“အချိန်ရောက်လာပြီ!”
“အချိန်ရောက်လာပြီ!”
‘ဤလောကမှခမည်းတော်ထံသို့ ပြောင်းရသောအချိန်ရောက်ပြီ။’—ယောဟန် ၁၃:၁။
၁။ စီ.အီး. ၃၃ ပသခါပွဲနီးကပ်လာသည်နှင့်အမျှ ယေရုရှလင်မြို့သည် အဘယ်ထင်ကြေးများဖြင့် လှုပ်လှုပ်ရှားရှားဖြစ်လျက်ရှိသနည်း၊ အဘယ်ကြောင့်နည်း။
စီ.အီး. ၂၉၊ နှစ်ခြင်းခံချိန်တွင် ယေရှုသည် မိမိ၏သေခြင်း၊ ရှင်ပြန်ထမြောက်ခြင်းနှင့် ဘုန်းထင်ရှားခြင်းတို့ဖြစ်စေမည့် “အချိန်” သို့ဦးတည်ပေးသောလမ်းစဉ်ကို စတင်လျှောက်လှမ်းခဲ့သည်။ ယခုအချိန်ကား စီ.အီး. ၃၃ နွေဦးရာသီဖြစ်သည်။ ဂျူးအထက်တရားရုံး ဆဲန်ဟီဒရင်မှ ယေရှုကိုသတ်ဖို့ တိုင်ပင်ကြံစည်ခဲ့သည်မှာ သီတင်းပတ်အနည်းငယ်သာရှိသေးသည်။ သူတို့၏အကြံအစည်ကို ကိုယ်တော်နှင့်ခင်မင်ရင်းနှီးသည့် ဆဲန်ဟီဒရင်အဖွဲ့ဝင်တစ်ဦးဖြစ်သူ နိကောဒင်ထံမှ ယေရှုသိရှိပုံရပြီး ယေရုရှလင်မြို့မှထွက်ကာ ယောဒန်မြစ်တစ်ဖက်ကမ်းရှိ ကျေးလက်ဒေသသို့ကြွသွားလေသည်။ ပသခါပွဲနီးလာသည်နှင့် ကျေးလက်ဒေသမှ များစွာသောသူတို့သည် ယေရုရှလင်မြို့သို့ရောက်လာကြရာ မြို့တော်သည် ယေရှုနှင့်ပတ်သက်သည့် ထင်ကြေးများဖြင့် အုတ်အုတ်ကျက်ကျက်ဖြစ်လျက်ရှိ၏။ “အချင်းတို့၊ အဘယ်သို့ထင်ကြသနည်း။ သူသည် ပွဲသို့မလာသလော” ဟုအချင်းချင်းမေးမြန်းကြ၏။ ယဇ်ပုရောဟိတ်မင်းကြီးနှင့် ဖာရိရှဲတို့က ယေရှုကို တွေ့ရှိသူမည်သူမဆိုသည် သူတို့ထံအကြောင်းကြားရမည်ဟု အမိန့်ထုတ်ထားခြင်းဖြင့် အခြေအနေကို ပို၍ရုတ်ရုတ်သဲသဲဖြစ်စေသည်။—ယောဟန် ၁၁:၄၇-၅၇။
၂။ မာရိ၏အဘယ်အပြုအမူက အငြင်းပွားမှုဖြစ်စေသနည်း၊ သူ့ဘက်မှ ယေရှုကာကွယ်ပေးသည့်အဖြေက “ကိုယ်တော်၏အချိန်” နှင့်ပတ်သက်၍ အဘယ်အရာကိုသိရှိထားကြောင်း ဖော်ပြသနည်း။
၂ ပသခါပွဲမတိုင်မီ ခြောက်ရက်အလို နိသန်လ ၈ ရက်နေ့တွင် ယေရှုသည် ယေရုရှလင်မြို့ဝန်းကျင်သို့ ပြန်ရောက်နေသည်။ ကိုယ်တော်၏ချစ်မိတ်ဆွေများဖြစ်သော မာသ၊ မာရိနှင့် ယောဟန် ၁၂:၁-၈; မဿဲ ၂၆:၆-၁၃) ‘ဤလောကမှခမည်းတော်ထံသို့ ပြောင်းရသောအချိန်ရောက်ပြီကို’ ယေရှုသိထားသည်။ (ယောဟန် ၁၃:၁) နောက်ထပ်ငါးရက်အကြာတွင် ကိုယ်တော်သည် “မိမိအသက်ကိုစွန့်၍ လူများကိုရွေး” တော်မူမည်။ (မာကု ၁၀:၄၅) ထို့ကြောင့် ယေရှုပြုလေသမျှနှင့် သွန်သင်လေသမျှတွင် အရေးတကြီးသဘောထား သက်ရောက်နေသည်။ ဤအစီအစဉ်စနစ်အဆုံးကို စိတ်ထက်သန်စွာ စောင့်နေကြစဉ် ကျွန်ုပ်တို့အတွက်ထားရှိခဲ့သည့် အလွန်ကောင်းသောပုံသက်သေပါတကား! နောက်တစ်နေ့တွင် ယေရှု၌အဘယ်သို့ဖြစ်ပျက်ကြောင်း သုံးသပ်ကြည့်ပါ။
လာဇရုတို့၏ဇာတိမြေ၊ ယေရုရှလင်မြို့မှ နှစ်မိုင်ခန့်အကွာတွင် တည်ရှိသည့်ဗေသနိရွာသို့ ကိုယ်တော်ကြွလာသည်။ ၎င်းမှာ သောကြာနေ့ညနေပိုင်းဖြစ်ပြီး ယေရှုသည် ဥပုသ်နေ့ကို ထိုတွင်ကုန်လွန်စေသည်။ နောက်တစ်နေ့ညနေပိုင်းတွင် မာရိသည် တန်ဖိုးကြီးသောရေမွှေးနှင့် ကိုယ်တော်အားပြုစုဧည့်ခံသောအခါ တပည့်တော်များကန့်ကွက်ကြ၏။ ယေရှုက “ထိုမိန်းမကိုရှိစေတော့။ ငါ၏အလောင်းကိုသင်္ဂြိုဟ်ခြင်းငှာ ပြင်ဆင်သောနေ့တိုင်အောင် သူသည် ဤဆီမွှေးကိုသိုထားပြီ။ ဆင်းရဲသောသူတို့ကား သင်တို့၌အစဉ်ရှိကြ၏။ ငါမူကား၊ အစဉ်ရှိသည်မဟုတ်” ဟုတုံ့ပြန်သည်။ (ယေရှု၏ အောင်ပွဲခံဝင်ရောက်သည့်နေ့
