Daytoy a sao ket agparang iti superskripsion ti 13 a salmo (32, 42, 44, 45, 52, 53, 54, 55, 74, 78, 88, 89, 142) ket mabalin a kaipapananna ti “mamagutob a daniw.” Nupay kasta, gapu ta saan nga ammo ti eksakto a kaipapanan ti Hebreo a sao, saanen nga impatarus dayta ti adu a bersion. Ti maysa a pangripiripan no ania ti kaipapanan dayta a sao ket babaen ti panangibasar iti sao a kasta met laeng ti pormana a naipatarus iti dadduma a teksto kas ‘agtignay a simamanakem,’ ‘agtignay buyogen ti kinamasirib,’ ‘agtignay buyogen ti konsiderasion,’ “addaan iti pannakatarus,” ken dadduma pay.​—1Sm 18:14, 15; 2Cr 30:22; Sal 41:1; 53:2.