Jesaja 40:1-31
40 “Hekelekeni, hekelekeni oshiwana shange,” Kalunga keni osho ta ti.+
2 “Popyeni, mu hange omutima* waJerusalem,Noku mu shiivifila kutya oilonga yaye idjuu oya wanifwa po,Kutya etimba laye ola futwa.+
Eke laJehova ole mu pa pauyadi* omolwomanyono aye aeshe.”+
3 Ondaka yaao ta ingida mombuwa tai ti:
“Wapalekeni* ondjila yaJehova!+
Ningeni ondjila ya kula ya yukilila+ ya pita mombuwa yaKalunga ketu.+
4 Efilu keshe nali yelulwe,Nomhunda noshikulundudu keshe nashi xupipalekwe.
Edu lomangolongonyo nali lalakanifwe,Nedu lomamanya nali ninge oluhaela lefilu.+
5 Oshinge shaJehova otashi ka hololwa,+Nombelela aishe* otai ke shi mona,+Osheshi okanya kaJehova oke shi popya.”
6 Pwilikineni, umwe ota ti: “Lalekida!”
Umwe vali okwa pula a ti: “Ohandi lalekida shike?”
“Ombelela aishe oyo* omwiidi mutalala.
Ohole yavo aishe i na oudiinini oya fa eengala domoixwa.+
7 Omwiidi mutalala otau kukuta,Eengala otadi lembe,+Molwaashi omufudo* waJehova owe i fudila.+
Oshoshili, ovanhu ovo omwiidi mutalala.
8 Omwiidi mutalala otau kukuta,Eengala otadi lembe,Ndele ondjovo yaKalunga ketu otai kala po fiyo alushe.”+
9 Londeni komhunda ile,Nye ovakainhu, ovo tamu etele Sion onghundana iwa.+
Yeluleni eendaka deni pombada elela,Nye ovakainhu, ovo tamu etele Jerusalem onghundana iwa.
Di yeluleni, inamu kala mwa tila.
Shiivifileni oilando yaJuda tamu ti: “Kalunga keni oye ou.”+
10 Tala! Omwene Omunamapangelo aeshe, Jehova, ote ke uya e na eenghono,Nokwooko kwaye otaku ka pangela ponhele yaye.+
Tala! Ondjabi yaye oi li puye,Nofuto, oyo ha futu, oi li koshipala shaye.+
11 Ngaashi omufita, ota ka fila oshisho* oufita waye.+
Ota ka ongela eedjona nokwooko kwaye,Note ke di humbata ponhulo yaye.
Ota ka fila oshisho nawa odo tadi nyamifa oudjona vado.+
12 Olyelye a yeleka omeva, oo e li pondabo yeke laye+Nokwa kufa omuvalu* weulu nomutamo weke laye?*
Olyelye a ongela omuvalu wondwi yedu,+Ile a yeleka eemhunda koiyelekifoNoikulundudu koiyelekifo?
13 Olyelye a valula* omhepo yaJehova,Nolyelye ta dulu oku mu wilika e li omuyandjimayele waye?+
14 Okwa kundafana nalyelye, a mone ounongo,Ile olyelye e mu honga elila louyuki,Ile e mu honga a kale e na eshiivo,Ile e mu ulikila ondjila younongo washili?+
15 Tala! Oiwana oi li ngaashi eta lomeva la dja mevela,Nongaashi ondwi i li koiyelekifo ipu neenghono.+
Tala! Oha yelula ounhunhu ngaashi ondwi.
16 Nokuli naLibanon ina wana okukaleka omundilo wa tema,*Noifitukuti yasho inai wana exwikiloyambo.
17 Oiwana aishe oi li ngaashi oshinima, osho shihe po moipafi yaye;+Ohe i tale ko ihe fi sha, ya fa ihe fi yoshili.+
18 Olyelye to dulu okuyelekanifa naKalunga?+
Oshike she mu fa, osho to dulu oku mu faafanifa nasho?+
19 Omuhambwidi okwa hambula oshikalunga,*Omulongi woivela okwe shi vaeka noshingoli,+Nokwe shi hambulila oulyenge voshisilveri.
20 Oha hoolola omuti u li onga eyambo laye,+Omuti oo itau ka ola.
Oha kongo omuhambwidi onghulungu,E u honge oshihongwafano osho itashi ka wa po.+
21 Hamba nye kamu shi shii?
Hamba nye inamu shi uda?
Inamu shi lombwelwa okudja pehovelo?
Inamu shi uda ko okudja pomakanghameno edu?+
22 Ope na oo ha kala pombada yongonga yedu,+Novakalimo vako ova fa oshipaxu.
Ota nyanununa eulu ngaashi elapi liwa,Note li yale ngaashi etwali lokukala.+
23 Oha ninipike omalenga, oo e na eendodo dopombada,Noha ningifa ovatokoli* vokombada yedu va kale vehe po nandenande.
24 Ihava twikwa noupu;Ohava kunwa noudjuu,Nefina lavo ihali mene diva omidi medu,Nohava pepwa komhepo, ndele tava kukuta,Nomhepo ohai va pepeleshi ngaashi oihati ikukutu.+
25 Omuyapuki ota ti: “Olyelye to dulu okuyelekanifa nge naye, u ningife nge ndi kale ndi fike puye?”
26 “Yeluleni omesho eni keulu, mu tale.
Olyelye a shita oinima aishe oyo?+
Oye oo ta pitifa mo etangakwaita lado pamivalu;Ohe di ifana adishe komadina.+
Omolwomafa aye a shiya ko, neenghono daye dikumwifi,+Kape na nande oimwe tai kala ihe po.
27 Akutu, Jakob, omolwashike to ti, naave Israel, omolwashike to popi kutya,‘Ondjila yange oya holekwa Jehova,Noihandi mono ouyuki okudja kuKalunga’?+
28 Hamba ku shi shii? Hamba ino shi uda?
Jehova, Omushiti wominghulo dedu, oye Kalunga kaalushelushe.+
Iha loloka, ile a kenyanane.+
Ounongo waye otau nyengana.*+
29 Oha yandje eenghono kwaao a loloka,Nomafa kwaavo vehe na eenghono.*+
30 Ovamati ohava loloka, nohava kenyanana,Novalumenhu ovanyasha ohava punduka, nohava wile po,
31 Ashike ovo tave lineekele muJehova otava ka mona vali eenghono.
Otava ka tuka ngaashi eenhwa.+
Otava ka lotoka, ndele itava tyololoka;Otava ka enda, ndele itava loloka.”+
Omashangelo opedu
^ Ile “Popyeni nonghenda.”
^ Ile “ole mu pa lwomapa avali.”
^ Ile “Longekideni.”
^ Ile “Novanhu aveshe.”
^ Ile “Ovanhu aveshe ovo.”
^ Ile “omhepo.”
^ Ile “ota ka lifa.”
^ Oshinano osho shi li pokati komunwe wa kula nokamunwe kanini, ngeenge eke la xwaananekwa. Tala Oshiw. B14.
^ Ile “eenomola.”
^ Ile tashi dulika, “a uda ko.”
^ Ile “ita dulu okudja oikuni ya wana.”
^ Ile “oshikalunga shoshivela sha hemunwa.”
^ Ile “ovapangeli.”
^ Ile “itau dulu okukonakonwa.”
^ Ile “eenghono dinene.”
