မာတိကာဆီ ကျော်သွား

“အမြဲ​ဝမ်းမြောက်​ကြ​ပါ”

ယေဟောဝါသက်သေ​များ​ရဲ့ ၂၀၂၀- အစည်းအဝေးကြီး

ဒီ​နှစ်​အတွက် ယေဟောဝါသက်သေ​များ​ရဲ့ သုံးရက်ကြာ အစည်းအဝေးကြီး အစီအစဉ်ကို ကြည့်ရှု​ဖို့ လှိုက်လှဲ​စွာ ဖိတ်ခေါ်ပါ​တယ်။ ကိုရိုနာ​ဗိုင်းရပ်စ် (COVID-19) ကပ်ရောဂါ​ကြောင့် ဒီ​နှစ် အစည်းအဝေး​အစီအစဉ်ကို jw.org မှာ တင်ထား​ပါ​မယ်။ ဇူလိုင်​နဲ့ သြဂုတ်​လတွေ​မှာ အပိုင်း​လိုက် တင်​ပေး​ထား​ပါ​မယ်။

ပေါ်လွင်​ချက်​များ

  • သောကြာ​နေ့ အစီအစဉ်။ မိသားစုမှာ လင်​ယော​က်ျား၊ ဇနီး၊ မိဘ၊ သားသမီးတွေ ပျော်ရွှင်​နိုင်​ပုံ၊ ပျော်ရွှင်မှု တိုးများ​စေနိုင်​ပုံ​ကို ရှုစား​ကြည့်​ပါ။ သဘာဝတရား၊ ဒီ​သဘာဝတရား​ကို ကြည့်ရှု​ခံစား​နိုင်စွမ်း​က ကျွန်တော်​တို့ကို ယေဟောဝါ ပျော်​စေ​ချင်​ကြောင်း ဘယ်လို ဖော်ပြ​သလဲ​ဆိုတာ​ကိုလည်း လေ့လာ​ကြည့်​ပါ။

  • စနေနေ့ အစီအစဉ်။ ကမ္ဘာ​တစ်ဝန်း​မှာ ယေဟောဝါသက်သေ​တွေ ဘာကြောင့် သတင်းကောင်း ဟော​နေကြ​သလဲ။ ဟောပြောချက်၊ ဗီဒီယို၊ လူတွေ့မေးမြန်းခန်းတွေ​ကို ရှုစား​ရင်း ဟောပြော​သွန်သင်​ရတဲ့ အကြောင်းရင်းကို ကျမ်းစာ​ကနေ လေ့လာ​ကြည့်​ပါ။

  • တနင်္ဂနွေ​နေ့ အစီအစဉ်။ ဘုရားသခင်​ရဲ့ ကောင်းချီး​က “ကြွယ်ဝ​စေတယ်။ အဲဒီ​ကြွယ်ဝမှု​မှာ နာကျင်​စ​ရာတွေ မ​ရော​ဘူး” လို့ ကျမ်းစာ​မှာ ကတိပေး​ထား​တယ်။ (ပညာအလိမ္မာ ၁၀:၂၂) “နာကျင်မှု မကြုံ​ရ​ဘဲ ဘယ်လို ကြွယ်ဝ​နိုင်​မလဲ” ဆို​တဲ့ ကျမ်းစာ​ဟောပြောချက်ကို နားဆင်​ရင်း အဲဒီ​ကတိ​ကို ယုံကြည်​နိုင်​တဲ့ အကြောင်းရင်း​တွေ​အကြောင်း စဉ်းစားပါ။

  • ကျမ်းစာ​ပြဇာတ်။ နေဟမိရဲ့ သတ္တိ၊ ထက်သန်မှု​ကနေ ဘာ​အကျိုးကျေးဇူး ရနိုင်သလဲ။ စ​နေ​နဲ့ တနင်္ဂနွေ​နေ့​အစီအစဉ်မှာ “ယေဟောဝါ​ဘုရား ပေးသနား​တဲ့ ဝမ်းမြောက်ခြင်းဟာ ခင်ဗျား​တို့အတွက် ရဲတိုက်​ပဲ” ဆို​တဲ့ အပိုင်း​နှစ်​ပိုင်း​ပါ​တဲ့ ပြဇာတ်​ကို ​ရှုစား​ကြည့်​ပါ။—နေဟမိ ၈:၁၀

အခမဲ့ အစီအစဉ်

လော့​အင်​ဝင်​စ​ရာ၊ မှတ်ပုံတင်​စ​ရာ မလိုပါ

အစီအစဉ်​ဇယား အပြည့်အစုံကို ကြည့်​ပါ။ ပြီး​တဲ့​နောက် အစည်းအဝေးကြီး ဗီဒီယိုကို ကြည့်​ပါ။

အစည်းအဝေးကြီးအစီအစဉ်ကို ကြည့်ပါ