KUKUTELA KUAMBOLA NI BATU
TUTO 7
Mutundamene
Sikuka: “Bazwelapili kuluta batu ni kushaela taba yende.”—Lik. 5:42.
Zanaaezize Paulusi
1. Mubuhe VIDIO, kamba mubale Likezo 19:8-10. Hasamulaho, munyakisise lipuzo zelatelela:
Luitutañi ku Paulusi?
2. Lutokwa kubanga ni nako ya kueza misipili ya makutisezo ni kukalisa lituto za Bibele mi lutokwa kuikataza.
Mulikanyise Paulusi
3. Mupotele batu ka nako yebatabela. Muipuze kuli: ‘Ki nako mañi yatokwa kuli nimupotele? Ubata kuli ni mupotele lili mi ki kai kwabata kuli lukopanele?’ Mulukise kuyo mupotela niha nemulela kueza lika lisili ka nako yaketile.
4. Mulumelelane lizazi ni nako yemuka mupotela. Hamulaho wa kuikambota ni mutu, mulumelelane lizazi ni nako yemuka ambola ni yena hape. Mubone teñi kuli muyo potela mutu yo fa lizazi ni nako yene mulumelelani.
5. Musike mwazwafa. Musike mwaakufela kunahana kuli mutu haatabeli bakeñisa kuli hafumanehangi hahulu fa lapa kamba upatehile hahulu. (1 Makor. 13:4, 7) Niha lutokwa kulika ka taata kuli lufumane mutu yo, hape luswanela kuitusisa hande nako yaluna.—1 Makor. 9:26.
