Isaías 56:1-12
56 Rígi̱ dí naʼthí Jeobá:
“Gutambáyíí rí májánʼ+ ga̱jma̱a̱ gu̱nila rí nindxu̱u̱ jmbu,numuu rí na̱ʼkha̱ má mijngii dí ma̱ni̱ káwáanʼlaga̱jma̱a̱ makujmaa jmbu rí na̱ni̱.+
2 Gagi xtáa xa̱bu̱ bi̱ naʼni rígi̱ga̱jma̱a̱ a̱ʼdióo xa̱biya̱ bi̱ naʼnimbánuu rígi̱,bi̱ ndaʼyoo rí mbiʼi sábado nindxu̱u̱ mbá mbiʼi mitsúʼkháan,+ga̱jma̱a̱ nañewumínáʼ mu xáʼni nimbá dí ra̱májánʼ.
3 Xa̱bu̱ na̱ʼkha̱á bi̱ gáʼyamajkuu Jeobá,+ ragíʼmaa maʼthí:‹Mbáa Jeobá maríñu̱u̱nʼ náa xuajñuu›.
Ga̱jma̱a̱ eunuco* ragíʼmaa maʼthí: ‹¡Atayáá! Nindxu̱ʼ mbá ixi̱ nijndooʼ›”.
4 Numuu dí rígi̱ dí naʼthí Jeobá: “Eunucos bi̱ nduyáá rí sábado nindxu̱u̱ mitsúʼkháan, bi̱ nuraʼwi̱i̱ muni̱ dí ikhúún nanigu̱ʼ ga̱jma̱a̱ nunimbáníí dí nimbánúʼ gajmíʼ,
5 ma̱ni̱ dí náa goʼwóʼ ga̱jma̱a̱ náa awúu̱n xtájtsí ndrígóʼ marigá mbá dí maʼni marmáʼáan a̱jkiu̱nʼ ka̱ñu̱u̱n,ga̱jma̱a̱ marmáʼáan a̱jkiu̱nʼ mbiʼñún,
mbá dí itháan májánʼ ki xóo dí muguáʼdiin e̱jñu̱ún wa̱ʼxa̱ʼ* ga̱jma̱a̱ jiámá.Maxnu̱u̱n mbá mbiʼñún dí mbajyúuʼ asndu kámuu, mbá mbiʼñún rí nditháan xándatíga̱a̱.
6 Mú ga̱jma̱a̱ numún xa̱bu̱ bi̱ naguwaáʼ,bi̱ nakúwíin náa Jeobá mu mbuyamajkuíí,mu maʼndún kuyáá mbiʼyuu Jeobá+ ga̱jma̱a̱ mu mani̱ndxu̱ún xa̱bi̱i̱,xúgíinʼ bi̱ nduyáá rí mitsúʼkháan mbiʼi sábadoga̱jma̱a̱ bi̱ nunimbaníí rí nimbánuʼ gajmíʼ,
7 ma̱ʼkhá kagui̱i̱n náa kúbá ndrígóʼ rí kaʼwu,+ga̱jma̱a̱ ma̱ni̱ rí maʼdxúún náa goʼwóʼ rí nutakháñuʼ.
Magruigú tsigijñaʼ ndrígu̱ún dí nakarámáʼ.
Numuu rí goʼwóʼ magumbiʼyuu guʼwá náa nutajkháan mbá xúgíinʼ xa̱bu̱ xuajin”.+
8 Tátá Jeobá bi̱ itháán Mba̱a̱ bi̱ xtáa ragímbíin xa̱bu̱ Israel bi̱ nigadríʼiin,+ naʼthí:
“Ma̱ni̱ rí muwi̱i̱n eʼwíinʼ xa̱bu̱ náa bi̱ nigimbíin má”.+
9 Gaguwa̱ʼ guphiʼtsu xúgiáanʼ ikháanʼ xujkhúʼ bi̱ kúwá náa xanáá,ga̱jma̱a̱ xúgiáanʼ ikháanʼ xujkhú xáná bi̱ kúwá náa xaxi̱.+
10 Xa̱bi̱i̱ bi̱ nuyejngoo tsékruigu̱u̱n,+ nimbáa rí ikhiin nda̱a̱ rí ndiʼyoo.+
Xúgíinʼ ikhiin nindxu̱ún xóo xu̱wánʼ bi̱ tséndxa̱ʼwa̱, bi̱ tséjmangu̱u̱nʼ.+
Tséʼngu̱u̱n gúyá xi̱ʼ ga̱jma̱a̱ nubúúnʼ, ra̱ʼkhá tháán nanigu̱u̱nʼ mu̱nuʼ.
11 Ni̱ndxu̱ún xu̱wánʼ bi̱ ra̱ʼkhá tháán exkidxu̱u̱n,nditháan tségiʼmún.
Nindxu̱ún baxtúu bi̱ tsékru̱ʼu̱u̱n nimbá.+
Mámbáa rí ikhiin na̱jkha̱ náa nandoo,mbá xúgíinʼ i̱ndó nduyáʼ rí maguáʼdáá ikhiin ga̱jma̱a̱ nuthi:
12 “Gaguwaʼ, maʼgá gáyáʼ vino,guʼwa̱a̱n iya najnga̱a̱ asndu majnga̱ánʼ.+
¡Xúʼko̱ má gúʼwáan gájtsíí ma̱ngaa, mú muʼwa̱a̱n itháan!”.