၃။ (က) ယေရှုသည် နိသန် ၉ ရက်၊ တနင်္ဂနွေနေ့တွင် ယေရုရှလင်မြို့ကို မည်သို့ဝင်ရောက်လာသနည်း၊ ကိုယ်တော့်ပတ်လည်ရှိသူအများစုက မည်သို့တုံ့ပြန်ကြသနည်း။ (ခ) လူအုပ်နှင့်ပတ်သက်၍ မကျေမနပ်ဖြစ်သောဖာရိရှဲများကို ယေရှုမည်သို့ဖြေဆိုသနည်း။
၃ နိသန်လ ၉ ရက်၊ တနင်္ဂနွေနေ့တွင် ယေရှုသည် ယေရုရှလင်မြို့သို့ အောင်ပွဲခံဝင်ရောက်လာသည်။ ဇာခရိ ၉:၉ ၏ပြည့်စုံချက်အနေနှင့် မြည်းကလေးကိုစီးလျက် မြို့ကိုချဉ်းကပ်လာစဉ် ကိုယ်တော့်အနီး စုရုံးနေကြသူအများစုသည် မိမိတို့၏ဝတ်လုံကို လမ်း၌ခင်းကြပြီး အချို့တို့မူ သစ်ခက်များကိုခုတ်၍ ခင်းကြ၏။ “ထာဝရဘုရား၏အခွင့်နှင့် ကြွလာတော်မူသောရှင်ဘုရင်သည် မင်္ဂလာရှိစေသတည်း” ဟုသူတို့ကြွေးကြော်ကြ၏။ လူအုပ်ထဲမှဖာရိရှဲအချို့က ယေရှုကို မိမိ၏တပည့်တော်များအား ဆုံးမဟန့်တားပေးစေလိုကြသည်။ သို့သော် ယေရှုဤသို့ဖြေဆိုသည်– “ငါဆိုသည်ကား၊ ဤသူတို့သည် တိတ်ဆိတ်စွာနေလျှင် ကျောက်ခဲတို့သည် ချက်ချင်းကြွေးကြော်ကြလိမ့်မည်။”—လုကာ ၁၉:၃၈-၄၀; မဿဲ ၂၁:၆-၉။
၄။ ယေရုရှလင်မြို့သို့ ယေရှုဝင်ရောက်သောအခါ အဘယ်ကြောင့်ရုတ်ရုတ်သဲသဲဖြစ်သွားသနည်း။
၄ လွန်ခဲ့သည့်သီတင်းပတ်အနည်းငယ်ခန့်ကပင် လူအုပ်ထဲရှိအများစုသည် လာဇရုအား ယေရှုရှင်ပြန်ထမြောက်ပေးသည်ကို မြင်တွေ့ခဲ့ကြသည်။ ယခု ဤသူတို့သည် ထိုအံ့ဖွယ်အမှုအကြောင်း အခြားသူတို့ကိုပြောပြနေကြသည်။ ထို့ကြောင့် ယေရုရှလင်မြို့သို့ ယေရှုဝင်ရောက်သောအခါ တစ်မြို့လုံး ရုတ်ရုတ်သဲသဲဖြစ်သွားသည်။ “ဤသူကားအဘယ်သူနည်း” ဟုလူတို့မေးကြသည်။ “ဤသူသည် ဂါလိလဲပြည် နာဇရက်မြို့၌ပေါ်ထွန်းသော ပရောဖက်ယေရှုပေတည်း” ဟုအဆက်မပြတ်ပြောနေကြသည်။ ဖြစ်ပျက်နေသမျှကိုကြည့်လျက် ဖာရိရှဲတို့က “ဤလောကသည် ထိုသူနောက်သို့ လိုက်သွားပါပြီတကား” ဟုမြည်တမ်းကြ၏။—မဿဲ ၂၁:၁၀၊ ၁၁; ယောဟန် ၁၂:၁၇-၁၉။
၅။ ဝတ်ပြုရာအိမ်တော်သို့ ယေရှုသွားသောအခါ အဘယ်အရာဖြစ်ပျက်သနည်း။
၅ ယေရုရှလင်မြို့သို့ရောက်သောအခါ ကြီးမြတ်သောဆရာ၊ ယေရှုသည် ထုံးစံရှိသည်အတိုင်း ဝတ်ပြုရာအိမ်တော်သို့သွား၍ သွန်သင်လေ၏။ ထိုတွင် မျက်စိကန်းသူများနှင့် မစွမ်းမသန်သူတို့သည် အထံတော်သို့လာကြရာ ကိုယ်တော်သည် သူတို့ကို ကုသပေးတော်မူ၏။ ထိုအံ့ဖွယ်အမှုကိုမြင်သည့်အပြင် သူငယ်တို့ကလည်း ‘ဒါဝိဒ်၏သားတော် ကယ်တင်တော်မူပါ၊ ကျွန်ုပ်တို့ဆုတောင်းပါ၏’ ဟုဝတ်ပြုရာအိမ်တော်၌ကြွေးကြော်ကြသည်ကိုကြားသောအခါ ယဇ်ပုရောဟိတ်အကြီးနှင့် ကျမ်းပြုဆရာတို့သည် အမျက်ထွက်ကြ၏။ “ဤသူတို့သည် အဘယ်သို့ပြောဆိုသည်ကိုကြားသလော” ဟုသူတို့ကန့်ကွက်ကြ၏။ “ငါကြား၏။ ‘နို့စို့သူငယ်တို့နှုတ်ထဲမှ ကိုယ်တော်သည် ချီးမွမ်းခြင်းကိုပြင်ဆင်တော်မူသည်’ ဟူသောစကားကို သင်တို့သည် တစ်ရံတစ်ခါမျှမဖတ်ဖူးသလော” ဟုယေရှုက ပြန်၍မိန့်ကြားလိုက်သည်။ ယေရှုဆက်၍သွန်သင်စဉ် ဝတ်ပြုရာအိမ်တော်၌ဖြစ်ပျက်နေရာတို့ကို စေ့စေ့စပ်စပ်ကြည့်ရှုတော်မူ၏။—မဿဲ ၂၁:၁၅၊ ၁၆; မာကု ၁၁:၁၁။
၆။ ယခု ယေရှု၏ချဉ်းကပ်ပုံသည် အစောပိုင်းကချဉ်းကပ်ပုံနှင့် မည်သို့ကွာခြားသနည်း၊ အဘယ်ကြောင့်နည်း။
