Jesaja 59:1-21
59 Tala! Eke laJehova kali xupi unene okuxupifa,+Nokutwi kwaye inaku fita* kuha dule okuuda ko.+
2 Ahawe, omapuko eni vene okwe mu tukula ko kuKalunga keni,+
Omatimba eni okwe mu ningifa e mu holeke oshipala shaye,Nokwaanya okupwilikina kunye.+
3 Osheshi omake eni okwa nyatekwa nohonde,+Nominwe deni onepuko.
Omilungu deni ohadi popi oipupulu,+ nelaka leni ohali ngungutula oinima ihe li pauyuki.
4 Kape na oo ha popile ouyuki,+Nokape na oo ha i komhangu a ka popye oshili.
Ove lineekela moinima ihe fi yoshili*+ nokupopya oinima ihe na oshilonga.
Ove na oufimba woupyakadi, nohava dala osho sha nyika oshiponga.+
5 Ohava tendula omai eyoka li na oudiyo,Nohava tungu ongodi yeluviluvi.+
Keshe oo ta li omai alo ota fi,Nei, olo la tatuka, otamu di euta.
6 Ongodi yavo yeluviluvi itai ka ninga oshikutu,Noitave ke lituvikila naasho tava tungu.+
Oilonga yavo oya nyika oshiponga,Nelongifo leenghono oi li momake avo.+
7 Eemhadi davo ohadi tondoka di longe owii,Nohava endelele va tileshi ohonde ihe na etimba.+
Omadiladilo avo okwa nyika oshiponga;Ehanauno noixuna oi li meendjila davo.+
8 Inava shiiva ondjila yombili,Nomomalila avo kamu na ouyuki;+
Ohava pengifa eendjila davo;Kape na oo ta lyata mo ta ka shiiva ombili.+
9 Nomolwaasho ouyuki u tu li kokule,Naasho sha yuka itashi ke tu hanga.
Otwa kala twa teelela ouyelele, ashike tala! ope na omilaulu;Ouyelele wa twa, ashike ohatu ende momilaulu fokofoko.+
10 Ohatu pamhadala ekuma ngaashi ovapofi;Ngaashi ovo vehe na omesho, ohatu kala nokupamhadala.+
Ohatu punduka moshanga shomutenya ngaashi konguloshi momilaulu;Mokati kovanaenghono, otwa fa ashike ovafi.
11 Atushe ohatu kala hatu ulu ngaashi omamwangha,Nokushukushula ngaashi onghuti.
Ohatu kala twa teelela ouyuki, ndele kau po;Exupifo, ndele oli tu li kokule.
12 Osheshi ounashibofa wetu ouhapu koshipala shoye;+Enyono letu keshe otali holola kutya otu na ondjo.+
Osheshi ounashibofa wetu ou li pufye;Omapuko etu otu a shii nawa.+
13 Otwa nyona, notwe lidimbika Jehova;Otwa pilamena Kalunga ketu.
Otwa popya eendjovo domafininiko nodounashibofa;+Otu na oufimba woipupulu, notwa ngungutula eendjovo doipupulu momitima detu.+
14 Ouyuki owa kufwa po,+Naasho sha yuka osha fikama kokule;+Osheshi oshili* oya pundukila mehalandjadja,Naasho sha yuka itashi dulu okuya mo.
15 Oshili* oya kana po,+Nakeshe oo te lialuluka keendjila daye dii ota nyekwa.
Jehova okwe shi mona, noka li e shi panda,*Molwaashi kapa li ouyuki.+
16 Okwa mona kutya kapa li omunhu,Nokwa li a kumwa, eshi paha li oo a ya mo olunyala,Onghee okwooko kwaye okwa eta exupifo,*Nouyuki waye owe mu yambidida.
17 Opo nee okwa djala ouyuki ngaashi okandjafa komukwaita,Nembale lexupifo* komutwe waye.+
Okwa djala oikutu yonghone ngaashi oshikutu shaye,+Nokwe lidingila ouladi ngaashi okandjafa.*
18 Ote ke va pa ondjabi she likolelela kwaasho va longa:+
Ehandu kovakondjifi vaye, onghone kovatondi vaye.+
Nounhunhu ote ke va pa osho ve na okupewa.
19 Otava ka tila Jehova okudja keningino letangoNokudja kepito letango, oshinge shaye,Molwaashi ote ke uya a fa omulonga tau tondoka,Oo tau undulwa komhepo yaJehova.
20 “Omukulili+ ote uya+ muSion,Koludalo laJakob, olo le lialuluka komatauluko alo,”+ Jehova osho ta ti.
21 “Ame, eli olo ehangano olo nda ninga navo,”+ Jehova osho ta ti.“Omhepo yange oyo i li mwoove, neendjovo dange, odo nda tula mokanya koye, itadi kufwa mo mokanya koye, mokanya kovana voye, ile mokanya kovatekulu voye,” Jehova osho ta ti, “okudja paife nofiyo alushe.”
