Isaías 29:1-24
29 “¡Ngínáa lá Ariel,* Ariel, xuajin náa nigíʼ goʼwóo David!
Gu̱ni̱ má xúʼko̱ mámbá tsiguʼgu̱ni̱ má xúʼko̱ ndxa̱la mámbá tsiguʼ.
2 Mú ma̱ni̱ dí Ariel maxmiéjuunʼ,maxtáa ngíná ga̱jma̱a̱ magáwíinʼ a̱jkiu̱u̱n,ikhaa mani̱ndxu̱u̱ náa ikhúún xóo mbá náa nakarámáʼ tsigijñaʼ dí najuixnájxi̱ náa Dios.
3 Maruguama̱ʼa̱a̱n mbájndi mu muxmijnálú,maruguama̱ʼa̱a̱n ga̱jma̱a̱ ixi̱ kúdúga̱jma̱a̱ makujxí mbá xtájtsí dí maruguama̱ʼa̱a̱n ga̱jma̱a̱.
4 Maxpátríga̱a̱n ga̱jma̱a̱ maguma majti̱i̱nʼ,marata̱ asndu mbayííʼga̱jma̱a̱ yujndaʼ gágúgoo ga̱jma̱a̱ aʼwáaʼ.
Aʼwáaʼ mawáán náa ku̱ba̱ʼxóo aʼwóo mbáa bi̱ narajxu̱u̱n wajinʼ,ga̱jma̱a̱ ajngáaʼ mawáán náa yujndaʼ xóo índo̱ mbáa naʼthí mañu̱ú.
5 Xa̱bu̱ sia̱nʼ* ndrígáaʼ bi̱ ra̱ʼkhá tháán mbaʼin mani̱ndxu̱ún xóo yujndaʼ,xa̱bu̱ ra̱míjíinʼ bi̱ ra̱ʼkhá tháán mbaʼin mani̱ndxu̱ún xóo ra̱jxa̱ dí na̱jkha̱ kayóo giñánʼ.
Mbá nacha̱ ga̱jma̱a̱ nda̱a̱ tsu̱ma̱ gárígá.
6 Jeobá bi̱ naʼtáñajúúnʼ ángelesmañewa̱a̱nʼ ga̱jma̱a̱ a̱jkhu̱u̱n,* dí maʼxma, mbá gitsaʼwá* gakhi̱i̱,giñámbiʼ ga̱jma̱a̱ mbá riʼyu̱u̱ aguʼ dí mba̱a̱”.
7 Ikhú xa̱bu̱ bi̱ kúwá náa mbaʼa xuajin bi̱ nuxmijná gajmiún Ariel,xúgíinʼ bi̱ nuxmijná gajmiún ikhaa,torre dí najmún mu muxmijná dí kúgumaʼá ga̱jma̱a̱,bi̱ nuni̱ dí maxtáa ngínámani̱ndxu̱ún xóo mbá xnuʼndaa, xóo rí nawasngájmáá mbaʼyoo* mbáa dí mbruʼun.
8 Xúʼko̱, mani̱ndxu̱u̱ xóo mbáa bi̱ naxkidxu̱u̱ bi̱ nagundaa dí xtáa rakuiʼtsu,mú índo̱ ndajui̱i̱ naxkidxu̱u̱,ga̱jma̱a̱ xóo mbáa bi̱ nakándawuuʼ bi̱ nagundaa dí xtáa raʼga̱a̱n iyaʼ,mú índo̱ ndajui̱i̱ néʼngo̱o̱ ga̱jma̱a̱ nakándawuuʼ,xúʼko̱ gáguáʼníín xa̱bu̱ xuajin bi̱ mbaʼinbi̱ nuxmijná gajmiún kúbá Sion.
9 Aguanála wíí ga̱jma̱a̱ gaʼniala tsiánguá,guruguáá idala mu xúya̱a̱.
Ikhiin najngi̱i̱n, mú túwáan vino,naguíʼiin, mú túwáan iya najnga̱a̱.
10 Numuu dí Jeobá niʼni rí mu̱nuʼla mi̱du̱u̱nirugoo idala, ikháanʼ profetas,ga̱jma̱a̱ nirugoo e̱dxa̱laʼ ikháanʼ xa̱bekha bi̱ ndu̱ya̱a̱ dí nawasngájmala.
11 Ikháanʼla ndu̱ya̱a̱ dí mbá xúgíʼ rí nawasngájma, nindxu̱u̱ xóo ajngáa rí na̱ʼkha̱ náa mbá libro dí kaxtoʼóo, índo̱ nuxna̱a̱ mbáa bi̱ najmañuu naguxnuu, nutha̱a̱nla: “Mbá péñu,* atraxnuu xígú rígi̱”. Ikhaa nariʼña “Xándoo, numuu dí kaxtoʼóo”.
12 Ga̱jma̱a̱ índo̱ nuxna̱a̱ libro mbáa bi̱ tséjmañuu gáguxnuu, nutha̱a̱nla: “Mbá péñu, atraxnuu rígi̱”. Ikhaa nariʼña “Tséjmañuʼ gágúxnúu”.
13 Jeobá naʼthí: “Xuajin rígi̱, naʼthíí* dí nakuʼmaminaʼ náa ikhúún,ga̱jma̱a̱ naʼthíí rí ndaʼyamajkuʼ,mú a̱jkiu̱u̱n rígá mitsínguánʼ náa ikhúún,ga̱jma̱a̱ namíñúu kaʼyoʼ ga̱jma̱a̱ numuu kiʼtáñajunʼ rí nuxna xa̱bu̱ú, kiʼtáñajunʼ rí nijuiʼsngáá.
