Isaías 16:1-14
-
Najuiʼthá xóó dí magíʼnuu Moab (1-14)
16 Guxuʼmáa mbáa mugu̱ e̱jmba̱a̱ náa xa̱bu̱ ñajunʼ bi̱ xtáa náa xuajin,magajnúu náa Sela, manújngoo náa ku̱ba̱ʼ mijxooʼ,*maʼga̱nú asndu náa kúbá ndrígóo wáxióo* Sion.
2 Xóo mbáa ñu̱ʼu̱ bi̱ nunimiñíí náa xújúunʼ,+xúʼko̱ gánindxu̱ún waʼxiinʼ Moab náa kamba̱a̱ rí nanújngúún mu magún náa Arnón.+
3 “Gu̱xna̱ consejo, gunimbáníí dí nixtaʼwíí maguma.
Atani̱ dí náa ta̱pha̱ mbiʼi ndájkuaaʼ maʼni xóo mbruʼun.
Atarkaʼwiin bi̱ nigadríʼiin ga̱jma̱a̱ xáraxnajxíin bi̱ nigáñún.
4 Bi̱ nigadríʼiin makuwá náa majña̱a̱ʼ, Moab.
Ganindxa̱a̱ʼ xóo mbá náa mumbayumíjná náa bi̱ naʼni gámbáa.+
Bi̱ naʼni ngíníi eʼwíinʼ martumuu mbiʼi ndrígóo,ga̱jma̱a̱ dí naʼni gámbáa martumuu,mangiin bi̱ nuxujmbiri̱gi̱i̱n eʼwíinʼ mambíin náa tsu̱du̱u̱ ku̱ba̱ʼ.
5 Ikhú mawi̱ji̱ jxa̱ʼ mbá xílí* náa nutañajunʼ ga̱jma̱a̱ numuu ngajua rí tsétumuu.*
Bi̱ gági̱ʼi̱ ikhí náa goʼwóo David mani̱ndxu̱u̱ jmbii,+xáraʼwíin xa̱bu̱ mu maʼnimbánuu numún, xájyúuʼ dí maʼnimbánuu májánʼ numún”.+
6 Nidxáwíínxu xóo eʼnimbamínáʼ Moab, ra̱ʼkhá tháán eʼnimbamínáʼ,+nakujximínáʼ, naku̱mu̱u̱ kaʼyaminaʼ ga̱jma̱a̱ ra̱ʼkhá tháán ekásnga̱ñu̱u̱ʼ,+mú ajngáa dí naʼthí xáʼga̱nú marigá.
7 Ikha jngóo Moab magáwíinʼ a̱jkiu̱u̱n kaʼyoo Moab,xúgíinʼ ikhiin makuwá ngíná.+
Bi̱ gáguma ngíníi mumbi̱ya̱ʼ ga̱jma̱a̱ numuu pan dí niguma ga̱jma̱a̱ uva nijndooʼ dí rígá náa Quir-Haréset.+
8 Numuu dí nijuiʼdu náa ku̱ba̱ʼ Hesbón+ nijnduxtá,ma̱ngaa ixi̱ uva dí rígá náa Sibmá,+xa̱bu̱ ñajunʼ bi̱ kúwá náa mbaʼa xuajin nijngupri̱gu̱u̱n ñawúunʼ ixi̱ uva dí maña̱ʼ,*ñawúunʼ ixi̱ uva ni̱jkha̱nú asndu náa Jazer,+nirtumuu asndu náa ku̱ba̱ʼ mijxooʼ.
Ndiʼya rudiuuʼ ga̱jma̱a̱ ni̱jkha̱nú asndu náa lamáa.*
9 Ikha jngóo mambi̱ya̱ʼ ga̱jma̱a̱ numuu ixi̱ uva dí rígá náa Sibmá xó má nambi̱ya̱ʼ ga̱jma̱a̱ numuu Jazer.
Marmajáán ga̱jma̱a̱ iyooʼ iduʼ Hesbón xúʼko̱ má mangáán Elealé,+numuu dí ni xúndxa̱ʼwa̱ ga̱jma̱a̱ numuu xndú dí nijma̱a̱ ruʼphu ma̱ngaa ga̱jma̱a̱ numuu dí nitadu.*
10 Dí kúwá gagi ga̱jma̱a̱ dí nadxún niguámbáa náa huerta,nánguá ewán dí nadxún, ni má nánguá ewán ajmúú náa kiʼdu uva.+
Nimbáa nánguá kujmbi̱i̱ uva náa iñáʼ,numuu dí ikhúún ni̱ni̱ mambáa dí nundxa̱ʼwa̱.+
11 Ikha jngóo a̱jkiu̱nʼ naʼba̱a̱n ga̱jma̱a̱ numuu Moab,+xóo eʼba̱a̱n cuérdóo arpa,a̱jkiu̱nʼ naʼba̱a̱n ga̱jma̱a̱ numuu Quir-Haréset.+
12 Maski ajndu Moab maʼni néʼngo̱o̱ náa rí mitsídánʼ, ga̱jma̱a̱ maʼga náa guʼwá rí ndaʼyamajkuu dios ndrígóo mu maʼtájkáan, nda̱a̱ dí gáxkamaa.+
13 Rúʼko̱ nindxu̱u̱ ajngáa dí Jeobá niʼthí má nákha ginii dí magíʼnuu Moab.
14 Dí xúgi̱ Jeobá naʼthí: “Índo̱ gáʼni ajtsú tsiguʼ, xóo tsiguʼ dí nañajunʼ mu madaaʼ mbáa xa̱bu̱ bi̱ nutiʼñáá,* gamajkhu dí gíʼdoo Moab maguma májti̱i̱ʼ ga̱jma̱a̱ numuu mbaʼa enii gamiéjunʼ, kááʼ nguéjmi̱i̱n gáguanún ikhí ga̱jma̱a̱ xáguáʼdáá numún”.+
