Sofonias 2:1-15
2 Aguummongkayo, wen, aguummongkayo,+O nasion nga awanan bain.+
2 Sakbay a maipatungpal ti bilin,Sakbay a lumabas ti aldaw a kasla taep,Sakbay a dumteng kadakayo ti sumsumged a pungtot ni Jehova,+Sakbay a dumteng kadakayo ti aldaw ti pungtot ni Jehova,
3 Sapulenyo ni Jehova,+ dakayo amin a naemma* iti daga,A mangtungtungpal kadagiti nalinteg a bilinna.*
Sapulenyo ti kinalinteg, sapulenyo ti kinaemma.*
Nalabit* masalaknibankayto iti aldaw ti pungtot ni Jehova.+
4 Ta agbalinto ti Gaza a napanawan a siudad;Ket malangalangto ti Askelon.+
Mapagtalawto ti Asdod iti aldaw,*Ken maparutto ti Ekron.+
5 “Kaasi pay dagiti agnanaed iti igid ti baybay, ti nasion dagiti Kereteo!+
Maibusor kadakayo ti sao ni Jehova.
O Canaan, ti daga dagiti Filisteo, dadaelenkanto,Ket awanto ti agnanaed a matedda.
6 Agbalinto a pagpastoran ti igid ti baybay,Nga addaan kadagiti bubon para kadagiti pastor ken kulongan a bato para kadagiti karnero.
7 Agpaayto dayta a lugar dagidiay nabatbati iti sangakabbalayan ti Juda;+Mangandanto sadiay.
Agiddadanto iti rabii kadagiti balay ti Askelon.
Ta kaasianto* ida ni Jehova a Diosda,Ket isublinanto dagiti naipanaw kadakuada.”+
8 “Nangngegko ti panangumsi ti Moab+ ken ti pananginsulto dagiti Ammonita,+A pinanglaisda iti ilik ken impampannakkelda maibusor iti teritoriada.+
9 Gapuna, ikarik,” kuna ni Jehova a panguluen dagiti armada, ti sibibiag a Dios ti Israel,“Agbalinto ti Moab a kas iti Sodoma,+Ken dagiti Ammonita a kas iti Gomorra,+Maysa a lugar dagiti siitan a mula, abut ti asin, ken permanente a langalang.+
Samsamanto ida dagiti nabatbati iti ilik,Ken pagtalawento ida dagiti natedda iti nasionko.
10 Daytoyto ti adda kadakuada imbes a ti pagpampannakkelda,+Ta linaisda ti ili ni Jehova a panguluen dagiti armada ken intan-okda ti bagida.
11 Agbalinto ni Jehova a nakaam-amak* maibusor kadakuada;Ta pukawennanto* ti amin a dios ditoy daga,Ket agruknoyto* kenkuana ti amin nga isla dagiti nasion,+Tunggal maysa manipud iti lugarna.
12 Dakayo nga Etiope, papatayennakayto met ti espadak.+
13 Usarento ti Dios ti pannakabalinna* iti amianan ket dadaelenna ti Asiria,Ket dadaelennanto ti Nineve,+ kas iti namaga a desierto.
14 Makikaiddanto kenkuana dagiti animal, amin a kita ti atap nga animal.*
Agaponto iti pannakaulo dagiti adigina ti pelikano ken porkupino.
Addanto timek nga agkanta iti tawa.
Madadaelto ti pagserkan ti ruangan;Ta iparangnanto dagiti diding a sedro.
15 Daytoy ti natangsit a siudad nga awan pakaseknanna,A mangibagbaga iti pusona, ‘Siak daydiay, ket awanen ti sabali.’
Anian ta nagbalin a pagbutbutngan,Lugar a pagiddaan dagiti atap nga animal!
Agsagawisiwto ti tunggal lumabas kenkuana ken ingatona ti gemgemna.”+