14 Ikha jngóo ikhúún matangu̱ún ma̱ni̱ milagro náa xuajin rígi̱,i̱mba̱ má i̱mba̱ milagro gáni̱,ga̱jma̱a̱ ku̱ma̱ rí guáʼdáá bi̱ najmañún, mambáa,ga̱jma̱a̱ dí nakru̱ʼu̱u̱n xa̱bu̱ bi̱ najmañún mandáti̱ga̱a̱”.
15 ¡Ngíníi lá bi̱ naku̱mu̱ún rí tséʼyoo Jeobá awan dí nuri̱ya̱ʼ!
Nuni̱ dí ra̱májánʼ náa mikína,índo̱ nuthi: “Ndawa̱a̱ tsáa eʼyulú,ndawa̱a̱ tsáa eʼyoo rí nu̱ʼni̱lú”.
16 ¡Raʼkhí kayuuʼ xóo endxa̱ʼwa̱míjnala!
Lá ma̱ndoo dí mbáa bi̱ naʼni daan mani̱ndxu̱u̱ ikháá má xóo ku̱ba̱ʼ ráʼ.
Lá ma̱ndoo mbá rí niguma maʼthí ga̱jma̱a̱ numuu bi̱ niʼnii“Ikhaa na̱nguá niʼniún” xáʼ.
Lá ma̱ndoo mbá rí niguma maʼthí ga̱jma̱a̱ numuu bi̱ niʼnii“Ikhaa nda̱a̱ dí ekro̱ʼo̱o̱” xáʼ.
17 Ni xájyúuʼ má mba̱yu̱u̱ʼ dí Líbano maʼga̱nú mani̱ndxu̱u̱ mbá huerta,ga̱jma̱a̱ mbá huerta maʼga̱nú mani̱ndxu̱u̱ mbá xaxi̱.
18 Mbiʼi rúʼko̱, bi̱ tsédxawíín mudxawíín ajngáa dí naʼthí náa libro,bi̱ tsékruigu̱u̱n magajnáán náa mikína, ga̱jma̱a̱ nándáa dí gárikhún mu ma̱ndoo muyejxi̱.
19 Xa̱bu̱ guabiinʼ* ra̱ʼkhá tháán gáʼdxúún ga̱jma̱a̱ numuu Jeobá,ga̱jma̱a̱ xa̱bu̱ ngíníi ra̱ʼkhá tháán gáʼdxún ga̱jma̱a̱ numuu bi̱ Kaʼwii náa Israel.
20 Numuu dí xa̱bu̱ ra̱míjíinʼ mandáti̱gi̱i̱nga̱jma̱a̱ xa̱bu̱ bi̱ nuni̱ mbaʼumíjna̱ maʼga̱nú martumuu mbiʼñún,ga̱jma̱a̱ mbá xúgíinʼ xa̱bu̱ bi̱ kúwá xawii mu muni̱ dí ra̱májánʼ, maguma gámbíin.
21 Xa̱bu̱ bi̱ najmún ajngáa rí nduwaʼ mu muni̱ tsu̱du̱ún eʼwíinʼ,bi̱ nugíʼ tsáʼkhá náa inuu bi̱ nandoo mambanúu numuu* náa xkrugoo xuajin,ga̱jma̱a̱ bi̱ nuthi ajngáa dí ragájkhun mu xámbánuu májánʼ numuu bi̱ jmbii.
22 Ikha jngóo Jeobá bi̱ niʼni kríya̱a̱ʼ Abrahán naʼthúu̱n goʼwóo Jacob:
“Jacob ni xátiyu̱u̱ʼ, ga̱jma̱a̱ inuu xáʼni miʼxájtiʼ.*
23 Numuu rí índo̱ ikhaa gáʼñúún e̱ji̱i̱n,bi̱ ni̱ni̱i̱ ga̱jma̱a̱ ñawúnʼ, náa majñu̱u̱ʼ ikhaa,muni̱ kaʼwi̱i̱ mbiʼyuʼ, muni̱ kaʼwi̱i̱ bi̱ Kaʼwii náa Jacobga̱jma̱a̱ musngajma rí nduyamajkuíí Dios ndrígóo Israel.
24 Bi̱ nigájnuriñu̱u̱nʼ makru̱ʼu̱u̱n,ga̱jma̱a̱ bi̱ nuxieʼkhá muniñami̱jna̱ dí majuiʼsngúún”.
Mbaʼa nota
^ Mbáa nandoo gáʼthúu̱n ‹náa nakarámáʼ tsigijñaʼ dí najuixnájxi̱ náa Dios›. Nakujmaa dí nandoo gáʼthúu̱n Jerusalén.
^ Náa ajngáa hebreo naʼthí, “xa̱bu̱ bi̱ naguwaáʼ”.
^ O “bi̱gu̱”.
^ O “rí nawán”.
^ O “ndaʼyoo visión”.
^ O “atani̱ mbá rí májánʼ”.
^ Náa ajngáa hebreo naʼthí, “náa rawuunʼ”.
^ O “bi̱ tséjmangu̱u̱nʼ”.
^ Náa ajngáa hebreo naʼthí, “bi̱ naxprígú”.
^ Xóo muʼthá, ni xáti̱yu̱u̱ʼ ga̱jma̱a̱ ni xáʼni ngíná a̱jkiu̱u̱n.
