Genesis 36:1-43
36 Ket daytoy ti pakasaritaan ni Esau, kayatna a sawen, ni Edom.+
2 Innala ni Esau dagiti assawana manipud iti annak a babbai ti Canaan:+ Ni Ada+ nga anak ni Elon a Heteo+ ken ni Oholibama+ nga anak ni Anah, ti apoko a babai ni Zibeon a Heveo,
3 ken ni Basemat,+ anak ni Ismael, ti kabsat a babai ni Nebayot.+
4 Ket ni Ada impasngayna ken Esau ni Elifaz, ket ni Basemat impasngayna ni Reuel,
5 ket ni Oholibama impasngayna ni Jeus ken ni Jalam ken ni Kore.+
Dagitoy ti annak ni Esau a nayanak kenkuana iti daga ti Canaan.
6 Kalpasan dayta innala ni Esau dagiti assawana ken ti annakna a lallaki ken ti annakna a babbai ken amin dagiti kararua iti balayna ken ti pangenna ken amin a dadduma nga animalna ken isuamin a kinabaknangna,+ a naurnongna iti daga ti Canaan, ket napan iti maysa a daga nga adayo ken Jacob a kabsatna,+
7 agsipud ta immadu unayen dagiti sanikuada tapno makapagnaedda pay a sangsangkamaysa ket ti daga a pagnanaedanda kas ganggannaet saanna a kabaelan a sustentuan ida gapu kadagiti pangenda.+
8 Gapuna nagnaed ni Esau iti nakabambantay a rehion ti Seir.+ Ni Esau isu ti Edom.+
9 Ket daytoy ti pakasaritaan ni Esau nga ama ti Edom iti nakabambantay a rehion ti Seir.+
10 Dagitoy ti nagnagan ti annak ni Esau: Ni Elifaz nga anak ni Ada, asawa ni Esau; ni Reuel nga anak ni Basemat, asawa ni Esau.+
11 Ket ti annak ni Elifaz isu idi da Teman,+ Omar, Zefo ken Gatam ken Quenaz.+
12 Ket ni Timna+ nagbalin a kamalala ni Elifaz, anak ni Esau. Idi agangay impasngayna ken Elifaz ni Amalek.+ Dagitoy ti annak ni Ada, asawa ni Esau.
13 Dagitoy ti annak ni Reuel: Da Nahat ken Zera, da Sammah ken Mizza.+ Dagitoy idi ti annak ni Basemat,+ asawa ni Esau.
14 Ket dagitoy idi ti annak ni Oholibama nga anak a babai ni Anah, ti apoko a babai ni Zibeon, asawa ni Esau, ta impasngayna ken Esau da Jeus ken Jalam ken Kore.+
15 Dagitoy dagiti shik+ iti annak ni Esau: Ti annak ni Elifaz, inauna ni Esau: Da shik Teman,+ shik Omar, shik Zefo, shik Quenaz,
16 shik Kore, shik Gatam, shik Amalek. Dagitoy dagiti shik ni Elifaz+ idiay daga ti Edom. Dagitoy ti annak babaen ken Ada.
17 Dagitoy ti annak ni Reuel, anak ni Esau: Da shik Nahat, shik Zera, shik Sammah, shik Mizza. Dagitoy dagiti shik ni Reuel idiay daga ti Edom.+ Dagitoy ti annak babaen ken Basemat, asawa ni Esau.
18 Kamaudiananna dagitoy ti annak ni Oholibama, asawa ni Esau: Da shik Jeus, shik Jalam, shik Kore. Dagitoy dagiti shik ni Oholibama nga anak a babai ni Anah, asawa ni Esau.
19 Dagitoy ti annak ni Esau, ket dagitoy dagiti shikda. Isu ti Edom.+
20 Dagitoy ti annak ni Seir a Horeo, dagiti agnanaed iti daga:+ Da Lotan ken Sobal ken Zibeon ken Anah+
21 ken Dison ken Ezer ken Disan.+ Dagitoy dagiti shik ti Horeo, ti annak ni Seir, idiay daga ti Edom.
22 Ket ti annak ni Lotan isu idi da Hori ken Hemam; ket ti kabsat a babai ni Lotan isu ni Timna.+
23 Ket dagitoy ti annak ni Sobal: Da Alvan ken Manahat ken Ebal, da Sefo ken Onam.
24 Ket dagitoy ti annak ni Zibeon: Da Aya ken Anah. Daytoy ti Anah a nakasarak kadagiti napudot nga ubbog idiay let-ang bayat nga ay-aywananna idi dagiti asno maipaay ken Zibeon nga amana.+
25 Ket dagitoy ti annak ni Anah: Da Dison ken Oholibama nga anak a babai ni Anah.
26 Ket dagitoy ti annak ni Dison: Da Hemdan ken Esban ken Itran ken Keran.+
27 Dagitoy ti annak ni Ezer: Da Bilhan ken Zaavan ken Akan.
28 Dagitoy ti annak ni Disan: Da Uz ken Aran.+
29 Dagitoy dagiti shik ti Horeo: Da shik Lotan, shik Sobal, shik Zibeon, shik Anah,
30 shik Dison, shik Ezer, shik Disan.+ Dagitoy dagiti shik ti Horeo sigun kadagiti shikda idiay daga ti Seir.
31 Ita dagitoy ti ar-ari a nagturay iti daga ti Edom+ sakbay a ti asinoman nga ari nagturay iti annak ti Israel.+
32 Ket ni Bela nga anak ni Beor nagturay idiay Edom,+ ket ti nagan ti siudadna Dinhaba.
33 Idi natay ni Bela, ni Jobab nga anak ni Zera manipud Bozra+ nangrugi nga agturay imbes nga isu.+
34 Idi natay ni Jobab, ni Husam manipud daga dagiti Temanita+ nangrugi nga agturay imbes nga isu.+
35 Idi natay ni Husam, ni Hadad nga anak ni Bedad, a nangparukma kadagiti Midianita+ idiay tay-ak ti Moab,+ nangrugi nga agturay imbes nga isu, ket ti nagan ti siudadna Avit.+
36 Idi natay ni Hadad, ni Samla manipud Masreca nangrugi nga agturay imbes nga isu.+
37 Idi natay ni Samla, ni Shaul manipud Rehobot iti denna ti Karayan nangrugi nga agturay imbes nga isu.+
38 Idi natay ni Shaul, ni Baal-hanan nga anak ni Acbor nangrugi nga agturay imbes nga isu.+
39 Idi natay ni Baal-hanan nga anak ni Acbor, ni Hadar nangrugi nga agturay imbes nga isu; ket ti nagan ti siudadna Pau, ket ti nagan ti asawana Mehetabel nga anak a babai ni Matred nga anak a babai ni Mezahab.+
40 Gapuna dagitoy ti nagnagan dagiti shik ni Esau sigun iti pampamiliada, sigun kadagiti dissoda, babaen ti nagnaganda: Da shik Timna, shik Alva, shik Jetet,+
41 shik Oholibama, shik Elah, shik Pinon,+
42 shik Quenaz, shik Teman, shik Mibzar,+
43 shik Magdiel, shik Iram. Dagitoy dagiti shik ti Edom+ sigun kadagiti pagnanaedanda iti daga a sanikuada.+ Daytoy isu ni Esau nga ama ti Edom.+
