Isaías 63:1-19
63 Tsáá lá nindxu̱u̱ bi̱ na̱ʼkha̱ náa Edom,+náa Bozrá,+ bi̱ kagíʼ xtíin dí gíʼdoo color gakhi̱i̱,*bi̱ kagíʼ xtíin rí naxpíbínʼ,bi̱ gíʼdoo tsiaki̱i̱ rá.
“Nindxu̱ʼ ikhúún bi̱ naʼthí rí májánʼ,bi̱ gíʼdoo tsiaki̱i̱ mu maʼni káwíin”.
2 Náá numuu rí maña̱ʼ xtíñaaʼ rá.Ndíjkha rí nindxu̱u̱ xóo xtíñuu bi̱ nakujmbi̱i̱ uva mu maʼni vino rá.+
3 “Mbáwún niku̱jmbíi uva mu magajnúu vino.
Nimbáa xa̱bu̱ xuajin na̱nguá nimbáyúʼ.
Índo̱ nikiʼnún ni̱jnguprígi̱i̱nga̱jma̱a̱ índo̱ nikásngañu̱ʼ ni̱jnguprígi̱i̱n má xúʼko̱.+
Ningujma eʼdiún náa xtíñúʼga̱jma̱a̱ niguma gachíí mbá xúgíʼ.
4 Niraʼwi̱i̱ má mbiʼi dí ma̱ni̱ mumíniiʼ,+ga̱jma̱a̱ ni̱ʼkha̱nú má tsiguʼ rí matsiwíinʼ.
5 Niyejxi̱, mú ndawa̱a̱ nimbáa bi̱ mambáyuʼ,tsíyoo gánimboʼ rí nimbáa támbáyúʼ.
Ñawúnʼ má ni̱ʼkha̱ kayóo dí maʼni káwíin,*+ga̱jma̱a̱ rí nikásngañu̱ʼ nimbáyúʼ.
6 Índo̱ nikiʼnún ni̱jnguprígi̱i̱n xa̱bu̱ xuajin,ma̱ngaa ni̱ni̱ majngi̱i̱n ga̱jma̱a̱ rí nakásngañu̱ʼ,+nixidíí eʼdiún mbayííʼ”.
7 Ma̱ta̱ xóo esngájma rí nandoo kaʼñún* xa̱bu̱ Jeobá,ma̱ta̱ rí maʼni maguma mba̱a̱ Jeobá,ga̱jma̱a̱ numuu xúgíʼ rí niʼni Jeobá ga̱jma̱á nindxu̱lú,+ma̱ngaa mbaʼa rí mitsaanʼ* dí niʼni ga̱jma̱a̱ numún bi̱ kúwá náa goʼwóo Israel,numuu rí nigáwíinʼ a̱jkiu̱u̱n ga̱jma̱a̱ rí nindoo kaʼyoo.
8 Numuu rí ikhaa niʼthí: “Ikhiin nindxu̱ún xa̱bu̱ xuajñunʼ, e̱ji̱n bi̱ naguájun jmbu má xúʼko̱ náa ikhúún”.+
Ikha jngóo Dios ni̱jkha̱nú ninindxu̱u̱ bi̱ Naʼni káwíin.+
9 Náa mbá xúgíʼ mbiʼi rí ikhiin nimíniiʼ, ikhaa ma̱ngaa nimínuuʼ.+
Ga̱jma̱a̱ ángel ndrígióo* bi̱ ikhaa niraʼwíi niʼni káwíin.+
Ga̱jma̱a̱ numuu rí nindoo kaʼñún ga̱jma̱a̱ nigáwíinʼ a̱jkiu̱u̱n kaʼñún, rúʼko̱ niʼni dí maʼtsiwíin,+nikujxi̱ín ga̱jma̱a̱ niñewu̱u̱n náa mbá xúgíʼ mbiʼi rí niguwáʼ rakúwá.+
10 Ikhú ikhiin nixujximíjna̱+ ga̱jma̱a̱ nini̱ rí maxtáa ngíná espíritu santo ndrígóo.*+
Ikhú ikhaa ninindxu̱u̱ xa̱bu̱ sia̱nʼ ndrígu̱ún+ga̱jma̱a̱ nixmínaʼ gajmíi̱n.+
11 Ikhiin nirmáʼáan a̱jkiu̱ún dí nirígá nákha wajyúuʼ,nákha mbiʼi rí nixtáa Moisés:
“Náa xtáa* bi̱ niʼni rí makidiin náa lamáa*+ baxtúu gajmiún mugiu̱ún rá.+
Náá xtáa bi̱ nigíwánʼ náa ikhaa espíritu santo ndrígóo xá.+
12 Náá xtáa bi̱ nimbáyúu Moisés* ga̱jma̱a̱ tsiaki̱i̱* ndrígóo+bi̱ nikuiʼtáa iyaʼ náa inún ikhiin+mu maʼni rí mbiʼyuuʼ mbajyúuʼ kámuu xá.+
13 Náá xtáa bi̱ niʼni dí majngruigu̱u̱n náa iyaʼ mi̱jnu̱ʼíndo̱ nikidiin dí asndu tájngrádiinxóo mbáa wáyú bi̱ jngruigo̱o̱ náa mbaaʼ májánʼ rá.*