ယောဟန် ၇:၁၀) ထို့ပြင် အသက်အန္တရာယ်ကြုံရသည့်အခါ ကိုယ်တော်သည် အစဉ်သဖြင့်ချင့်ချိန်ကာ ရှောင်တိမ်းသွားတတ်သည်။ ယခု ကိုယ်တော်အားဖမ်းဆီးဖို့ အမိန့်ထုတ်ထားသည့်မြို့အတွင်းသို့ ပေါ်ပေါ်ထင်ထင်ဝင်ရောက်လေသည်! ထို့ပြင် ယေရှုသည် မိမိကိုယ်ကိုမေရှိယအဖြစ် ကြေညာလေ့မရှိပါ။ (ဟေရှာယ ၄၂:၂; မာကု ၁:၄၀-၄၄) မိမိအကြောင်း ဆူညံစွာကြေညာခြင်း သို့မဟုတ် တစ်ဆင့်စကားတစ်ဆင့်ကြားပြောသဖြင့် အလွဲလွဲအမှားမှားဖြစ်သည်ကို ကိုယ်တော်မလိုလားချေ။ ယခုတွင် လူအုပ်ကြီးမှာ ကိုယ်တော်သည် ရှင်ဘုရင်နှင့် ကယ်တင်ရှင်—မေရှိယ—ဖြစ်ကြောင်း အထင်အရှားကြေညာနေကြပြီး သူတို့ကို တိတ်ခိုင်းဖို့ ဘာသာရေးခေါင်းဆောင်များ၏ တောင်းဆိုချက်ကို ကိုယ်တော်ငြင်းဆိုလိုက်ပါသည်တကား! အဘယ်ကြောင့်ပြောင်းလဲသွားသနည်း။ နောက်တစ်နေ့တွင် ယေရှုကြေညာသည့်အတိုင်း “လူသားသည် ဘုန်းပွင့်ရသောအချိန်ရောက်လာပြီ” ဖြစ်သောကြောင့်တည်း။—ယောဟန် ၁၂:၂၃။
၆ အစောပိုင်းခြောက်လက ယေရှု၏ချဉ်းကပ်ပုံနှင့် ယခုအကြိမ် ကွာခြားလိုက်လေခြင်း! ထိုအချိန်က ကိုယ်တော်သည် သကေနေပွဲအတွက် ယေရုရှလင်မြို့သို့ “မထင်မရှား” ကြွလာတော်မူ၏။ (ရဲရင့်သောအပြုအမူ—ထို့နောက် အသက်ကယ် သွန်သင်ချက်များ
၇၊ ၈။ စီ.အီး. ၃၃ နိသန်လ ၁၀ ရက်မှ ယေရှု၏လုပ်ရပ်များက စီ.အီး. ၃၀ ပသခါပွဲတွင် ဝတ်ပြုရာအိမ်တော်၌ ကိုယ်တော်ပြုလုပ်ခဲ့ရာကို မည်သို့ထင်ဟပ်စေသနည်း။
၇ နိသန်လ ၁၀ ရက်၊ တနင်္လာနေ့၌ ဝတ်ပြုရာအိမ်တော်သို့ရောက်ရှိလာရာ ယေရှုသည် ယမန်နေ့မွန်းလွဲပိုင်းတွင် တွေ့ရှိခဲ့ရာကို အရေးယူဆောင်ရွက်လေသည်။ ကိုယ်တော်သည် စတင်၍ ‘ဝတ်ပြုရာအိမ်တော်၌ရောင်းဝယ်နေသူများကို နှင်ထုတ်တော်မူပြီး ငွေလဲလှယ်သူများ၏စားပွဲ၊ ချိုးငှက်များရောင်းသူတို့၏ခုံများကို မှောက်လှန်တော်မူ၏; ဝတ်ပြုရာအိမ်တော်ကိုဖြတ်၍ ပစ္စည်းများသယ်ဆောင်ခွင့်မပြုပေ။’ အမှားပြုသူတို့ကို ပြစ်တင်ရှုတ်ချလျက် ကိုယ်တော်ဤသို့ကြေညာသည်– “‘ငါ့အိမ်ကို လူအမျိုးမျိုးဆုတောင်းရာအိမ်ဟူ၍ခေါ်ဝေါ်ကြလတ္တံ့’ ဟုကျမ်းစာ၌လာသည်မဟုတ်လော။ သို့သော်လည်း သင်တို့သည် ထိုအိမ်ကို ဓားပြတွင်းဖြစ်စေကြပြီတကား။”—မာကု ၁၁:၁၅-၁၇။
၈ ယေရှု၏လုပ်ရပ်များသည် လွန်ခဲ့သောသုံးနှစ်၊ စီ.အီး. ၃၀ ပသခါပွဲခံချိန်က ဝတ်ပြုရာအိမ်တော်သို့ရောက်ရှိလာချိန်၌ ကိုယ်တော်ပြုလုပ်ခဲ့ရာကို ပြန်၍ထင်ဟပ်စေသည်။ သို့သော် ယခုတစ်ကြိမ် လူသိရှင်ကြားရှုတ်ချပြောဆိုခြင်းသည် ပို၍ပြင်းသည်။ ယခုတွင် ဝတ်ပြုရာအိမ်တော်ရှိကုန်သည်များကို “ဓားပြ” များဟုရည်ညွှန်းခဲ့သည်။ (လုကာ ၁၉:၄၅၊ ၄၆; ယောဟန် ၂:၁၃-၁၆) ထိုသို့ဖြစ်ရခြင်းမှာ သူတို့သည် ယဇ်ပူဇော်ရန် တိရစ္ဆာန်များဝယ်ဖို့လိုသူတို့ထံမှ ဈေးအဆမတန်တောင်းသောကြောင့်ဖြစ်သည်။ ယေရှုလုပ်ဆောင်မှုကို ယဇ်ပုရောဟိတ်အကြီးများ၊ ကျမ်းတတ်များနှင့် အကြီးအကဲများကြားသိသောအခါ ကိုယ်တော်အားသတ်ရန် ရှာကြံကြပြန်သည်။ သို့သော် လူအပေါင်းတို့က ကိုယ်တော်၏သွန်သင်ချက်များကို အံ့သြမိန်းမောလျက် စေ့စေ့နားထောင်ကြသောကြောင့် ယေရှုအားမည်သို့သုတ်သင်ပစ်ရမည်ကို သူတို့မသိကြ။—မာကု ၁၁:၁၈; လုကာ ၁၉:၄၇၊ ၄၈။
