Esdras 10:1-44

  • Tulag a mangpapanaw iti ganggannaet nga assawa (1-14)

  • Napapanaw ti ganggannaet nga assawa (15-44)

10  Idi agkarkararag ni Esdras+ nga agsangsangit ken nakapakleb nga agipudpudno iti basol iti sanguanan ti balay ti pudno a Dios, inaribungbongan ti adu a lallaki, babbai, ken ubbing. Napalalo ti sangit dagiti umili ti Israel.  Ni Secanias nga anak ni Jehiel+ a nagtaud iti annak ni Elam+ kinunana ken Esdras: “Saankami a nagmatalek iti Diostayo ta nangasawakami* iti ganggannaet a babbai kadagiti umili ti daga.+ Ngem adda pay laeng namnama ti Israel.  Ita, makitulagkami iti Diostayo+ a papanawenmi amin nga assawami ken dagiti annakmi kadakuada, maitunos iti bilin ni Jehova ken dagidiay addaan iti panagraem* iti bilin ti Diostayo.+ Tungpalenmi ti kuna ti Linteg.  Tumakderka ta responsabilidadmo daytoy, ket suportarandaka. Bumilegka ken agtignayka.”  Gapuna, timmakder ni Esdras ket pinagkarina dagiti panguluen a papadi, Levita, ken ti intero nga Israel nga aramidenda ti naibaga,+ ket kasta ti inaramidda.  Kalpasanna, pimmanaw ni Esdras iti sanguanan ti balay ti pudno a Dios ket napan iti siled* ni Jehohanan nga anak ni Eliasib. Nupay napan sadiay, saan a nangan ken imminum iti danum, ta agladladingit gapu iti di kinamatalek dagiti dati a napagtalaw.+  Naipakaammo iti intero a Juda ken Jerusalem nga aguurnong idiay Jerusalem dagiti dati a naipanaw;  ken inkeddeng dagiti prinsipe ken panglakayen nga asinoman a saan a mapan sadiay iti uneg ti tallo nga aldaw, makompiskar* amin a sanikuana ken mapapanaw iti tengnga dagiti dati a napagtalaw.+  Gapuna, iti maika-20 nga aldaw ti maikasiam a bulan, nagtitipon idiay Jerusalem ti amin a lallaki iti Juda ken Benjamin iti uneg ti tallo nga aldaw. Nakatugaw ti amin nga umili iti paraangan ti balay ti pudno a Dios, ket agpigpigergerda gapu iti butengda iti nakaayabanda ken gapu iti napigsa a tudo. 10  Timmakder ni Esdras a padi ket kinunana: “Saankayo a nagmatalek ta nangasawakayo iti ganggannaet a babbai,+ isu a pinakaroyo ti basol ti Israel. 11  Ita, ipudnoyo ti basolyo ken Jehova a Dios dagidi ammayo ket aramidenyo ti pagayatanna. Adaywanyo dagiti umili ti daga ken papanawenyo dagiti ganggannaet nga assawayo.”+ 12  Iti kasta, impukkaw ti naguummong a tattao: “Aramidenmi ti amin nga imbagam. 13  Ngem nagadu idi ti tattao, ken tiempo ti panagtutudo. Narigat ti agtakder iti ruar, ken saan a masolbar daytoy iti maysa wenno dua laeng nga aldaw, ta dakkel unay ti nagbasolanmi. 14  Pangngaasim ta bay-am dagiti prinsipetayo a mangirepresentar kadagiti tattao;+ ken paayabam ti amin a nangasawa iti ganggannaet a babbai, agraman dagiti panglakayen ken ukom iti tunggal siudad, agingga a bumaaw ti nabara a pungtot ti Diostayo gapu iti inaramidmi.” 15  Nupay kasta, kimmontra da Jonatan nga anak ni Asael ken Jazeias nga anak ni Tikva, ket sinuportaran ida dagiti Levita a da Mesulam ken Sabetai.+ 16  Ngem nagtulnog dagiti dati a napagtalaw; ket nagsasarita da Esdras a padi ken dagiti ulo ti pamilia, a nairekord dagiti naganda, iti umuna nga aldaw ti maika-10 a bulan, tapno usigenda daytoy a banag; 17  ket iti umuna nga aldaw ti umuna a bulan, nalpasda a sinukimat ti amin a lallaki a nangasawa iti ganggannaet a babbai. 18  Dagitoy ti annak dagiti papadi a natakuatan a nangasawa iti ganggannaet a babbai:+ iti annak ni Jesua+ nga anak ni Jehozadak ken dagiti kakabsatna, da Maasias, Eliezer, Jarib, ken Gedalias. 19  Ngem inkarida* a papanawenda dagiti assawada, ket gapu ta nakabasolda, mangidaton ti tunggal maysa kadakuada iti kalakian a karnero.+ 20  Iti annak ni Immer,+ da Hanani ken Zebadias; 21  iti annak ni Harim,+ da Maasias, Elias, Semaias, Jehiel, ken Uzias; 22  iti annak ni Pasur,+ da Elioenai, Maasias, Ismael, Netanel, Jozabad, ken Eleasa. 23  Kadagiti Levita, da Jozabad, Simei, Kelaias (naawagan met iti Kelita), Petaias, Juda, ken Eliezer; 24  kadagiti kumakanta, ni Eliasib; kadagiti parabantay iti ruangan, da Salum, Telem, ken Uri. 25  Kadagiti umili ti Israel, iti annak ni Paros,+ da Ramias, Izzias, Malkias, Mijamin, Eleazar, Malkias, ken Benaias; 26  iti annak ni Elam,+ da Matanias, Zacarias, Jehiel,+ Abdi, Jeremot, ken Elias; 27  iti annak ni Zattu,+ da Elioenai, Eliasib, Matanias, Jeremot, Zabad, ken Aziza; 28  iti annak ni Bebai,+ da Jehohanan, Hananias, Zabbai, ken Atlai; 29  iti annak ni Bani, da Mesulam, Maluk, Adaia, Jasub, Sheal, ken Jeremot; 30  iti annak ni Pahat-moab,+ da Adna, Kelal, Benaias, Maasias, Matanias, Bezalel, Binui, ken Manases; 31  iti annak ni Harim,+ da Eliezer, Issias, Malkias,+ Semaias, Shimeon, 32  Benjamin, Maluk, ken Semarias; 33  iti annak ni Hasum,+ da Matenai, Matatta, Zabad, Elifelet, Jeremai, Manases, ken Simei; 34  iti annak ni Bani, da Maadai, Amram, Uel, 35  Benaias, Bedias, Keluhi, 36  Vanias, Meremot, Eliasib, 37  Matanias, Matenai, ken Jaasu; 38  iti annak ni Binui, da Simei, 39  Selemias, Natan, Adaia, 40  Maknadebai, Sasai, Sharai, 41  Azarel, Selemias, Semarias, 42  Salum, Amarias, ken Jose; 43  iti annak ni Nebo, da Jeiel, Matitias, Zabad, Zebina, Jaddai, Joel, ken Benaias. 44  Nangasawa amin dagitoy iti ganggannaet a babbai,+ ngem pinapanawda ida agraman dagiti annakda.+

Footnotes

Wenno “nangyawidkami iti balaymi.”
Lit., “dagidiay agpigerger.”
Wenno “siled a panganan.”
Wenno “maala.”
Lit., “intedda ti imada.”