1 Samuel 10:1-27
10 Idin innala ni Samuel ti gorgorita+ ti lana ket imparukpokna iti ulona ket isu inagkanna+ ket kinunana: “Saan aya a gapu ta pinulotannaka ni Jehova kas panguluen+ iti tawidna?+
2 Iti ipapanawmo kaniak ita nga aldaw sigurado a makasarakkanto iti dua a lallaki iti asideg ti tanem ni Raquel+ iti teritoria ti Benjamin idiay Zelza, ket sigurado a kunaendanto kenka, ‘Dagiti asna a napanmo sinapul nasarakanen, ngem ita binaybay-an ni amam ti maipapan kadagiti asna+ ket naringgoran maipapan kadakayo, a kunkunana: “Anianto ti aramidek maipapan iti anakko?”’+
3 Ket masapul a mapanka manipud sadiay iti ad-adayo pay ket dumtengka agingga iti dakkel a kayo ti Tabor, ket sadiay addanto sumabet kenka a tallo a lallaki a sumangsang-at nga agturong iti pudno a Dios idiay Bethel,+ ti maysa siaawit iti tallo nga urbon a kalding+ ket ti maysa siaawit iti tallo a nagbukel a tinapay+ ket ti maysa siaawit iti dakkel a karamba nga arak.+
4 Ket sigurado nga imtuodendanto ti maipapan iti kasasaadmo+ ket ikkandaka iti dua a tinapay, ket masapul nga awatem dagita iti imada.
5 Iti kalpasan dayta a sika dumtengkanto iti turod ti pudno a Dios,+ a sadiay adda garison+ dagiti Filisteo. Ket rebbeng a maaramid nga iti tiempo nga iyaaymo sadiay iti siudad, sigurado a makasabetkanto iti bunggoy dagiti mammadto+ a sumalsalog manipud nangato a disso,+ ket adda iti masanguananda ti pagtokar nga adda kuerdasna+ ken pandereta+ ken plauta+ ken arpa,+ bayat nga agsasaoda a kas mammadto.
6 Ket ti espiritu+ ni Jehova sigurado nga agtignayto kenka, ket sigurado nga agsaokanto a kas mammadto+ a kaduam ida ket mapagbalinka a sabali a lalaki.
7 Ket mapasamakto nga inton umay kenka dagitoy a pagilasinan,+ aramidem maipaay iti bagim no ania ti masarakan ta imam a mabalin nga aramiden,+ agsipud ta adda kenka ti pudno a Dios.+
8 Ket sumalogkanto iti masanguanak agingga idiay Gilgal;+ ket, adtoy! sumalogak agingga kenka tapno mangidaton kadagiti mapuoran a sakripisio, tapno mangidatag kadagiti pakikaykaysa+ a sakripisio. Pito+ nga aldaw nga agtultuloyka nga aguray agingga iti iyaayko kenka, ket sigurado nga ipakaammokto kenka no ania ti rebbeng nga aramidem.”
9 Ket napasamak nga apaman nga intallikudna ti abagana tapno panawannan ni Samuel, rinugian ti Dios a baliwan ti pusona iti sabali;+ ket amin dagitoy a pagilasinan+ pimmudnoda iti dayta nga aldaw.
10 Gapuna napanda manipud sadiay nga agturong iti turod, ket adtoy adda bunggoy dagiti mammadto a sumabet kenkuana; madagdagus a nagtignay kenkuana ti espiritu ti Dios,+ ket nangrugi nga agsao a kas mammadto+ iti tengngada.
11 Ket naaramid nga idi isu nakita amin dagidiay sigud a makaam-ammo kenkuana, adtoy! nagipadto a kaduana dagiti mammadto. Iti kasta dagiti umili kinunada iti maysa ken maysa: “Ania daytoy a napasamak iti anak ni Kis? Adda met kadi ni Saul iti tengnga dagiti mammadto?”+
12 Idin ti maysa a lalaki manipud sadiay simmungbat ket kinunana: “Ngem siasino ti amada?” Dayta ti makagapu a nagbalin a pagkukuna a proverbio:+ “Adda met kadi ni Saul iti tengnga dagiti mammadto?”