၉။ ယေရှုသည် ဝတ်ပြုရာအိမ်တော်၌ အဘယ်သင်ခန်းစာကို သွန်သင်ပေးပြီး မိမိအားနားထောင်သူတို့ကို အဘယ်ဖိတ်ခေါ်ချက်ကို ကမ်းလှမ်းသနည်း။
၉ ဝတ်ပြုရာအိမ်တော်၌ ယေရှုဆက်၍သွန်သင်စဉ် ကိုယ်တော်ဤသို့ကြေညာသည်– “လူသားသည်ဘုန်းပွင့်ရသောအချိန်ရောက်လာပြီ။” မှန်ပါသည်၊ လူသားအသက်တာ ရက်အနည်းငယ်သာကျန်ရှိကြောင်း ကိုယ်တော်သိထားသည်။ စပါးတစ်စေ့သည် အသီးသီးဖို့ ပျက်ယောဟန် ၁၂:၂၃-၂၆။
ရပုံကို ပြောပြပြီးနောက်—မိမိ၏သေခြင်းနှင့် အခြားသူများ ထာဝရအသက်ရရှိစေသည့် နည်းတစ်နည်းဖြစ်လာကြောင်းကို ဆက်စပ်ပြလျက်—နားထောင်သူတို့ကို ဤသို့ဖိတ်ခေါ်ကမ်းလှမ်းသည်– “ငါ၏အမှုကိုဆောင်ရွက်သောသူဖြစ်လျှင် ငါ့နောက်သို့လိုက်ရမည်။ ငါ၏အမှုဆောင်သည်လည်း ငါရှိရာအရပ်၌ရှိလိမ့်မည်။ ငါ၏အမှုကိုဆောင်ရွက်သောသူဖြစ်လျှင် ထိုသူကို ခမည်းတော်သည် ချီးမြှောက်တော်မူလတ္တံ့။”—၁၀။ ရင်ဆိုင်ရမည့် ပြင်းစွာသောဝေဒနာဖြင့် သေဆုံးခြင်းနှင့်ပတ်သက်၍ ယေရှုမည်သို့ခံစားရသနည်း။
၁၀ လေးရက်သာလိုတော့သည့် ပြင်းစွာသောဝေဒနာဖြင့် မိမိသေဆုံးရမည့်အကြောင်း တွေးတောလျက် ယေရှုကဤသို့ဆက်ပြောသည်– “ငါသည် ယခုစိတ်နှလုံးပူပန်ခြင်းရှိ၏။ အဘယ်သို့လျှောက်ရမည်နည်း။ ဤအချိန်နာရီမှ အကျွန်ုပ်ကိုကယ်တင်တော်မူပါ၊ အဘ။” သို့သော် ဖြစ်လာတော့မည့်အရာကို ယေရှုမရှောင်လွှဲနိုင်ပေ။ “သို့ရာတွင် ဤအကြောင်းကြောင့် ဤအချိန်နာရီသို့ အကျွန်ုပ်ရောက်လာပါပြီ” ဟုကိုယ်တော်ဆိုသည်။ အမှန်မှာ ဘုရားသခင်၏အစီအစဉ်တစ်ခုလုံးကို ယေရှုသဘောတူလက်ခံထားသည်။ ယဇ်သကာသေခြင်းတိုင်အောင် မိမိ၏လုပ်ရပ်များကို ဘုရားသခင့်အလိုတော်ကထိန်းချုပ်စေဖို့ ကိုယ်တော်စိတ်ပိုင်းဖြတ်ထားသည်။ (ယောဟန် ၁၂:၂၇၊ သမ္မာ) ဘုရားသခင့်အလိုတော်ကို အပြည့်အဝလက်အောက်ခံခြင်းဆိုင်ရာ စံနမူနာကောင်းကို ကျွန်ုပ်တို့အတွက် ကိုယ်တော်ချမှတ်ခဲ့သည်တကား!
၁၁။ ကောင်းကင်မှအသံကြားလိုက်ရသည့် လူအုပ်စုကြီးကို ယေရှုအဘယ်သွန်သင်ချက်များပေးသနည်း။
၁၁ မိမိ၏သေခြင်းကြောင့် ခမည်းတော်၏ဂုဏ်တော် မည်သို့ထိခိုက်မည်ကို အလွန်တွေးပူလျက် ယေရှုက “အိုအဘ၊ ကိုယ်တော်၏နာမတော်ကို ချီးမြှောက်တော်မူပါ” ဟုဆုတောင်းလေ၏။ ဝတ်ပြုရာအိမ်တော်၌စုရုံးလျက်ရှိသော လူအုပ်ကြီးအတွက် အံ့အားသင့်စရာ ကောင်းကင်မှအံ့ဖွယ်အသံတော်က “ငါချီးမြှောက်ခဲ့ပြီ။ တစ်ဖန်ချီးမြှောက်ဦးမည်” ဟုကြေညာသည်။ ကြီးမြတ်သောဆရာက ဤအခွင့်အရေးကိုယူ၍ အဘယ်ကြောင့် ဤအသံကိုကြားရကြကြောင်း၊ မိမိသေခြင်း၏အကျိုးဆက်သည် အဘယ်အရာဖြစ်ကြောင်းနှင့် အဘယ်ကြောင့်သူတို့ယုံကြည်ခြင်းတင်ပြဖို့လိုကြောင်း မြွက်ကြားတော်မူသည်။ (ယောဟန် ၁၂:၂၈-၃၆) ကျန်ရှိသည့်နှစ်ရက်တာသည် ယေရှုအတွက် အမှန်ပင်လှုပ်ရှားဆောင်ရွက်စရာများနှင့် ပြည့်နှက်လျက်ရှိသည်။ သို့သော် ခက်ခဲသောနေ့ရက်သည် ရှေ့တွင်ရှိနေသေးသည်။
လူသိရှင်ကြားရှုတ်ချပြောဆိုသည့်နေ့
၁၂။ နိသန်လ ၁၁ ရက်၊ အင်္ဂါနေ့တွင် ဘာသာရေးခေါင်းဆောင်များသည် ယေရှုကိုအကွက်ဆင်ဖမ်းဖို့ မည်သို့ကြိုးပမ်းကြပြီး ရလဒ်ကားအဘယ်နည်း။
