Isaías 15:1-9
-
Najuiʼthá rí magíʼnuu Moab (1-9)
15 Rígi̱ dí nijuiʼthá magíʼnuu Moab:
Numuu dí káaʼ mbá mbruʼu̱ún niguma gámbáa,xuajin Ar ndrígóo Moab niguanúu wíí.
Numuu dí káaʼ mbá mbruʼu̱ún niguma gámbáa,xuajin Quir ndrígóo Moab niguanúu wíí.
2 Xa̱bu̱* nitsimún náa guʼwá rí nduyamajkhún dioses ga̱jma̱a̱ náa Dibón,náa rí mitsídánʼ, mu mumbi̱ya̱ʼ.
Moab nagáwíinʼ a̱jkiu̱u̱n eʼni Nebo ga̱jma̱a̱ Medebá.
Xúgíinʼ xa̱bu̱ Moab nijui̱ʼda̱ tsaʼtsaʼ edxu̱ún ga̱jma̱a̱ nijui̱ʼda̱ stawúúnʼ.
3 Náa kamba̱a̱ jngruigu̱u̱n kugíʼ xtíin mi̱du̱.*
Náa tsu̱du̱u̱ guʼwá ga̱jma̱a̱ náa xuáá, xúgíinʼ kúwá ngíná,naguájthan rumbi̱ya̱ʼ.
4 Hesbón ga̱jma̱a̱ Elealé nundxa̱ʼwa̱.
Aʼwúún nawáán asndu náa Jáhaz.
Ikha jngóo xa̱bekha bi̱ kúwá náa Moab bi̱ kuda ajua̱nʼ rí nuxmijná ga̱jma̱a̱ tséniña̱a̱ʼ rundxa̱ʼwa̱.
Xa̱bu̱ xuajin naguíʼiin.
5 A̱jkiu̱nʼ nandxaʼwá ga̱jma̱a̱ numuu Moab.
Bi̱ guáʼdiin náa guʼwá ejua̱nʼ nigáñún asndu náa Zóar ga̱jma̱a̱ náa Eglat-Selisiyá.
Numbi̱ya̱ʼ egún ratsimún náa bíjní Luhit.
Náa kamba̱a̱ rí na̱jkha̱ Horonaim, nundxa̱ʼwaskhá ga̱jma̱a̱ numuu rí naguma gámbáa.
6 Numuu dí iyaʼ dí rígá náa Nimrim nijndo̱o̱ʼ mbá kayuuʼ.
Iná maxaʼ nijndooʼ,nánguá rígá iná, nándáa mbá kayuuʼ dí maxaʼ.
7 Ikha jngóo nagún kudúún xúgíʼ dí naguanúu xóó, xúgíʼ rí guáʼdáá ga̱jma̱a̱ mbújkha̱a̱,kúwá rakidiin náa mata* dí rígá ixi̱ rí mbiʼyuu álamo.
8 Numuu rí nundxa̱ʼwa̱ nawán ri̱go̱o̱ náa mbá xúgíʼ ku̱ba̱ʼ ndrígóo Moab.
Dí numbi̱ya̱ʼ na̱jkha̱nú asndu náa Eglaim,rí numbi̱ya̱ʼ na̱jkha̱nú asndu náa Beer-Elim.
9 Numuu dí iyaʼ dí rígá náa Dimón kajnííʼ eʼdi,ga̱jma̱a̱ gúʼdoo xóó i̱mba̱ dí magíʼnuu Dimón,mbáa león mikhu̱u̱n bi̱ gákáwíin náa Moab,ga̱jma̱a̱ xúʼko̱ má bi̱ gáguanún xóó náa xuajin.
