Isaías 46:1-13
46 Dios Bel nasmbáti̱go̱o̱+ ga̱jma̱a̱ dios Nebo naginduti̱ga̱.*
Xujkhúʼ bi̱ nuda eʼda+ egún kudiin xándiu̱ún dioses bugi̱,nindxu̱ún xóo eʼda rí ki̱wu̱n dí kuda xujkhúʼ bi̱ néʼngu̱u̱n.
2 Dioses bugi̱ nugiʼnduti̱ga̱ ga̱jma̱a̱ nusmbati̱gu̱u̱n mbóó,xáʼngu̱u̱n gúni̱ káwíin xándiu̱ún,*numuu rí mangiin na̱jkha̱ kiʼdiin.
3 “Gudxawunlaʼ ikháanʼ bi̱ kuwáanʼ náa goʼwóo Jacob ga̱jma̱a̱ mbá xúgiáanʼ bi̱ naguanála xóó náa goʼwóo Israel,+ikhúún nimbáyalaʼ ga̱jma̱a̱ niñewa̱nla asndu nákha nigumáanʼ.+
4 Maski ajndu ikháán mikhi̱i̱n, ikhúún xáriʼkumina̱a̱ʼ,+ga̱jma̱a̱ índo̱ gáʼkha̱ xngiʼxáaʼ, ikhúún magutúwíín má xúʼko̱.
Xó má ni̱ni̱, maʼgá ka̱ña̱a̱n, magutúwíín ga̱jma̱a̱ ma̱ni̱ kríña̱a̱nʼ.+
5 Tsáá gándoo gúni̱ mbrígún ga̱jmu̱ʼ rá.+Tsáá gúni̱ mbrígún ga̱jmu̱ʼ rí ma̱ngaa nindxu̱u̱ ikháá kayuuʼ xóo ikhúún rá.+
6 Kúwá xa̱bu̱ bi̱ tséʼniún gakhi̱i̱ murawíi oro dí kajti náa bólsu̱ún,bi̱ nugie̱wa̱n plata náa mbá balanza.
Nuraja̱a̱ mbáa bi̱ nañajunʼ ga̱jma̱a̱ ajua̱nʼ ga̱jma̱a̱ ikhaa najmuu rúʼko̱ mu maʼnii mbáa dios.+
Nda̱wa̱á nusmbati̱gu̱u̱n náa inuu xándú buʼko̱ ga̱jma̱a̱ nugi̱ʼdi̱i̱ nduyamajkuíí.*+
7 Nuta̱ma̱a̱ʼ náa xpajpúún+nagún ku̱ya̱a̱ ga̱jma̱a̱ nutsijii náa kaʼyoo mawi̱ji̱ ga̱jma̱a̱ ikhí má naguanúu.
Tséʼbayimínáʼ náa wíji̱.+
Nutakáñíí mú tsériʼñúún,xándoo maʼni kríya̱a̱ʼ nimbáa náa rí namínúuʼ.+
8 Gármáʼáanʼ a̱jkia̱la rígi̱ ga̱jma̱a̱ xámíñálá.
Ikháanʼla xa̱bu̱ aʼkhá, gugíwánʼ náa a̱jkia̱la rígi̱.
9 Gármáʼáanʼ a̱jkia̱la dí nirígá nákha ginii, asndu nákha wajyúuʼ,rí mbáwún ikhúún nindxu̱ʼ Dios, ndawa̱a̱ imba̱a̱.
Ikhúún nindxu̱ʼ Dios, ndawa̱a̱ imba̱a̱ xóo ikhúún.+
10 Asndu nákha ginii, ikhúún na̱tha̱ dí marigá nda̱wa̱á,ga̱jma̱a̱ asndu nákha wajyúuʼ nitha̱, dí xóó tséjkha̱nú marigá.+
Ikhúún na̱tha̱: ‹Rí nandoʼ* mambanúu,+ga̱jma̱a̱ ma̱ni̱ asndu ndiéjunʼ má rí nandoʼ›.+
11 Nandxa̱ʼo̱o̱ mbáa xujkhú xnaʼ bi̱ na̱ʼkhu̱ xuwiʼ asndu náa nagájnuu a̱jkha̱ʼ,*+asndu náa xuajin mitsínguánʼ nindxa̱ʼo̱o̱
mbáa xa̱bu̱ mu maʼnimbánuu rí nandoʼ.+
Nitha̱ ga̱jma̱a̱ ma̱ni̱. Niraʼwi̱i̱ ma̱ni̱ ga̱jma̱a̱ manimbánuu.+
12 Gudxawunʼla, ikháanʼ bi̱ gújkhúʼ* a̱jkia̱la,bi̱ tséni̱ rí májánʼ.
13 Ni̱ni̱ dí marigá mijngii dí májánʼ,na̱nguá rígá mitsínguánʼ,ga̱jma̱a̱ xájyúuʼ má gáni̱ káwíin.+
Ma̱ni̱ kríya̱a̱ʼ Sion ga̱jma̱a̱ ma̱ni̱ rí Israel maʼni mitsiʼyáa”.+
