Isaías 4:1-6
4 Mbiʼi rúʼko̱, mbá juwiin gu̱ʼu̱ murajtuwiin mbáwíí xa̱biya̱+ ga̱jma̱a̱ muthán:
“Mu̱phúxu má ganitsu ndrígúxu̱ga̱jma̱a̱ mbuʼyáʼxu má ikháanʼ xtíin dí muʼgíʼ,i̱ndó atatsíñuxu̱ dí muyéʼguaxu mbiʼyaaʼmu xúʼko̱ magajta̱a̱ majthi̱ʼ* náa ikháanʼxu̱”.+
2 Mbiʼi rúʼko̱, dí Jeobá gáʼni makráʼáan mani̱ndxu̱u̱ mitsaanʼ* ga̱jma̱a̱ májánʼ, rí gájma̱a̱ náa ku̱ba̱ʼ maʼni dí maʼdxúún ga̱jma̱a̱ maʼni mitsiʼñíin bi̱ gáguma káwíin náa Israel.+
3 Xúgíinʼ bi̱ gáguanún náa Sion ga̱jma̱a̱ bi̱ gáguanún náa Jerusalén magumbiʼñúún kaʼwiin, xúgíinʼ bi̱ kúwá náa Jerusalén bi̱ kiʼniraʼmáʼ mbiʼñún mu makuwá.+
4 Índo̱ Jeobá gájmuu tsiaki̱i̱ ndrígóo mu mandi̱ʼi̱ín cuenta ga̱jma̱a̱ rí nakásngañu̱u̱ʼ,+ maʼni kaʼwi̱i̱ rí tsagiin* waʼxiinʼ* Sion+ ga̱jma̱a̱ maʼni kaʼwi̱i̱ eʼdi dí nigadíí náa Jerusalén.
5 Jeobá maʼni náa mbá xúgíʼ kúbá Sion ga̱jma̱a̱ náa mbá xúgíʼ rí nagimbíi̱n, mbá du̱u̱n dí gúní rí mbiʼi ga̱jma̱a̱ mbá aguʼ dí naxpíbínʼ rí mbruʼun,+ numuu dí marigá mbá dí mañewu̱u̱n xúgíʼ rí mitsaanʼ.
6 Ga̱jma̱a̱ marigá mbá guʼwá xtúguá dí maʼni mijxa índo̱ naʼni mijkha dí mbiʼi,+ ma̱ngaa mayambáá mu ikhí mutawa̱a̱nʼ ga̱jma̱a̱ mumbayumíjná índo̱ naxnúu ruʼwambiʼ ga̱jma̱a̱ índo̱ naxnúu ruʼwa.+
