Jesaja 56:1-12
56 Eshi osho Jehova ta ti:
“Diinina ouyuki+ nokulonga osho sha yuka,Osheshi exupifo lange otali uya mafiku,Nouyuki wange otau ka hololwa.+
2 Oo ta kala a hafa oye ou ta ningi ngaho,Nomona womunhu, ou te shi diinine,Ou ta diinine Eshabata, noi te li nyateke,+Naau ta kelele omake aye aha longe owii keshe.
3 Omunailongo, oo ha longele Jehova,+ ina tya,‘Jehova ota ka yoolola nge mo filufilu moshiwana shaye.’
Nomulutulwa ina tya, ‘Tala! Ame omuti wa kukuta.’”
4 Osheshi eshi osho Jehova ta lombwele ovalutulwa ovo hava diinine omashabata ange, nosho yo ovo va hoolola okulonga osho tashi hafifa nge, nohava diinine filufilu ehangano lange, ta ti:
5 “Ohandi ke va pa meumbo lange nosho yo momakuma ange edimbulukifomanya nedina,Oshinima osho shi dule ovanamati novanakadona.
Ohandi ke va pa edina tali kalelele,Olo itali ka xula po.
6 Shi na sha novanailongo ovo hava longele Jehova,Ovo ve hole edina laJehova+Nokukala ovapiya vaye,Aveshe ovo hava diinine Eshabata, noihave li nyateke,Naavo hava diinine filufilu ehangano lange,
7 Ohandi ke va eta komhunda yange iyapuki,+Nohandi ke va hafifa meumbo lange lokwiilikanena.
Omaxwikiloyambo avo aeshe nomayambo avo otaa ka tambulwa ko koaltari yange.
Osheshi eumbo lange otali ka ifanwa eumbo lokwiilikanena ovanhu aveshe.”+
8 Omwene Omunamapangelo aeshe, Jehova, oo ta ongele Ovaisrael, ovo ve lihanifwa,+ ota ti:
“Ohandi ka ongela puye vakwao, kakele kaavo va ongelwa nale.”+
9 Nye oifitukuti aishe yomoixwa, ileni mu lye,Nye oifitukuti aishe yomofuka.+
10 Ovanangeli vaye ovapofi,+ kape na nande oumwe e shi didilika.+
Aveshe eembwa da mwena, itadi weda.+
Otadi hefaana, noda nangala; odi hole okufuda po.
11 Ovo eembwa, odo di hole okulya unene;Ihava kuta nandenande.
Ovo ovafita ovo vehe na eudeko.+
Keshe umwe okwa ya nondjila yaye;Keshe umwe womuvo waxuuninwa ota kongo ouwa waye mwene, ndele ta ti:
12 “Handi ya ndi kufe omaviinyu,Natu nweni oikunwa yetu yoalkoholi.+
Naali lomongula otali ka kala la fa lonena, ile li dulife po!”
