Jesaja 16:1-14
-
Etumwalaka li na sha naMoab tali twikile (1-14)
16 Tumina omupangeli woshilongo odi yondume,Okudja kuSela to pitile mombuwaFiyo okomhunda yomonakadona waSion.
2 Ngaashi okadila ka tewa poshihadi shako,+Novanakadona vaMoab osho tava ka kala ngaho pomataulukilo aArnon.+
3 “Yandja omayele; wanifa po etokolo.
Lelepeka omudidimbe woye pokati komutenya ngaashi oufiku.
Holeka ovo ve lihanifwa, noino kengelela ovo tava i onhapo.
4 Ovanhu vange ovo ve lihanifwa nava kale mwoove, ove Moab.
Ninga onhele yavo yokuhondama omolwomuhanauni.+
Omufininiki ota ka fika pexulilo laye,Ehanauno otali ke uya pexulilo,Naavo tava lyataulile vakwao pedu otava ka xulifwa ko kombada yedu.
5 Opo nee olukalwapangelo otali ka dikwa po la pamenenena omolwohole i na oudiinini.
Oo e li omutumba kulo metwali laDavid ota ka kala omudiinini;+Ota ka tokola pauyuki, nota ka wanifa po diva osho sha yuka.”+
6 Otwa uda kombinga younhwa waMoab; oku udite unene etumba.+Elinenepeko laye, ounhwa waye nonya yaye;+Ashike eendjovo daye dongaho otadi ka xula po.
7 Onghee Moab ota ka lilila Moab;Aveshe otava ka lilaana.+
Ovo va findwa otava ka nyikila oluhodi oikuki yomandjebele yokuKir-hareset.+
8 Osheshi omapya omuHesbon+ okwa lemba,Omundjebele womuSibma,+Ovapangeli voiwana ova lyataula oitai yao itilyana tye;*Oya ya kokule fiyo okuJaser;+Oya tandavela fiyo okombuwa.
Eexulo dayo ode lihana, noda ya fiyo okefuta.
9 Nomolwaasho handi lilile omundjebele waSibma nda fa handi lilile Jaser.
Ohandi ku tutike nomahodi ange, ove Hesbon naEleale,+Molwaashi eingido omolwoiimati yoye yopokwenye, neteyo loye ola xula.*
10 Ehafo nenyaku oya kufwa mo moshikunino shomiti doiimati,Nokape na omaimbilo ehafo, ile euyaano moikunino yomandjebele.+
Omukoli ita kolo vali omaviinyu moikolelo,Osheshi onda xulifa po euyaano.+
11 Nomolwaasho ohandi kakama meni lange omolwaMoab,+Ngaashi omutono wokaxumbafeta,Nomeni lange omolwaKir-hareset.+
12 Nonande Moab oku lilolole konhele yokoshikulundudu, noku ye a ka ilikane monhele yaye iyapuki, ita ka pondola sha.+
13 Ei oyo ondjovo oyo Jehova a popya nale i na sha naMoab.
14 Ndele paife Jehova ota ti: “Moule weedula nhatu, ngaashi eedula domunailonga, oo a kutwa,* etumbalo laMoab otali ka fifwa ohoni neuyaano linene loludi keshe, naavo tava fyaala mo otava ka kala vanini, nokave na eenghono.”+
