ဘယ်သူတွေ တက်ရောက်နိုင်သလဲ။

ဘယ်သူမဆို တက်ရောက်နိုင်ပါတယ်။ မိတ်ဆွေ၊ မိသားစုကို ခေါ် လာနိုင်ပါတယ်။

အစီအစဉ်က ဘယ်လောက် ကြာသလဲ။

တစ်နာရီလောက် ကြာပါတယ်။

ဘယ်မှာ ကျင်းပမလဲ။

ကိုယ့်ဒေသမှာ ကျင်းပမယ့် နေရာကို သိနိုင်ဖို့ ယေဟောဝါသက်သေတွေကို ဆက်သွယ်ပါ။

ဝင်ကြေးပေးဖို့ ဒါမှမဟုတ် ဒီတစ်ခါတက်တာနဲ့ အမြဲတက်ရမယ်လို့ တောင်းဆိုသလား။

မတောင်းဆိုပါ။

အလှူငွေ ကောက်ခံသလား။

မကောက်ခံပါ။ ကျွန်တော်တို့ရဲ့ ဘယ်အစည်းအဝေးမှာမှ အလှူငွေ မကောက်ခံပါ။—မဿဲ ၁၀:၈။

ဘယ်လို ဝတ်စားရမလဲ။

အတိအကျ သတ်မှတ်ထားတာ မရှိပေမဲ့ ယေဟောဝါသက်သေတွေက ဒီမြင့်မြတ်တဲ့ အခါသမယမှာ အိန္ဒြေရှိရှိ ဝတ်ဆင်ကြပါတယ်။

အောက်မေ့ရာနေ့ အစီအစဉ်ကို ဘယ်လို ကျင်းပသလဲ။

အစီအစဉ် အစနဲ့ အဆုံးမှာ သီချင်းဆိုပြီး ယေဟောဝါသက်သေ ဓမ္မအမှုဆောင်တစ်ဦးက ဆုတောင်းပါမယ်။ အစီအစဉ်မှာ ဟောပြောချက်တစ်ခု ပါဝင်ပြီး ယေရှုရဲ့ သေခြင်း အရေးကြီးပုံ၊ ကျွန်တော်တို့အတွက် ဘုရားသခင်နဲ့ ခရစ်တော် လုပ်ပေးခဲ့ရာတွေကနေ အကျိုးရရှိနိုင်ပုံကို တင်ဆက်ပါလိမ့်မယ်။

အသေးစိတ် သိချင်ရင် “ယေဟောဝါသက်သေတွေ သခင့်ညစာစားပွဲ ကျင်းပပုံက တခြားဘာသာရေးအဖွဲ့တွေ ကျင်းပပုံနဲ့ ဘာကြောင့် မတူတာလဲ” ဆောင်းပါးကို ဖတ်ပါ။

နောက်နှစ်တွေအတွက် အောက်မေ့ရာနေ့ ရက်စွဲများ

၂၀၂၆ ခုနှစ်။ ကြာသပတေးနေ့၊ ဧပြီ ၂ ရက်

၂၀၂၇ ခုနှစ်။ တနင်္လာနေ့၊ မတ် ၂၂ ရက်