Isaias 6:1-13
6 Idi tawen a natay ni Ari Ozias,+ siak, nupay kasta, nakitak ni Jehova,+ a situtugaw iti trono+ a nangato ken naitan-ok, ket dagiti gayadan ti kawesna pinunnoda ti templo.+
2 Dagiti serafin agtaktakderda idi iti ngatuenna.+ Tunggal maysa addaan innem a payak. Babaen iti dua tinaginayonna a siaabbong ti rupana,+ ket babaen iti dua tinaginayonna a siaabbong dagiti sakana, ket babaen iti dua isu tumayab.
3 Ket daytoy immawag iti daydiay ket kinunana: “Santo, santo, santo ni Jehova ti buybuyot.+ Ti pakabuklan ti intero a daga isu ti dayagna.”
4 Ket dagiti pagpusiposan+ dagiti arsadanan nangrugida nga agtayegteg gapu iti timek daydiay umaw-awag, ket ti met laeng balay nagin-inut a napno iti asuk.+
5 Ket kinunak: “Asiak pay! Ta arigko ti napagulimek, agsipud ta maysaak a lalaki a narugit dagiti bibigna,+ ken agnanaedak iti tengnga ti maysa nga ili a narugit dagiti bibigna;+ ta dagiti matak nakitada ti mismo nga Ari, ni Jehova ti buybuyot!”+
6 Iti kasta, maysa kadagiti serafin timmayab nga immay kaniak, ket iti imana adda narangrang a beggang+ nga innalana iti altar babaen kadagiti sipit.+
7 Ket sinagidna ti ngiwatko+ ket kinunana: “Adtoy! Nasagid daytoy dagiti bibigmo, ket ti biddutmo pimmanaw ket ti mismo a basolmo naabbongan.”+
8 Ket nangrugi a mangngegko ti timek ni Jehova a kunkunana: “Siasinonto ti ibaonko, ket siasinonto ti mapan a maipaay kadakami?”+ Ket kinunak: “Adtoyak! Ibaonnak.”+
9 Ket kinunana: “Inka, ket masapul a kunaem iti daytoy nga ili, ‘Dumngegkayo a maulit-ulit, O tattao, ngem saanyo a matarusan; ket kumitakayo a maulit-ulit, ngem dikay makagun-od iti aniaman a pannakaammo.’+
10 Pagbalinem a di makaawat ti puso daytoy nga ili,+ ket pagbalinem nga awanan panagtignay dagiti mismo a lapayagda,+ ket pagdekketem dagiti mismo a matada, tapno saanda a makakita kadagiti matada ket babaen kadagiti lapayagda saanda a makangngeg, ken tapno ti bukodda a puso saan a makatarus ken tapno saanda koma nga agsubli ket makagun-odda iti pannakapaimbag maipaay iti bagbagida.”+
11 Gapu itoy kinunak: “Kasano kabayag, O Jehova?”+ Idin kinunana: “Agingga a dagiti siudad pudno a marpuogda a marebrebba, a maawanan iti agnanaed, ket dagiti balay maawanan iti naindagaan a tao, ket ti met laeng daga madadael nga agturong iti panaglangalang;+
12 ket ni Jehova pudno nga ikkatenna nga iyadayo dagiti naindagaan a tattao, ket ti nabaybay-an a kasasaad agbalin a nakalawlawa unay iti tengnga ti daga.+
13 Ket addanto pay laeng iti dayta ti maysa nga apagkapullo,+ ket masapul manen nga agbalin a banag a maipuor, kas iti dakkel a kayo ken kas iti nakarangrangpaya a kayo a, no mapukanda,+ adda maysa a pungdol;+ maysanto a nasantuan a bin-i ti pungdolna.”+
