Isaías 35:1-10
35 Náa ku̱ba̱ʼ mijxooʼ* ga̱jma̱a̱ náa ku̱ba̱ʼ rí nda̱a̱ iyaʼ marigá dí gagi,+xkua̱ mijxooʼ maxtáa gagi ga̱jma̱a̱ majmidi̱ xóo ejmidi̱ ri̱ʼi̱ azafrán.+
2 Majmidi̱ ri̱ʼyu̱u̱,+maxtáa gagi ga̱jma̱a̱ mandxa̱ʼwá rí nadxuu.
Makhánáá dí mitsaanʼ* dí rígá náa Líbano,+ga̱jma̱a̱ dí naxpíbínʼ dí rígá náa Carmelo+ ga̱jma̱a̱ náa Sarón.+
Mbuyáá xóo mitsiʼyáa Jeobá, ga̱jma̱a̱ xóo naxpíbíinʼ Dios ndrígúlú.
3 Gu̱ni̱ maʼni gújkhúʼ ñawánla rí nánguá gíʼdoo tsiaki̱i̱ga̱jma̱a̱ ragómiala rí naguáʼáan.+
4 Guthu̱u̱nla rígi̱ bi̱ nagawúunʼ a̱jkiu̱ún:
“Gakhi̱i̱ a̱jkia̱la gúni̱. Xámíñálá.
¡Gu̱ya̱a̱! Mina̱a̱ʼ Dios ndrígala ma̱ʼkha̱ gáʼni ngíníi xa̱bu̱ sia̱nʼ ndrígala,Dios ma̱ʼkha̱ gáʼni dí mumíniiʼ.+
Ikhaa ma̱ʼkha̱ ga̱jma̱a̱ maʼni káwáanʼla”.+
5 Mbiʼi rúʼko̱, bi̱ tsékruigu̱u̱n, mambaʼta̱a̱ idún+ga̱jma̱a̱ bi̱ tsédxawíín mambaʼta̱a̱ cháʼwúún.+
6 Mbiʼi rúʼko̱, xa̱bu̱ gúʼxúʼ makijxi̱i̱ xóo eʼni mbáa aña̱ʼ,+ga̱jma̱a̱ xa̱bu̱ bi̱ tséʼthí mandxa̱ʼwá ga̱jma̱a̱ gagi.+
Numuu dí náa ku̱ba̱ʼ mijxooʼ maʼndijuíi iyaʼga̱jma̱a̱ marigá mañu náa xkua̱ rí mijxooʼ.
7 Náa ku̱ba̱ʼ rí nijndooʼ eʼni mijkhamaʼga̱nú mani̱ndxu̱u̱ xóo mbaaʼ náa na̱jnu̱ma̱ʼa̱n iyaʼ náa rígá e̱ʼi̱n*
ga̱jma̱a̱ ku̱ba̱ʼ náa nda̱a̱ iyaʼ, marigá iduu iyaʼ.+Náa jngútíʼiin chacal*+ marigá iná maxaʼ, e̱ʼi̱n ga̱jma̱a̱ papiro.
8 Ga̱jma̱a̱ ikhí marigá mbá kamba̱a̱,+mbá kamba̱a̱ rí mbiʼyuu Kamba̱a̱ mikaʼwu.
Bi̱ tsagaa xáʼga ikhí.+
Kamba̱a̱ rúʼko̱ nixtagijxi̱i̱ mu maʼga bi̱ na̱jkha̱ kamba̱a̱,nimbáa xa̱bu̱ skágunʼ xáʼga ikhí.
9 Nimbáa león xáxtáa ikhí,ni má xúxuʼmamijná xujkhú xkawi̱i̱nʼ.
Nditháan xájuiʼñún ikhí,+i̱ndó bi̱ niʼtsiwiin Dios magún ikhí.+
10 Bi̱ Jeobá niʼni káwíin matangi̱ín+ ga̱jma̱a̱ magún rundxa̱ʼwa̱ gagi náa Sion.+
Dí makuwá gagi mbá kámuu maʼni mitsiʼñíin.+
Maʼdxúún ga̱jma̱a̱ makuwá gagi,dí ngíná ga̱jma̱a̱ rí nutsiná mandáti̱ga̱a̱.+
