यहोवा परमेश्‍वरले किन त्यतिबेलाको संसारलाई नाश गर्न जलप्रलय ल्याउनुभयो? मानव इतिहासको सुरुतिरै सैतानले यहोवा परमेश्‍वरको विद्रोह गर्न थाल्यो। केही मानिसहरू, जस्तै: आदम, हव्वा र तिनीहरूको छोरा कयिनले सैतानको पक्ष लिए। अरू केही मानिसहरू, जस्तै: हाबिल र नुहले यहोवाको पक्ष लिए। धेरैजसो मानिस खराब भएकोले यहोवा त्यतिबेलाको दुष्ट संसारलाई नाश गर्न बाध्य हुनुभयो। यस भागबाट हामी कसको पक्षमा खडा छौँ भनेर यहोवा देख्नुहुन्छ र उहाँले कहिल्यै असलमाथि खराबीको जित हुन दिनुहुन्‍न भनेर बुझ्नेछौँ।