၁၂ နိသန်လ ၁၁ ရက်၊ အင်္ဂါနေ့တွင် ယေရှုသည် ဝတ်ပြုရာအိမ်တော်၌ သွန်သင်ပေးဖို့ တစ်ဖန်သွားပြန်သည်။ ရန်လိုနေသောပရိသတ်မှာ ကိုယ်တော့်အနီးတွင်ရှိသည်။ ယမန်နေ့က ယေရှု၏လုပ်ရပ်ကိုရည်ညွှန်းလျက် ယဇ်ပုရောဟိတ်အကြီးတို့နှင့် လူအကြီးအကဲတို့က “ကိုယ်တော်သည် ဤအမှုများကို အဘယ်အခွင့်နှင့်ပြုသနည်း။ ထိုအခွင့်ကို အဘယ်သူပေးသနည်း” ဟုမေးကြသည်။ ကြီးမြတ်သောဆရာသည် မိမိ၏အဖြေအားဖြင့် သူတို့ကိုမိန်းမောတွေဝေစေပြီး ကိုယ်တော်အားဆန့်ကျင်သူတို့ မည်မျှဆိုးညစ်ကြောင်း အထုပ်ဖြေပြသည့် ရှင်းလင်းပြတ်သားသော ပုံဥပမာသုံးခု—နှစ်ခုမှာ စပျစ်ဥယျာဉ်အကြောင်းဖြစ်ပြီး တစ်ခုမှာ မင်္ဂလာပွဲအကြောင်း—ကိုပြောပြသည်။ ဘာသာရေးခေါင်းဆောင်တို့သည် သူတို့ကြားရသည့်အရာကြောင့် အမျက်ထွက်ကာ ကိုယ်တော်အားဖမ်းဆီးလိုကြသည်။ သို့သော် ယေရှုအားပရောဖက်အဖြစ်ယူဆကြသော လူထုကို သူတို့ကြောက်သည်။ ထို့ကြောင့် ကိုယ်တော်အား အကွက်ဆင်ဖမ်းဆီးနိုင်ဖို့ သူတို့ကြံစည်ကြ၏။ ယေရှုပေးသောအဖြေများက သူတို့ကိုနှုတ်ဆိတ်သွားစေသည်။—မဿဲ ၂၁:၂၃–၂၂:၄၆။
၁၃။ မိမိအားနားထောင်သူတို့ကို ကျမ်းတတ်များ၊ ဖာရိရှဲများနှင့်ပတ်သက်၍ ယေရှုအဘယ်အကြံပေးသနည်း။
မဿဲ ၂၃:၁-၃) လိုရင်းရောက်သော လူသိရှင်ကြားရှုတ်ချပြောဆိုချက်ပါတကား! သို့သော် ယေရှုသည် ယင်းတို့နှင့်မဆုံးသေးပါ။ ဤကား ဝတ်ပြုရာအိမ်တော်၌ ကိုယ်တော်၏နောက်ဆုံးနေ့ဖြစ်ပြီး ရဲရင့်စွာဖြင့် ဆက်တိုက်ဖော်ထုတ်မှုဖြစ်သည်– ပဲ့တင်ပြန်သည့်မိုးချုန်းသံနှယ်ဖြစ်သည်။
၁၃ ကျမ်းတတ်များနှင့် ဖာရိရှဲတို့သည် ဘုရားသခင်၏ပညတ်တော်ကို သွန်သင်ပေးသည်ဆိုသောကြောင့် ယေရှုက မိမိအားနားထောင်သူတို့ကို ယခုဤသို့တိုက်တွန်းသည်– “သူတို့စီရင်ထုံးဖွဲ့သမျှတို့ကို စောင့်ရှောက်၍ပြုကြလော့။ သူတို့၏အကျင့်အတိုင်း မကျင့်ကြနှင့်။ အကြောင်းမူကား သူတို့သည် စီရင်ထုံးဖွဲ့သော်လည်း ကိုယ်တိုင်မကျင့်ကြ။” (၁၄၊ ၁၅။ ကျမ်းတတ်များ၊ ဖာရိရှဲများကိုတိုက်ခိုက်သည့် အဘယ်ပြင်းထန်သော လူသိရှင်ကြားရှုတ်ချပြောဆိုမှုများကို ယေရှုမြွက်ကြားသနည်း။
၁၄ “လျှို့ဝှက်သောကျမ်းပြုဆရာ၊ ဖာရိရှဲတို့၊ သင်တို့သည် အမင်္ဂလာရှိကြ၏” ဟုယေရှုခြောက်ကြိမ်ကြေညာသည်။ ထိုသို့ဖြစ်ကြခြင်းမှာ ကိုယ်တော်ရှင်းပြသကဲ့သို့ သူတို့သည် ကောင်းကင်နိုင်ငံတော်တံခါးကို လူတို့ရှေ့၌ပိတ်ထားကြပြီး ဝင်လိုသူတို့ကိုလည်း ဝင်ခွင့်မပြုကြသောကြောင့်ဖြစ်၏။ ဤအရေခြုံသူတို့သည် လူတစ်ဦးကိုဘာသာသွင်းဖို့ ကုန်းကြောင်း ရေကြောင်းလှည့်လည်၍ လက်ခံသူကိုလည်း ထာဝရပျက်စီးခြင်းသို့ရောက်စေကြသည်။ “တရားသဖြင့်စီရင်ခြင်း၊ သူတစ်ပါးကိုသနားခြင်း၊ သစ္စာစောင့်ခြင်းတည်းဟူသော ပညတ်တရားတွင် လေးသောအရာတို့ကို” လျစ်လျူရှုထားကြစဉ် သူတို့သည် ဆယ်ဖို့တစ်ဖို့ပေးခြင်းကို အထူးအာရုံစိုက်နေကြသည်။ တစ်နည်းအားဖြင့် သူတို့သည် “ဖလား၊ လင်ပန်းကို အပြင်၌ဆေးကြောကြ၏။ အတွင်း၌ကား လုယူခြင်း၊ မတရားသဖြင့်ကျင့်ခြင်းနှင့် ပြည့်လျက်ရှိကြ” ပြီး သူတို့အတွင်း၌ ပုပ်ပျက်နေသောအကျင့်တို့ကို ဘုရားတရားကြည်ညိုဟန်ဖြင့် ဖုံးကွယ်ကြသည်။ ထို့ပြင် သူတို့သည် “ပရောဖက်တို့ကိုသတ်သောသူတို့၏ အမျိုးအနွယ်” ဖြစ်ကြသော်လည်း သူတို့၏ရက်ရောမှုကို လူများအာရုံစိုက်ရန် ပရောဖက်တို့၏သင်္ချိုင်းဂူများကို စိတ်ပါလက်ပါတည်လုပ်၍ တန်ဆာဆင်ပေးကြသည်။—မဿဲ ၂၃:၁၃-၁၅၊ ၂၃-၃၁။
