Isaias 22:1-25
22 Ti pammakdaar ti ginget ti sirmata:+ Ania, ngarud, ti mapaspasamak kenka ta naan-anaykan a nakauli kadagiti atep?+
2 Napnoka kadagiti bellaak, maysa a naariwawa a siudad, maysa a narag-o nga ili.+ Dagidiay napapatay kenka saanda a dagidiay napapatay babaen ti kampilan, wenno uray dagidiay natay iti bakal.+
3 Amin a mismo dagiti diktadormo+ nagtalawda a namimpinsan.+ Naalada a balud a saan a kasapulan ti bai. Amin dagiti tattaom a nasarakan sangsangkamaysa a naalada a balud.+ Nagtalawda iti adayo.
4 Dayta ti makagapu a kinunak: “Iyadayoyo kaniak ti panangmatmatyo. Agsangitakto a sipapait.+ Dikay ipapilit a liwliwaendak gapu iti pannakasamsam ti anak a babai ti ilik.+
5 Ta isu ti aldaw ti pannakariribuk+ ken ti pannakaibaddebaddek+ ken ti pannakatikaw+ nga ipagteng ti Soberano nga Apo, ni Jehova ti buybuyot, iti ginget ti sirmata. Adda ti manangduprak iti pader,+ ken ti ikkis iti bantay.+
6 Ket ti met laeng Elam+ innalana ti taguban, iti pakigubat a karuahe ti naindagaan a tao, nga addaan kadagiti kabalio a pakigubat; ket ti met laeng Kir+ impanayagna ti kalasag.
7 Ket mapasamakto a ti kasayaatan kadagiti nababa a tanapmo mapnonto kadagiti pakigubat a karuahe, ket dagiti mismo a kabalio a pakigubat di bumurong nga agsaaddanto iti ruangan,
8 ket ti maysa ikkatennanto ti tabing ti Juda. Ket iti dayta nga aldaw iturongmonto ti panagkitam iti pagidulinan kadagiti armas+ ti balay iti bakir,+
9 ket sigurado a makitayonto dagiti mismo a giwang ti Siudad ni David, ta pudno nga adudanto.+ Ket ummongenyonto ti dandanum ti makimbaba a ban-aw.+
10 Ket dagiti balay ti Jerusalem pudno a bilangenyonto. Rugpuenyonto met dagiti balay tapno pagbalinenyo ti pader+ a di mabalin a sagpaten.
11 Ket addanto pagurnongan a palanggana a masapul nga aramidenyo iti baet ti dua a pader maipaay iti dandanum ti daan a ban-aw.+ Ket pudno unay a saankayto a kumita iti Naindaklan a Nangaramid iti dayta, ket daydiay nangbukel iti dayta iti nabayagen a tiempo pudno unay a saanyonto a makita.
12 “Ket ti Soberano+ nga Apo, ni Jehova ti buybuyot, umayabto iti dayta nga aldaw iti panagsangit+ ken iti panagleddaang ken iti panagkalbo ken iti panagibarikes iti tinakpil.+
13 Ngem, adtoy! panagragsak ken panagrag-o, ti panangpatay iti bakbaka ken ti panangparti iti karkarnero, ti pannangan iti lasag ken ti panaginum iti arak,+ ‘Adda koma pannangan ken panagiinum, ta inton bigat mataytayonto.’”+
14 Ket kadagiti lapayagko impanayag ni Jehova ti buybuyot ti bagina:+ “‘Daytoy a biddut saanto a maabbongan+ maigapu kadakayo agingga a mataykayo,’+ kinuna ti Soberano nga Apo, ni Jehova ti buybuyot.”
15 Daytoy ti kinuna ti Soberano nga Apo, ni Jehova ti buybuyot: “Mapanka, sumrekka a mapan iti daytoy a mayordomo, ken ni Sebna,+ nga agaywan iti balay,+
16 ‘Ania ti karbengam ditoy, ket iti siasino nga addaanka iti karbengan ditoy, ta inkutkotam ta bagim ditoy iti lugar a pagitabonan?’+ Iti nangato kutkutkotenna ti lugar a pagitabonanna; iti napasdok a bato itagtagaanna ti bagina iti pagtaengan.
17 ‘Adtoy! Ni Jehova ipalladawnaka iti nadawel a panangipalladaw, O nabaneg a lalaki, ket sipupuersa a petpetannaka.
18 Di bumurong a bungonennakanto a siiirut, kas iti bola a maipaay iti nalawa a daga. Sadiay a mataykanto, ken sadiay a dagiti karuahe ti dayagmo isudanto ti pakaibabainan ti balay ni apom.
19 Ket pagtalawenkanto iti saadmo; ket manipud iti opisial a sasaadem addanto maysa a mangrebba kenka.+
20 “‘Ket mapasamakto iti dayta nga aldaw nga awagakto ti adipenko,+ awan sabali, ni Eliakim+ nga anak ni Hilkias.+
21 Ket isu kawesakto iti nagayad a pagan-anaymo, ket ti sintasmo ibarikeskonto a sititibker kenkuana,+ ket ti pagturayam itedkonto iti imana; ket agbalinto nga ama iti agnanaed iti Jerusalem ken iti balay ti Juda.+
22 Ket ikabilkonto iti rabaw ti abagana ti tulbek+ ti balay ni David, ket luktannanto a saan nga irikep ti asinoman, ket irikepnanto a saan nga ilukat ti asinoman.+
23 Ket isu ipalokkonto a kas iti pasok+ iti agpaut a disso, ket isu agbalinto a kas trono ti dayag iti balay ni amana.+
24 Ket ibitindanto kenkuana ti isuamin a dayag ti balay ni amana, dagiti putot ken dagiti kaputotan, dagiti amin a basehas a babassit, dagiti basehas a malukong kasta met dagiti amin a basehas a dadakkel a karamba.
25 “‘Iti dayta nga aldaw,’ kuna ni Jehova ti buybuyot, ‘ti pasok+ a naipalok iti agpaut a disso maikkatto,+ ket masapul a matikapan ken marba, ket ti awit nga adda iti rabawna masapul a magessat, ta ni met laeng Jehova sinaona dayta.’”+
