Jesaja 25:1-12
25 O! Jehova, oove Kalunga kange.
Ohandi ku tumbaleke, ohandi tange edina loye,Osheshi owa longa oinima ikumwifi,+Oinima oyo wa tokola* okudja nalenale,+Omolwoudiinini+ nomolwoulineekelwa.
2 Osheshi oshilando owe shi ninga onduba yomamanya,Odoolopa yomakuma a pama onduba yoikulukuma.
Oshungongulu yovanailongo oshilando shihe po vali;Itashi ka tungululwa vali nandenande.
3 Nomolwaasho ovanhu ovanaenghono otave ke ku fimanekifa;Oshilando shoiwana ikolokoshi otashi ke ku tila.+
4 Osheshi owa ninga ohotengulu komudinwa,Ohotengulu kohepele moudjuu wayo,+Eameno koshikungulu shodula,Nomudile komutenya.+
Eshi ehandu lovakolokoshi la fa oshikungulu shodula tashi lidenge mekuma,
5 Ngaashi omutenya medu la notelwa,Oho mweneke omaweelelo ovanailongo.
Ngaashi omutenya oo wa uvikwa komudidimbe woshilemo,Eimbilo lovakolokoshi nalo osho la mwenekwa.
6 Komhunda ei,+ Jehova womatangakwaita ota ka ningila ovanhu avesheOshivilo shoitendele,+Oshivilo shomaviinyu mawa,*Shoikulya i na omungo,Shomaviinyu a dindwa nawa.
7 Komhunda ei ota ka hanauna po* oshikutu osho sha tuvikila ovanhu aveshe,Noshiuvikifo,* osho sha hondjelwa kombada yoiwana aishe.
8 Ota ka pona po* efyo fiyo alushe,+NOmwene Omunamapangelo aeshe, Jehova, ota ka feta po omahodi moipala yaaveshe.+
Nokudinwa kwovanhu vaye ote ke ku xulifa po kombada yedu alishe,Osheshi Jehova mwene okwe shi popya.
9 Mefiku olo, otava ka tya:
“Taleni! Ou oye Kalunga ketu!+
Otwa kala twe lineekela muye,+Note ke tu xupifa.+
Ou oJehova!
Otwa kala twe lineekela muye.
Natu nyakukwe, nokuhafela exupifo laye.”+
10 Osheshi eke laJehova otali ka kala komhunda ei,+Na Moab ota ka lyataulilwa ponhele yaye+Ngaashi omwiidi tau lyataulilwa monduba youshosho.
11 Ote ke i denga nomake ayeNgaashi omuyowi ta denge omeva nomake aye, eshi ta yoo,Nota ka xulifa po ounhwa wayo+Nomake aye tae linyenge nounghulungu.
12 Noshilando shomakuma a pama, nomakuma oye male eameno,Ote ke i ngumauna po;Ote ke shi mbonyonena pedu mondwi.