၁၅ မိမိအားဆန့်ကျင်သူတို့၏ ဝိညာဉ်ရေးစံနှုန်းများကင်းမဲ့မှုကိုရှုတ်ချလျက် ယေရှုက “လမ်းပြသောလူကန်းတို့၊ သင်တို့သည် အမင်္ဂလာရှိကြ၏” ဟုမိန့်ဆိုသည်။ ဝတ်ပြုကိုးကွယ်သည့်နေရာ၏ ဝိညာဉ်ရေးစံနှုန်းထက် ဝတ်ပြုရာအိမ်တော်၏ရွှေကို ပို၍အလေးအနက်ထားကြသောကြောင့် သူတို့သည် ကျင့်ဝတ်တရားအရကန်းနေကြသည်။ ယေရှုသည် ပြင်းထန်သည့်လူသိရှင်ကြားရှုတ်ချစကားများကို ဆက်၍မိန့်မြွက်သည်။ “မြွေဆိုးအမျိုးတို့၊ သင်တို့သည် အပြစ်ငရဲ [“ဂေဟင်္နာ၊” ကဘ] မှ အဘယ်သို့လွတ်နိုင်ကြမည်နည်း” ဟုကိုယ်တော် မြွက်ကြား၏။ မှန်ပါသည်၊ သူတို့သည် ဆိုးယုတ်သောလမ်းစဉ်သို့လိုက်သောကြောင့် ထာဝရဖျက်ဆီးခြင်းခံရလိမ့်မည်ဟု ယေရှုမိန့်မြွက်နေသည်။ (မဿဲ ၂၃:၁၆-၂၂၊ ၃၃) ကျွန်ုပ်တို့လည်း ဘုရားသခင့်နိုင်ငံတော်သတင်း ကြေညာရာ၌ ဗာဗုလုန်ဘာသာရေးကို ဖော်ထုတ်ခြင်းနှင့် ပတ်သက်လာလျှင်ပင် အလားတူရဲရင့်မှုပြနိုင်ကြပါစေ။
၁၆။ သံလွင်တောင်ပေါ်ထိုင်နေကြစဉ် ယေရှုသည် မိမိ၏တပည့်တော်များကို အဘယ်အရေးပါသောပရောဖက်ပြုချက်ကို မြွက်ကြားသနည်း။
၁၆ ယခု ဝတ်ပြုရာအိမ်တော်မှ ယေရှုထွက်ခွာသည်။ ညနေစောင်းပိုင်းတွင် ကိုယ်တော်နှင့်တမန်တော်များသည် သံလွင်တောင်ပေါ်တက်သွားကြသည်။ တောင်ပေါ်တွင်ထိုင်နေကြစဉ် ယေရှုသည် ဝတ်ပြုရာအိမ်တော်ပျက်စီးခြင်း၊ ကိုယ်တော်ရောက်ရှိနေခြင်းနှင့် ဤအစီအစဉ်စနစ်၏အဆုံးတို့နှင့်ပတ်သက်၍ ပရောဖက်ပြုသည်။ ဤပရောဖက်ပြုစကားများသည် ကျွန်ုပ်တို့ခေတ်အထိ အရေးပါသည်။ ထိုညနေတွင် မိမိ၏တပည့်တော်များကို ယေရှုဤသို့ဆိုသေးသည်– “နှစ်ရက်လွန်မှ ပသခါပွဲနေ့ရောက်မည်ကို သင်တို့သိကြ၏။ ထိုအခါ လူသားကို လက်ဝါးကပ်တိုင်မှာရိုက်သတ်စေခြင်းငှာ အပ်နှံကြလိမ့်မည်။”—မဿဲ ၂၄:၁-၁၄; ၂၆:၁၊ ၂။
ယေရှုသည် “မိမိလူတို့ကို အဆုံးတိုင်အောင်ချစ်တော်မူ”
၁၇။ (က) နိသန်လ ၁၄ ရက်၊ ပသခါပွဲအတွင်း ယေရှုသည် ၁၂ ပါးကို အဘယ်သင်ခန်းစာပေးသနည်း။ (ခ) ယေရှုသည် ယုဒရှကာရုတ်ကို ထွက်သွားစေပြီးနောက် အဘယ်အထိမ်းအမှတ်ပွဲကို စတင်ကျင်းပသနည်း။
၁၇ ယေရှုသည် နောက်ထပ်နှစ်ရက်—နိသန် ၁၂ နှင့် ၁၃—တွင် ဝတ်ပြုရာအိမ်တော်၌ မထင်မရှားနေတော်မူ၏။ ဘာသာရေးခေါင်းဆောင်များသည် ယေရှုကိုသတ်ဖို့ရှာကြံနေကြပြီဖြစ်ရာ တမန်တော်များနှင့်အတူ ပသခါပွဲကျင်းပစဉ် မည်သည့်အနှောင့်အယှက်မျှ ကိုယ်တော်မလိုလားပေ။ ကြာသပတေးနေ့ နေဝင်ချိန်သည် နိသန် ၁၄ ရက်—လူသားတစ်ဦးအဖြစ် ယေရှု၏မြေကြီးအသက်တာနောက်ဆုံးနေ့—၏အစဖြစ်သည်။ ထိုညနေတွင် ယေရှုနှင့်တမန်တော်များသည် ပသခါပွဲကျင်းပဖို့ သူတို့အတွက်ပြင်ဆင်ထားသော ယေရုရှလင်မြို့ရှိအိမ်တစ်အိမ်၌စုရုံးကြသည်။ ပသခါပွဲကိုအတူတကွကျင်းပနေကြစဉ် ကိုယ်တော်သည် ၁၂ ပါး၏ခြေများကိုဆေးပေးခြင်းဖြင့် နှိမ့်ချခြင်းဆိုင်ရာ နှစ်လိုဖွယ်သင်ခန်းစာတစ်ခုကို သင်ပေးသည်။ မောရှေ၏ပညတ်အရ ကျွန်တစ်ဦး၏တန်ဖိုးမျှသာဖြစ်သော ငွေ ၃၀ ဖြင့် မိမိ၏သခင်ကို သစ္စာဖောက်အပ်နှံရန်သဘောတူသည့် ယုဒရှကာရုတ်ကို ထွက်ခွာစေပြီးနောက် ယေရှုသည် မိမိ၏သေခြင်းအောက်မေ့ရာပွဲကို စတင်ပြုလုပ်သည်။—ထွက်မြောက်ရာ ၂၁:၃၂; မဿဲ ၂၆:၁၄၊ ၁၅၊ ၂၆-၂၉; ယောဟန် ၁၃:၂-၃၀။
