Isaías 6:1-13

  • Nikujmaa Jeobá náa guʼwá rí nduyamajkuíí (1-4)

    • “Kaʼwii, kaʼwii, kaʼwii Jeobá” (3)

  • Niguma kaʼwi̱i̱ rawuunʼ Isaías (5-7)

  • Isaías nagruigú mbá ñajunʼ (8-10)

    • “¡Gi̱i̱ xtáá ikhúún! ¡Ataxúʼmún ikhúún!” (8)

  • “Jeobá, asndu nguáná gáʼni xígi̱ rá.” (11-13)

6  Tsiguʼ dí nikháñuu rey Uzías, ndi̱yo̱o̱ Jeobá grígu náa xíliu̱u̱* rí mitsídánʼ dí grígu asndu rijma̱a̱, jnáwúun rí mbi̱jua̱ narugoo guʼwá náa nduyamajkuíí. 2  Wájun serafines* náa mbájndi gíʼ, mámbáa gíʼdoo mbá majun xpíjpiúu. A̱jma̱ nuruguáá ga̱jma̱a̱ inún, a̱jma̱ nuruguáá ga̱jma̱a̱ rajkhúún, a̱jma̱ nagún ga̱jma̱a̱.  3  Nutamijná ga̱jma̱a̱ aʼwá gakhi̱i̱: “Kaʼwii, kaʼwii, kaʼwii Jeobá bi̱ naʼtáñajúúnʼ ángeles. Náa mbá xúgíʼ ku̱ba̱ʼ rígá tsiaki̱i̱ ndrígóo dí mba̱a̱”. 4  Dí wíji̱ kagu̱u̱ xkrugua niʼba̱a̱n ga̱jma̱a̱ numuu dí gakhi̱i̱ niwáán aʼwún,* ga̱jma̱a̱ náa guʼwá nijnííʼ gúní.  5  Ikhú ni̱tha̱: “¡Ngínún lá ikhúún! ¡Makhañúʼ* rá,numuu dí nindxu̱ʼ mbáa xa̱bu̱ bi̱ tsaga rawuunʼga̱jma̱a̱ xtáá náa majñu̱u̱ʼ xuajñún xa̱bu̱ bi̱ tsaga rawúúnʼ,ndi̱yo̱o̱ ga̱jma̱a̱ iduʼ Rey, mina̱a̱ʼ Jeobá bi̱ naʼtáñajúúnʼ ángeles!”. 6  Ikhú mbáa serafín ni̱ʼkha̱ náa ikhúún, náa ñawúunʼ kayá mbá chámbuʼ dí gíʼdoo agiuuʼ dí niríyaʼ ga̱jma̱a̱ pinza* náa najuixnájxi̱ tsigijñaʼ. 7  Nigugua rawunʼ ga̱jma̱a̱ niʼthúnʼ: “¡Natayáá ráʼ! Rígi̱ ningájma rawaanʼ. Nijngudi̱i̱ dí nikiéʼkháanʼga̱jma̱a̱ Dios niʼni mba̱a̱ a̱jkiu̱u̱n kaʼyoo aʼkhá ndrígáaʼ”. 8  Ikhú nidxawuun aʼwóo Jeobá dí niʼthí: “Tsáá gákuʼmáa ga̱jma̱a̱ tsáá gáʼga ga̱jma̱á numulú rá.” Ikhúún ni̱tha̱: “¡Gi̱i̱ xtáá ikhúún! ¡Ataxúʼmún ikhúún!”.  9  Ikhaa niriʼña: “Ayuʼ, arathún xa̱bu̱ bi̱ kúwá náa xuajin rígi̱: ‹Maski ajndu mu̱dxawíín,xákrua̱ʼa̱la,maski ajndu mbu̱ya̱a̱,xúguaʼnú muguaʼdáála ku̱ma̱›. 10  Atani̱ dí maʼni gújkhúʼ a̱jkiu̱ún xa̱bu̱ bi̱ kúwá náa xuajin rígi̱,atruguáá cháʼwúúnga̱jma̱a̱ atruguáá idúnmu xúʼko̱ xúyáá ga̱jma̱a̱ idún,ni má xúdxawíín ga̱jma̱a̱ cháʼwúún,mu xúʼko̱ xákro̱ʼo̱o̱ a̱jkiu̱únga̱jma̱a̱ xátangi̱ín náa Dios mu xáguma thanún”. 11  Ikhúún nirajxi̱: “Jeobá, asndu nguáná gáʼni xígi̱ rá.” Ikhaa niriʼña: “Asndu índo̱ xuajin gájngudiriga̱a̱ ga̱jma̱a̱ maguma gámbáa, índo̱ ni xáxtáa nimbáa xa̱bu̱ga̱jma̱a̱ ni xáxtáa nimbáa náa guʼwá,índo̱ ku̱ba̱ʼ gáguma gámbáa ga̱jma̱a̱ maguanáa, 12  asndu índo̱ Jeobá gáʼga kagui̱i̱n mitsínguánʼ xa̱bekhaga̱jma̱a̱ índo̱ mbá xúgíʼ ku̱ba̱ʼ gáguanáa. 13  Mú ikhí makuwá xóó i̱mbá nguéjmi̱i̱n xa̱bu̱, ga̱jma̱a̱ mbu̱júu̱ mikha̱a̱. Mani̱ndxu̱u̱ xóo xmindiuuʼ ixi̱ mba̱a̱ o mbá roble dí nuthu, náa xmindiuuʼ makráʼáan rudiuuʼ dí mani̱ndxu̱u̱ kaʼwu”.*

Mbaʼa nota

^ O “trono ndrígóo”.
^ Atayáá glosario, serafín.
^ Náa ajngáa hebreo naʼthí, “aʼwóo bi̱ niʼthí”.
^ Náa ajngáa hebreo naʼthí, “niʼni wíyúʼ”.
^ Atayáá glosario, pinzas.
^ O “gáguwáʼ náa ikhaa mani̱ndxu̱ún kaʼwiin”.

Copyrights ndrígóo i̱yi̱i̱ʼ rígi̱