14 Tsiaki̱i̱ ndrígóo Jeobá niʼni rí mbuya̱a̱ jxu̱únʼ,+xó má eʼni mbáa xedi̱ índo̱ nagajtaa náa xkua̱ mu mbayáa jxu̱u̱ʼ”.
Xúʼko̱ niraxnáá ikha xuajñaanʼmu maʼni rí mbiʼyaaʼ mani̱ndxu̱u̱ mitsaanʼ.+
15 Atiejxirigú asndu mekhuíí ga̱jma̱a̱ atayááasndu náa xtaa xúgíʼ rí kaʼwu ga̱jma̱a̱ rí mitsaanʼ.
Náá numuu rí nánguá exmiéjuaanʼ xtayuxu ga̱jma̱a̱ nánguá ejmaaʼ tsiaki̱i̱ ndrígáaʼ rá.Náá numuu rí nánguá eyaaʼ xtayuxuʼ+ ga̱jma̱a̱ rí tségáwíinʼ a̱jkia̱a̱nʼ xtayuxu rá.+
Nánguá etasngájmuxu rígi̱.
16 Ikháán nindxa̱a̱ʼ Anu̱xu̱,+maski ajndu Abrahán tséʼni nuwáanʼxuga̱jma̱a̱ Israel tséʼni nuwáanʼxu,mú ikháán Jeobá, nindxa̱a̱ʼ Anu̱xu̱.
Mbiʼyaaʼ nindxu̱u̱ bi̱ Niʼtsiwáanʼxuʼ asndu nákha wajyúuʼ.+
17 Jeobá, náá numuu rí natatsíñááʼ dí magajnuríyuxuʼ náa kamba̱a̱ʼ rá.
Náá numuu natatsíñááʼ* dí a̱jkiu̱xu̱ maʼni gújkhúʼ mu xámíñuxu̱ ku̱ya̱a̱ʼ rá.+
Gaʼndaaʼ xtañún mbu̱júu̱ xa̱bia̱a̱ʼ,bi̱ kúwá náa xuajin majkhaʼ* rí ikháán kaʼyaaʼ.+
18 Mbá nguáthá mbiʼi, xuajñaanʼ rí kaʼwu ninindxu̱u̱ mbañúúnʼ xa̱bu̱ sia̱nʼ ndrígúxu̱
nijngupri̱gu̱u̱n guʼwá náa nduyamajkuaaʼ.+
19 Mba̱yu̱u̱ʼ má kuwáanʼxu̱ xóo ikhiin bi̱ nditháan táratañájúúnʼ,xóo bi̱ nditháan túti mbiʼyaaʼ.
Mbaʼa nota
^ O mbáa “color maña̱ʼ gakhi̱i̱”.
^ O “niʼni rí maʼngo̱ʼ”.
^ O “nagui̱i̱”.
^ O “bi̱ na̱jkha̱ kayóo ajngóo bi̱ wíji̱ náa inuu”.
^ Xóo muʼthá, Jeobá.
^ O “mar”.
^ Náa ajngáa hebreo naʼthí, “ñawúunʼ rí mitsaanʼ”.
^ Náa ajngáa hebreo naʼthí, “ñawún mújúunʼ Moisés”.
^ O “náa ku̱ba̱ʼ mijxooʼ”.
^ Náa ajngáa hebreo naʼthí, “natani̱”.
^ O “tribu”.