၁၈။ ယေရှုသည် မိမိ၏သစ္စာရှိတမန်တော် ၁၁ ပါးကို အဘယ်ထပ်ဆင့်သွန်သင်ချက်များ ချစ်ခင်စွာပေးသနည်း၊ နီးကပ်လျက်ရှိသော မိမိ၏ခွဲခွာမှုအတွက် ကိုယ်တော်မည်သို့ပြင်ဆင်ပေးသနည်း။
၁၈ အောက်မေ့ရာပွဲကို အစပြုပေးပြီးနောက် တမန်တော်များသည် မည်သူပို၍ကြီးမြတ်ကြောင်း အပြင်းအထန်ငြင်းခုံကြသည်။ ယေရှုသည် သူတို့ကိုဆူမည့်အစား သူတစ်ပါး၏အစေခံခြင်း၏တန်ဖိုးကို စိတ်ရှည်စွာသွန်သင်ပေးသည်။ စမ်းသပ်ခံရချိန်အတွင်း မိမိ၌သူတို့ဆည်းကပ်ကြလုကာ ၂၂:၂၄-၃၀) ထို့ပြင် သူတို့ကိုကိုယ်တော်ချစ်သကဲ့သို့ သူတို့အချင်းချင်းချစ်ကြရန် ယေရှုမိန့်မှာသည်။ (ယောဟန် ၁၃:၃၄) ထိုအခန်း၌ရှိနေစဉ် ယေရှုသည် နီးကပ်လျက်ရှိသော မိမိ၏ခွဲခွာမှုအတွက် သူတို့ကို ချစ်ခင်စွာပြင်ဆင်ပေးတော်မူသည်။ သူတို့ကို ကိုယ်တော်က မိတ်ဆွေအဖြစ်သဘောထားကြောင်း စိတ်ချစေ၍၊ ယုံကြည်ခြင်းတင်ပြဖို့ တိုက်တွန်းပေးကာ၊ သန့်ရှင်းသောဝိညာဉ်တော်၏ အထောက်အကူပေးမည်ဟု ကတိပြုသည်။ (ယောဟန် ၁၄:၁-၁၇; ၁၅:၁၅) အိမ်မှမထွက်ခွာမီ ယေရှုကခမည်းတော်အား ဤသို့အသနားခံလေသည်– “အကျွန်ုပ်အချိန်ရောက်ပါပြီ။ . . . သားတော်သည် ကိုယ်တော်၏ဘုန်းကို ထင်ရှားစေပါမည်အကြောင်း သားတော်၏ဘုန်းကို ထင်ရှားစေတော်မူပါ။” စင်စစ်အားဖြင့် ယေရှုသည် မိမိ၏ခွဲခွာမှုအတွက် တမန်တော်များအားပြင်ဆင်ပေးထားပြီဖြစ်ရာ အမှန်ပင် “မိမိလူတို့ကို . . . အဆုံးတိုင်အောင်ချစ်တော်မူ၏။”—ယောဟန် ၁၃:၁; ၁၇:၁၊ ၂။
ခြင်းကို လေးမြတ်လျက် ကိုယ်တော်သည် ဘုရားသခင့်နိုင်ငံတော်အတွက် သူတို့နှင့်သီးသန့်ပဋိညာဉ်ဖွဲ့တော်မူ၏။ (၁၉။ ယေရှုသည် ဂေသရှေမန်ဥယျာဉ်အတွင်း၌ အဘယ်ကြောင့်ပြင်းစွာသောဝေဒနာခံရသနည်း။
၁၉ ဂေသရှေမန်ဥယျာဉ်သို့ ယေရှုနှင့် ကိုယ်တော်၏သစ္စာရှိတမန်တော် ၁၁ ပါးရောက်သောအခါ သန်းခေါင်ကျော်ပေပြီ။ ထိုနေရာသို့ တမန်တော်များနှင့်အတူ ကိုယ်တော်သွားနေကျဖြစ်၏။ (ယောဟန် ၁၈:၁၊ ၂) နာရီပိုင်းအတွင်း ယေရှုသည် ယုတ်ညံ့သောရာဇဝတ်သားတစ်ဦးကဲ့သို့ သေဆုံးရတော့မည်။ ကြိုတင်မျှော်လင့်ထားသော ဤတွေ့ကြုံရမည့်အရာနှင့် ယင်းက ခမည်းတော်အပေါ် ကဲ့ရဲ့ရှုတ်ချစရာဖြစ်စေနိုင်သည်ဟူသော ဝေဒနာမှာ ပြင်းထန်လွန်းသဖြင့် ယေရှုဆုတောင်းစဉ်တွင် ချွေးတို့သည်သွေးစက်ကဲ့သို့ မြေပေါ်သို့ကျလေသည်။ (လုကာ ၂၂:၄၁-၄၄) ယေရှုက “အချိန်ရောက်လာပြီ။ . . . ငါ့ကိုအပ်နှံသောသူသည်ရောက်လာပြီ” ဟုတပည့်တော်များအား မိန့်ဆိုသည်။ ကိုယ်တော်ပြောဆိုနေစဉ်မှာပင် ယုဒရှကာရုတ်သည် မီးတုတ်၊ မီးခွက်၊ လက်နက်များကိုင်ဆောင်လာကြသော လူအုပ်ကြီးနှင့်အတူ ချဉ်းကပ်လာသည်။ ယေရှုအားဖမ်းဆီးဖို့ လာခြင်းဖြစ်၏။ ကိုယ်တော်မခုခံပါ။ “သို့ဖြစ်လျှင် ဤသို့သောအမှုအရာတို့သည် ဖြစ်ရမည်ဟူသောကျမ်းစာအချက်သည် အဘယ်သို့ပြည့်စုံအံ့နည်း” ဟုကိုယ်တော်ရှင်းပြသည်။—မာကု ၁၄:၄၁-၄၃; မဿဲ ၂၆:၄၈-၅၄။
လူသားသည် ဘုန်းပွင့်တော်မူပြီ!
