Isaías 12:1-6

  • Ajmúú rí nuxna̱a̱ núma̱aʼ (1-6)

    • “Jeobá, Jeobá maxnúʼ tsiaki̱i̱” (2)

12  Gajkhun dí mbiʼi rúʼko̱ marata̱: “Naxna̱a̱ʼ núma̱aʼ, Jeobá,numuu dí maski ajndu nikiʼnán xtayoʼ,dí nakásnga̱ña̱a̱ʼ niwi̱ji̱i̱ ga̱jma̱a̱ nitani̱i̱ a̱jkiu̱nʼ.  2  ¡Atayáá! Dios nindxu̱u̱ bi̱ naʼni kríñu̱u̱nʼ. Maku̱mu̱ʼ ka̱yo̱o̱ ga̱jma̱a̱ ni xágúʼdoo gamíi,numuu dí Jeobá,* Jeobá maxnúʼ tsiaki̱i̱, ikhaa nindxu̱u̱ tsiaki̱i̱ dí nañewu̱nʼ,ni̱jkha̱nú ninindxu̱u̱ bi̱ maʼni kríñu̱u̱nʼ”.  3  Asndu nadxa̱la gúrawíi iyaʼnáa iduu iyaʼ dí naʼni káwáanʼla.  4  Mbiʼi rúʼko̱ ikháanʼla mu̱tha̱: “¡Gu̱xna̱a̱ núma̱aʼ Jeobá, gugríga̱a̱* mbiʼyuu,gu̱ni̱ dí xa̱bu̱ xuajin mbuyáá dí ikhaa naʼni! Gu̱taríya̱ʼ mbiʼyuu dí mba̱a̱.  5  Gu̱ni̱ ajmúú* náa Jeobá, numuu dí ikhaa niʼni xúgíʼ dí mitsaanʼ.* Guyáá xúgíinʼ xa̱bu̱ numbaaʼ rígi̱.  6  Asndu nadxa̱la gúndxa̱ʼwa̱ ga̱jma̱a̱ gakuwáanʼla gagi, xa̱bu̱* Sion,numuu dí bi̱ Kaʼwii náa Israel nindxu̱u̱ mba̱a̱ náa majñala”.

Mbaʼa nota

^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “gajmala”.
^ O “gudi̱i̱ ajmúú”.
^ O “nagui̱i̱”.
^ Náa ajngáa hebreo naʼthí, “a̱ʼgu̱ bi̱ xtáa náa”, mbá xúgíinʼ xa̱bu̱ xuajin nandoo gáʼthúu̱n mbáwíí a̱ʼgu̱.

Copyrights ndrígóo i̱yi̱i̱ʼ rígi̱