Yobo 16:1-22
16 E lyo Yobo ayaswike no kutila:
2 “Ni kale natampa ukumfwa ifya musango yu.Bonse fye muli bakasansamusha ba kukalifya!+
3 Bushe aya mashiwi ya fye yakabala ayapwa?+Nelyo bushe cinshi calenga ukuti wasuke?
4 Na ine kuti nalanda ifilanda abantu.Amulacula nga fino,Bushe ine kuti nasosa kuli imwe ifyo imwe mulesosa kuli ine,+No kupukunya umutwe wandi pali imwe?+
5 Ine kuti namukosha ku mashiwi ya mu kanwa kandi,+Ne cisansamushi ca ku milomo yandi kuti camukoselesha—.
6 Nangu nga nasosa, ukukalipwa kwandi takwafumepo,+Kabili nga nshisosele, bushe ubucushi bwandi bwalacepako?
7 Lelo nomba Lesa anenga ukunaka;+Naonaula ulukuta lwandi lonse.
8 Kabili mwamfyambata no kumfyambata. Caba ubunte bwa kunshinina,+Ica kuti ukondoloka kwandi kwanjimina. Kwanshinina pa menso yandi.
9 Ubukali bwakwe nabuntaakanya, kabili aba no bulwani+ kuli ine.Ansumanisha ameno incecete.+Umulwani wandi alantumbwila amenso.+
10 Banjasamwina utunwa twabo,+Bang’uma kwi saya ukuti bansebanye,Banonganina.+
11 Lesa ampeela kuli bakalume,Na mu minwe ya babifi e mo amfuntwila.+
12 Naleikala umutelelwe, lelo ena alinsunkenye;+Kabili ankamine pa mukoshi no kumfunaula,Kabili anjimika pa kuti alelasa pali ine.
13 Aba mata+ bakwe banshinguluka;Apusha mu mfyo+ shandi no kung’umfwila uluse nakalya;Apoosa ne ndusha yandi pa nshi.
14 Andasaula umubili onse;Abutukila pali ine nge mpalume.+
15 Nabilile insamu*+ pa nkanda yandi,No lusengo lwandi nashimpa mwi loba.+
16 Icinso candi cakashikila ku kulila,+Na pa nkopyo shandi pali icinshingwa icafiita fititi,+
17 Nangu ca kutila mu minwe yandi tamwaba ubunkalwe,Ne pepo lyandi lyalisanguluka.+
18 We sonde nobe, wishiika umulopa wandi!+Kabili wileka inkuuta yandi isange apa kwikala!
19 Kabili moneni nomba, mu muulu e mwaba kambone wandi,Kabili inte yandi yaba mu muulu.+
20 Abanandi abafwile ukunandilako bwino e banjalukila;+Kuli Lesa e ko amenso yandi yalolesha ukwabula ukulaala.+
21 Kabili kufwile kwaba ukulubulula pa kati ka muntu na Lesa,Filya ciba pa kati ka mwana wa muntu no munankwe.+
22 Pantu kwashala fye imyaka inono,Kabili nkatola inshila ya kuya uko nshakabwele.+
Amafutunoti
^ Abantu balefwala “insamu” nga balelosha nelyo nga bali no bulanda.