၂၀။ (က) ယေရှုအဖမ်းခံရပြီးနောက် အဘယ်ရက်စက်ယုတ်မာမှုများ တွေ့ကြုံရသနည်း။ (ခ) မသေဆုံးမီကလေး၌ “အမှုပြီးပြီ” ဟု ယေရှုအဘယ်ကြောင့်ကြွေးကြော်သနည်း။
၂၀ ယေရှုအဖမ်းခံရပြီးနောက် ကိုယ်တော်သည် မမှန်သောသက်သေများ၏စွပ်စွဲမှုကိုခံခဲ့ရသည်၊ ဘက်လိုက်သည့်တရားသူကြီးများ၏ ဒဏ်စီရင်ခြင်းခံခဲ့ရသည်၊ ပုန္တိပိလတ်မင်း၏စီရင်ချက်ချခံခဲ့ရသည်၊ ယဇ်ပုရောဟိတ်များနှင့် လူအုပ်၏မထီမဲ့မြင်ပြုခြင်းခံခဲ့ရပြီး စစ်သားများ၏လှောင်ပြောင်မှုနှင့် နှိပ်စက်မှုကိုခံခဲ့ရသည်။ (မာကု ၁၄:၅၃-၆၅; ၁၅:၁၊ ၁၅; ယောဟန် ၁၉:၁-၃) သောကြာနေ့မွန်းတည့်ချိန်တွင် ယေရှုသည် ညှဉ်းဆဲရာနှက်တိုင်တွင် သံရိုက်ခံရပြီး ကိုယ်ခန္ဓာအလေးချိန်က ကိုယ်တော်၏လက်နှင့်ခြေ၌ရှိသော သံချက်ရာတို့ကိုစုတ်ပြဲစေသဖြင့် မချိမဆံ့နာကျင်မှုကိုခံရလေသည်။ (ယောဟန် ၁၉:၁၇၊ ၁၈) မွန်းလွဲသုံးနာရီခန့်တွင် ယေရှုက “အမှုပြီးပြီ” ဟုကြွေးကြော်သည်။ မှန်ပါသည်၊ မြေကြီးပေါ်၌ပြုရမည့် အမှုအားလုံးကို ကိုယ်တော်အပြီးတိုင်လုပ်ဆောင်သွားပြီ။ ဘုရားသခင်ထံမိမိ၏ဝိညာဉ်ကိုအပ်လျက် ခေါင်းတော်ကိုညွတ်၍ သေဆုံးသွားသည်။ (ယောဟန် ၁၉:၂၈၊ ၃၀; မဿဲ ၂၇:၄၅၊ ၄၆; လုကာ ၂၃:၄၆) ထို့နောက် သုံးရက်အကြာ၌ ယေဟောဝါသည် မိမိ၏သားတော်ကိုရှင်ပြန်ထမြောက်ပေးတော်မူသည်။ (မာကု ၁၆:၁-၆) ရှင်ပြန်ထမြောက်ပြီး ရက်လေးဆယ်အကြာတွင် ယေရှုသည် ကောင်းကင်သို့တက်ကြွတော်မူပြီး ဘုန်းအသရေကိုခံစားရသည်။—ယောဟန် ၁၇:၅; တမန်တော် ၁:၃၊ ၉-၁၂; ဖိလိပ္ပိ ၂:၈-၁၁။
၂၁။ ယေရှုကိုကျွန်ုပ်တို့ မည်သို့တုပနိုင်သနည်း။
၂၁ ‘ယေရှု၏ခြေရာကို’ ကျွန်ုပ်တို့မည်သို့ ‘အနီးကပ်လိုက်လျှောက်’ နိုင်သနည်း။ (၁ ပေတရု ၂:၂၁) ကျွန်ုပ်တို့သည် ယေရှုကဲ့သို့ ဘုရားသခင့်နိုင်ငံတော်ဟောပြောခြင်းနှင့် တပည့်ဖြစ်စေခြင်းလုပ်ငန်းတွင် အားသွန်ခွန်စိုက်ကြိုးပမ်းကာ ဘုရားသခင့်နှုတ်မြွက်စကားတော်အကြောင်းဟောပြောရာ၌ ရဲရင့်ကြပါစို့။ (မဿဲ ၂၄:၁၄; ၂၈:၁၉၊ ၂၀; တမန်တော် ၄:၂၉-၃၁; ဖိလိပ္ပိ ၁:၁၄) အချိန်ရေစီးကြောင်း၏ အဘယ်နေရာတွင် ကျွန်ုပ်တို့ရောက်နေကြောင်း မည်သည့်အခါမျှ မျက်ခြည်မပြတ်ဘဲ ချစ်ခင်စိတ်ရှိစေရန်နှင့် ကောင်းသောအကျင့်ကိုကျင့်စေရန် အချင်းချင်းတိုက်တွန်းနှိုးဆော်ဖို့ မည်သည့်အခါမျှ မပျက်ကွက်ကြစို့နှင့်။ (မာကု ၁၃:၂၈-၃၃; ဟေဗြဲ ၁၀:၂၄၊ ၂၅) ကျွန်ုပ်တို့၏အပြုအမူလမ်းစဉ်တစ်ရပ်လုံးကို ယေဟောဝါဘုရားသခင်၏အလိုတော်နှင့် “အမှုကုန်ရသည်ကာလ” ၌ကျွန်ုပ်တို့အသက်ရှင်နေသည်ဟူသော အသိကထိန်းထားပါစေ။—ဒံယေလ ၁၂:၄။
သင်မည်သို့ဖြေဆိုမည်နည်း
• မိမိသေဆုံးဖို့နီးပြီဟူသော ယေရှု၏အသိက ယေရုရှလင်မြို့ရှိ ဝတ်ပြုရာအိမ်တော်၌ ကိုယ်တော်၏နောက်ဆုံးအမှုဆောင်ခြင်းအပေါ် အဘယ်အကျိုးသက်ရောက်မှုရှိခဲ့သနည်း။
• ယေရှုသည် “မိမိလူတို့ကို . . . အဆုံးတိုင်အောင်ချစ်” တော်မူခဲ့ကြောင်း အဘယ်အရာကပြသနည်း။
• ယေရှုဘဝ၏နောက်ဆုံးအချိန်နာရီအနည်းငယ်တွင် ဖြစ်ပျက်ခဲ့ရာများက ကိုယ်တော်နှင့်ပတ်သက်၍ အဘယ်အရာဖော်ပြသနည်း။
• ကျွန်ုပ်တို့၏အမှုဆောင်ခြင်းတွင် ခရစ်တော်ယေရှုကို မည်သို့တုပနိုင်ကြသနည်း။
[လေ့လာရန်မေးခွန်းများ]
[စာမျက်နှာ ၁၈ ပါ ရုပ်ပုံ]
ယေရှုသည် “မိမိလူတို့ကို . . . အဆုံးတိုင်အောင်ချစ်တော်မူ၏”