Isaias 20:1-6
20 Idi tawen nga immay ni Tartan+ idiay Asdod,+ idi isu imbaon ni Sargon nga ari ti Asiria,+ ket nakigubat iti Asdod ket kinautibona dayta;+
2 iti dayta a tiempo nagsao ni Jehova babaen iti ima ni Isaias nga anak ni Amoz,+ a kunkunana: “Mapanka,+ ket masapul a palukayam ti tinakpil manipud kadagiti padingpadingmo;+ ket rebbeng nga uksotem dagiti pallokam kadagita sakam.”+ Ket inaramidna ti kasta, nga agpagnapagna a lamolamo ken sakasaka.+
3 Ket kinuna ni Jehova: “No kasano a ni adipenko nga Isaias nagpagnapagna a lamolamo ken sakasaka iti tallo a tawen kas maysa a pagilasinan+ ken maysa a tanda maibusor iti Egipto+ ken maibusor iti Etiopia,+
4 kastanto a ti ari ti Asiria iturongna ti bagi dagiti kautibo ti Egipto+ ken dagiti destiero ti Etiopia, ubbing a lallaki ken lallakay, lamolamo ken sakasaka, ken silalabus dagiti patongda, ti kinalamolamo ti Egipto.+
5 Ket sigurado nga agkullayawdanto ken ibainda ti Etiopia a pangin-inanamaanda+ ken ti Egipto a pintasda.+
6 Ket ti agnanaed iti daytoy nga igid ti baybay siguradonto a kunaenna iti dayta nga aldaw, ‘Kasdiay ti nangin-inanamaantayo, a nagkamangantayo maipaay iti tulong, tapno maispaltayo gapu iti ari ti Asiria!+ Ket kasano ti panagtalawtayto?’”
