Jesaja 18:1-7
-
Etumwalaka li na sha naEtiopia (1-7)
18 Woo edu olo li na oipuka hai weeleleMoshitukulwa shomilonga daEtiopia!+
2 Ohali tumu ovatumwa kefuta,Tava taulula omeva ve li meewato da longwa momanenge tali ti:
“Indeni, nye ovatumwa hava endelele,Koshiwana shile noshi na oshipa shipu,*Kovanhu ovo hava tilika keshe pamwe,+Koshiwana shi na eenghono noshifindani,*Osho edu lasho la kombololwa po komilonga.”
3 Nye ovakalimo amushe vomoshilongo, nanye ovakalimo vokombada yedu,Osho mu wete otashi ka kala ngaashi edidiliko* la dikwa keemhundaNotamu ka uda ewi la fa lenghuma tali shikwa.
4 Osheshi eshi osho Jehova a lombwela nge a ti:
“Ohandi ka kala inandi piyaanekwa nokutala konhele yange ya pama,Ngaashi etokopya lomutenya pamwe neenhe detango,Ngaashi oshilemo shomume mepupyu leteyo.
5 Osheshi fimbo eteyo inali fika,Eshi okutemuna kwa pwa, naashi eenhemo da ninga omandjebele a pya,Oitai otai ka tetwa ko noikashulifoNoitutumine otai ka tetwa ko nokuhanaunwa po.
6 Aishe otai ka fiwa po i ninge yeedila dokeemhunda odo hadi li ombelelaNoyoifitukuti yokombada yedu.
Eedila odo hadi li ombelela otadi ka kala puyo pokwenye,Noifitukuti aishe yokombada yedu otai ka kala puyo pefimbo leteyo.
7 Pefimbo olo, Jehova womatangakwaita ota ka etelwa oshali,Okudja koshiwana shile noshi na oshipa shipu,*Okudja kovanhu ovo hava tilika keshe pamwe,Okudja koshiwana shi na eenghono noshifindani,*Osho edu lasho la kombololwa po komilongaTadi etwa konhele oyo ya lukilwa edina laJehova womatangakwaita, Omhunda yaSion.”+
