Isaías 53:1-12
53 Tsáá niʼnimbo̱o̱ náa ajngáa* rí niʼtálu rá.+
Tsáá niwasngájmáá tsiaki̱i̱ rí gíʼdoo ñawúunʼ Jeobá rá.+
2 Ikhaa* makujmaa náa inuu xóo mbá ñawúunʼ ixi̱,+ xóo mbá ajmu̱u̱ ixi̱ náa ku̱ba̱ʼ rí nda̱a̱ iyaʼ.
Ikhaa wáa má kaʼnii* kri̱ga̱a̱ ga̱jma̱a̱ na̱nguá gíʼdoo,+ma̱ngaa índo̱ nduʼyáálú tsénigulú xóo kaʼnii.
3 Ninindxu̱u̱ mbáa bi̱ táʼndúún gúyáá ga̱jma̱a̱ niwiñu̱u̱nʼ kuyáá,+ndiyóoʼ maraʼnuu rí mamínuuʼ* ga̱jma̱a̱ niguʼwuun eʼni nandii.
Ninindxu̱u̱ xóo nirkaʼwu inuu náa ikháánʼlú.*
Táʼndulú gúʼyáá ga̱jma̱a̱ ndiʼyáá xóo mbáa bi̱ ragíʼdoo numuu.+
4 Rí gajkhun, ikhaa nigu̱u̱ nandiulú+ ga̱jma̱a̱ xúgíʼ ga̱ʼkhu̱ rí kuaʼdáá.+Mú ikháánʼlú ndiʼyáá xóo mbáa bi̱ naʼniuu nandii,
bi̱ Dios naʼni rí mamínuuʼ ga̱jma̱a̱ naxtáa ngíná.
5 Maski ajndu xúʼko̱, nini̱ gawíínʼ+ ga̱jma̱a̱ numuu aʼkhúlú,+niguma ngínáa ga̱jma̱a̱ numuu rí nakiéʼkulu.+
Ikhaa niʼngo̱o̱ rí nimínuuʼ mu ikháánʼlú makuwáánʼ tsímáá,+ga̱jma̱a̱ núma̱a̱ má rí nigawúunʼ, niʼni rí ikháánʼlú maguma tanulú.+
6 Xúgiáánʼ nijngruigulú xóo mugu̱ bi̱ nindáti̱gi̱i̱n,+mámbáa ni̱jkha̱ náa nindooga̱jma̱a̱ Jeobá niʼni rí xúgíʼ dí nakiéʼkulu magu̱u̱ ikhaa.+
7 Nini̱ rí mamínuuʼ+ ga̱jma̱a̱ niniñaminaʼ rí muni̱ ngínáa,+mú ikhaa nda̱a̱ rí niʼthí.
Nigún ku̱ya̱a̱ xóo mbáa mugu̱ mu muxiyáa,+xóo mbáa mugu̱ bi̱ naguanúu wíí índo̱ nuda̱a̱,nditháan tséndxaʼwá.+
8 Nini̱ ngínáa ga̱jma̱a̱ nigún ku̱ya̱a̱ rí asndu túnimbáníí numuu,tsáá lá gáxmiéjuunʼ mbaʼyoo kuduun xóo nixtáa xá.
Nixiyáa náa ku̱ba̱ʼ ndrígu̱ún xa̱bu̱ bi̱ nduya,+nimínuuʼ* ga̱jma̱a̱ numuu aʼkhúun xuajñunʼ.+
9 Nijuiʼdi̱i̱* náa nijuiʼdi̱ín xa̱bu̱ xkawi̱i̱nʼ,+índo̱ nikháñuu nijuiʼdi̱i̱ gajmíi̱n xa̱bu̱ bi̱ guáʼdáá,*+maski ajndu ikhaa na̱nguá niʼni nimbá dí ra̱májánʼ,ni má táʼthí rí nduwaʼ.+
10 Jeobá má niniñuuʼ dí maguma ngínáa wéñuuʼ ga̱jma̱a̱ ikhaa má niniñuuʼ dí maʼniuu nandii.
Á mu ikháán Dios, gáraxnajxí vida ndrígóo xóo tsigijñaʼ+ga̱jma̱a̱ numuu rí nakiéʼkúún, ikhaa mbaʼñúún bi̱ gáguwáʼ náa ikhaa ga̱jma̱a̱ maxtáa mba̱yu̱u̱ʼ,+ga̱jma̱a̱ numuu ikhaa mambanúu rí nandoo Jeobá.+
11 Ga̱jma̱a̱ numuu rí nimínuuʼ wéñuuʼ, ikhaa mbaʼyoo dí gárígá ga̱jma̱a̱ maʼdxuu.
Ga̱jma̱a̱ numuu ku̱ma̱ rí gíʼdoo, nindxu̱u̱ jmbii, xa̱bi̱ʼ,+maʼni rí mbaʼin xa̱bu̱ maʼndoo kaʼñún Dios,+ga̱jma̱a̱ ikhaa magu̱u̱ rí nakiéʼkúún.+
12 Ikha jngóo maxnúu mbá chíʼgíiʼ* náa bi̱ mbaʼin,ga̱jma̱a̱ ikhaa marui̱ʼta̱a̱ rí niguanáa náa bi̱ guáʼdáá tsiaki̱i̱,numuu rí ikhaa nikháñuu ga̱jma̱a̱ numún,+ga̱jma̱a̱ ndiyáá xóo mbáa xa̱bu̱ aʼkhá,+ikhaa nigu̱u̱ aʼkhúún mbaʼin xa̱bu̱,+ga̱jma̱a̱ nimbáñún xa̱bu̱ aʼkhá.+
Mbaʼa nota
^ O mbáa “rí niʼdxawíín”.
^ Gi̱i̱ ajngáa “ikhaa” nandoo gáʼthúu̱n asndu tsáá bi̱ nayejxi̱ o mbáa Dios.
^ O “nda̱a̱ mbá rí kiejuunʼ rí mitsiʼyá náa ikhaa, mbá rí maʼni maniguxu”.
^ O “bi̱ nakro̱ʼo̱o̱ xóo e̱ʼkhu̱”.
^ O mbáa “Ikhaa ninindxu̱u̱ xóo mbáa xa̱bu̱ bi̱ tsíñún gúyáá inuu”.
^ O “nini̱ ngínáa rí nixiyáa”.
^ O “Mbáa tsáá maxnúu iñá wajinʼ”.
^ Náa ajngáa hebreo naʼthí, “mbáa bi̱ gíʼdoo”.
^ O “lajuíin”.
