ ga̱jma̱a̱ ni̱taxu wáwáa dí minduwaʼ náa a̱jkiu̱xu̱.+
14 Nutsudaa dí májánʼ matanga̱a̱ skidiʼ,+ga̱jma̱a̱ dí jmbu mitsínguánʼ eguanúu,+náa xuáá nixpátri̱ga̱a̱ dí gajkhunga̱jma̱a̱ dí jmbu xándoo mato̱ʼo̱o̱.
15 Nindátíga̱a̱ dí gajkhun,+ga̱jma̱a̱ nagajta káñún xúgíʼ dí guáʼdáá bi̱ nuni̱ tsíngumi̱jna̱ náa dí ra̱májánʼ.
Jeobá ndiʼyoo ga̱jma̱a̱ tánigu̱u̱ʼ,numuu dí na̱nguá eguma dí májánʼ.+
16 Ndiʼyoo rí ndawa̱a̱ nimbáa xa̱bu̱,ga̱jma̱a̱ niʼniuu tsiánguá rí ndawa̱a̱ tsáa mayambáá,ikha jngóo ñawúunʼ má ni̱ʼkha̱ kayóo dí maʼni káwíin*ga̱jma̱a̱ rí májánʼ dí naʼni nimbáyúu.
17 Ikhú nigíʼ dí májánʼ, dí nindxu̱u̱ xóo mbá ajua̱nʼ dí nañewu̱u̱n tso̱xto̱o̱,ga̱jma̱a̱ nigrígu casco náa edxu̱u̱ dí maʼni káwíin.+
Nigíʼ xtíin dí maʼni mumíniiʼ+ga̱jma̱a̱ nimbraʼaminaʼ xtíin dí ra̱ʼkhá tháán eyoo maʼni dí májánʼ.*
18 Maxnún xó má dí ikhiin nini̱:+
makásngañu̱u̱ʼ kaʼñún xa̱bu̱ sia̱nʼ, maʼni rí mumíniiʼ xa̱bu̱ sia̱nʼ.+
Ga̱jma̱a̱ bi̱ kúwíin náa islas* maʼniún xó má ikhiin nini̱.
19 Bi̱ kúwá náa narámaaʼ a̱jkha̱ʼ* mamiñún kuyáá mbiʼyuu Jeobá,ga̱jma̱a̱ bi̱ kúwá náa nagájnuu a̱jkha̱ʼ* mamiñún gáʼni gamajkhu ndrígóo,numuu dí ikhaa ma̱ʼkha̱ xóo mbá mañu mba̱a̱ rí na̱jkha̱ nacha̱ga̱jma̱a̱ tsiaki̱i̱ ndrígóo Jeobá gáʼkha̱ kayóo.
20 “Bi̱ Maʼtsiwíin+ ma̱ʼkha̱ náa Sion,+bi̱ naguwáʼ náa Jacob bi̱ gúniña̱a̱nʼ aʼkhá dí nuni̱”,+ eʼthí Jeobá.
21 Rígi̱ dí naʼthí Jeobá: “Ikhúún, mambanúʼ gajmíʼ rígi̱.+ Tsiaki̱i̱ ndrígóʼ dí rígá náa ikháán, ga̱jma̱a̱ ajngóʼ dí nigídáʼ náa rawaanʼ, xágájna̱a̱ náa rawaanʼ, ni má náa rawúúnʼ e̱jña̱a̱ʼ,* ni má náa rawúúnʼ e̱jín xíñáaʼ,* nákha xúgi̱ ga̱jma̱a̱ asndu kámuu”, eʼthí Jeobá.
