Sofonias 1:1-18
1 Ti mensahe ni Jehova ken ni Sofonias* nga anak ni Cusi nga anak ni Gedalias nga anak ni Amarias nga anak ni Ezekias idi kaaldawan ni Josias+ nga anak ni Amon+ nga ari ti Juda:
2 “Ibusekto ti amin nga adda iti rabaw ti daga,” kuna ni Jehova.+
3 “Ibusekto ti tao ken animal.
Ibusekto dagiti billit iti langit ken ikan iti baybay,+Ken dagiti pakaitibkolan*+ agraman dagiti dakes;Ket ikkatekto ti tattao iti rabaw ti daga,” kuna ni Jehova.
4 “Usarekto ti pannakabalinko* maibusor iti JudaKen iti amin nga agnanaed iti JerusalemKet ibusekto iti daytoy a lugar ti aniaman a nabatbati ken* Baal,+Ti nagan dagiti papadi ti ulbod a dios agraman ti dadduma pay a papadi,+
5 Ken dagidiay adda iti atep nga agruknoy iti armada ti langit,+Ken dagidiay agruknoy ken agsapata nga agmatalekda ken Jehova+Bayat nga isapsapatada nga agmatalekda ken Malcam;+
6 Ken dagidiay saanen a mangsurot ken Jehova+Ken dagidiay saan a mangsapul ken Jehova wenno agsaludsod maipapan kenkuana.”+
7 Agulimekkayo iti sanguanan ti Kangatuan* nga Apo Jehova, ta asidegen ti aldaw ni Jehova.+
Nangisagana ni Jehova iti maidaton; pinagbalinna a nasantuan dagidiay inawisna.
8 “Iti aldaw a panagidaton ni Jehova, dusaekto dagiti prinsipe,Ti annak ti ari,+ ken amin a nakasuot iti bado ti ganggannaet.
9 Dusaekto ti amin nga umuli iti plataporma* iti dayta nga aldaw,Dagidiay mangpunno iti balay ti apoda iti kinaranggas ken panangallilaw.
10 Iti dayta nga aldaw,” kuna ni Jehova,“Addanto ikkis iti Ruangan ti Ikan,+Panagdung-aw iti Maikadua a Distrito ti siudad,+Ken napigsa a pannakarpuog kadagiti turod.
11 Agdung-awkayo, dakayo nga agnanaed iti Maktes,*Ta awanen* ti amin nga agtagtagilako;*Nadadaelen ti amin nga agtimtimbang iti pirak.
12 Iti dayta a tiempo, agusarakto kadagiti lampara a mangsukimat a naimbag iti Jerusalem,Ket dusaekto dagidiay di maseknan,* a mangibagbaga iti pusoda,‘Saanto nga agaramid ni Jehova iti naimbag, ken saanto nga agaramid iti dakes.’+
13 Maalanto ti kinabaknangda ken madadaelto dagiti balayda.+
Agibangondanto kadagiti balay, ngem saandanto nga agnaed kadagita;Agmuladanto kadagiti ubas, ngem saandanto nga uminum iti arak dagita.+
14 Asidegen ti dakkel nga aldaw ni Jehova!+
Asidegen ken nakaparpartak ti iyaayna!*+
Nakabutbuteng ti uni ti aldaw ni Jehova.+
Agikkis sadiay dagiti mannakigubat.+
15 Aldaw dayta ti pungtot,+Aldaw ti rigat ken riribuk,+Aldaw ti bagyo ken pannakalangalang,Aldaw ti kinasipnget ken kinalidem,+Aldaw dagiti ulep ken nakaro a kinasipnget,+
16 Aldaw ti tangguyob ken pukkaw ti gubat,+Maibusor kadagiti napaderan a siudad ken kadagiti nangato a torre iti nagsulian.+
17 Parigatekto dagiti tattao,Ket magnadanto a kasla bulsek,+Ta nagbasolda ken Jehova.+
Maibukbokto ti darada a kas iti tapok,Ken ti lasagda* a kas iti takki.+
18 Saanto a maisalakan ida ti pirak wenno balitokda iti aldaw ti pungtot ni Jehova;+Ta maibusto ti intero a daga gapu iti apuy ti regtana,+Ta ibusennanto ti amin nga agnanaed iti daga, ket nakaam-amakto dayta.”+
Footnotes
^ Kaipapananna, “Nangitalimeng (Nangidulin) ni Jehova.”
^ Nalawag a dagiti banag wenno aramid a mainaig iti idolatria.
^ Lit., “imak.”
^ Wenno “tedtedda ni.”
^ Wenno “Soberano.”
^ Wenno “podium; pagserkan.” Mabalin a ti plataporma ti trono ti ari.
^ Wenno “a komersiante.”
^ Lit., “napagulimeken.”
^ Nalabit ti paset ti Jerusalem nga asideg iti Ruangan ti Ikan.
^ Lit., “dagidiay tumangtangken kadagiti ared-edda,” kas iti tangke ti arak.
^ Wenno “agal-alisto nga umay!”
^ Lit., “bagisda.”