13 Idi agangay isu nalpas a nagsao a kas mammadto ket dimteng iti nangato a disso.
14 Kalpasanna ti kabsat ti ama ni Saul kinunana kenkuana ken iti katulonganna: “Sadino ti napananyo?” Kalpasan dayta kinunana: “Sinapulmi dagiti asna,+ ket intultuloymi a napan kinita, ngem awanda sadiay. Gapuna dimtengkami ken Samuel.”
15 Gapu itoy kinuna ti uliteg ni Saul: “Ibagam kaniak, pangngaasim, Ania ti kinuna kadakayo ni Samuel?”
16 Kalpasanna kinuna ni Saul iti ulitegna: “Di nagbiddut ti panangibagana kadakami a nasarakanen dagiti asna.” Ket ti maipanggep iti kinaari a nakisawan ni Samuel, saanna nga imbaga kenkuana.+
17 Ket ni Samuel inayabanna dagiti umili nga agsangsangkamaysa ken Jehova idiay Mizpa+
18 ket kinunana iti annak ti Israel: “Daytoy ti kinuna ni Jehova a Dios ti Israel,+ ‘Siak ti nangaon iti Israel manipud Egipto ken nangispal kadakayo iti ima ti Egipto+ ken iti ima dagiti amin a pagarian a nangirurrurumen kadakayo.+
19 Ngem dakayo—ita nga aldaw linaksidyo ti Diosyo+ a manangisalakan idi kadakayo manipud iti amin a rigrigatyo ken tutuokyo, ket kinunayo: “Saan, no di ket maysa nga ari ti rebbeng nga isaadmo kadakami.” Ket ita agtakderkayo iti sango ni Jehova sigun kadagiti tribuyo+ ken sigun iti rinibuyo.’”
20 Iti kasta pinaasideg ni Samuel dagiti amin a tribu ti Israel,+ ket napili ti tribu ni Benjamin.+
21 Kalpasanna pinaasidegna ti tribu ni Benjamin sigun iti pampamiliana, ket napili ti pamilia dagiti Matrita.+ Kamaudiananna napili ni Saul nga anak ni Kis.+ Ket sinapsapulda, ket saan idi a masarakan.
22 Ngarud nagimtuodda+ nga ad-adda pay ken Jehova: “Immay kadin ditoy ti lalaki?” Iti daytoy kinuna ni Jehova: “Adda ditoy, nakalemmeng+ kadagiti gargaret.”
23 Gapuna napanda a nagtaray ket innalada manipud sadiay. Idi nagtakder iti tengnga dagiti umili, nataytayag ngem iti amin a sabsabali nga umili manipud kadagiti abagana nga agpangato.+
24 Idin kinuna ni Samuel iti isuamin nga umili: “Nakitayo kadi daydiay pinili ni Jehova,+ nga awan ti kas kenkuana iti amin nga umili?” Ket rinugian ti isuamin nga umili ti agpukkaw ken agkuna: “Agbiag koma ti ari!”+
25 Kalpasan dayta nagsao ni Samuel kadagiti umili maipapan iti nainkalintegan a karbengan ti kinaari+ ket insuratna iti maysa a libro ket inkabilna iti sango ni Jehova. Kalpasanna pinagawid ni Samuel dagiti amin nga umili, tunggal maysa iti balayna.
26 No maipapan ken Saul a mismo, napan iti pagtaenganna idiay Gabaa,+ ket dagiti maingel a lallaki a ti pusoda sinagid ti Dios kimmuyogda kenkuana.+
27 No maipapan kadagiti awan kaes-eskanna a lallaki,+ kinunada: “Kasanonto ti panangisalakan daytoy kadatayo?”+ Iti kasta inumsida,+ ket saanda a nangyeg kenkuana iti aniaman a sagut.+ Ngem isu nagtalinaed a kasla maysa a napagumel.+
