Yobo 19:1-29
19 E lyo Yobo ayaswike no kutila:
2 “Mukankalifya umutima+ ukufika lilaliNo kumfwanta ku mashiwi yenu?+
3 Iyi miku ikumi (10) mulenkalipila fye;Tamuli ne nsoni ifi mulencusha.+
4 Kabili, ine nga cine cine nalilufyanya,+Ninshi nine nkaba ne cilubo.
5 Nga cine cine muleikusha pali ine,+No kushinina ukuti ukuseebana kwandi kuli fye bwino,+
6 Kanshi ninshi ishibeni ukuti Lesa e wandufya,Kabili e wampombanya mwi sumbu lyakwe.+
7 Moneni! Mbilikisha nati, ‘Lufyengo fye ulu!’ lelo tapali uwa kunjasuka;+Ndailishanya, lelo umulinganya taumoneka.+
8 Mu nshila yandi acilikamo ilinga,+ pa kuti niipita;Na mu misebo yandi abikamo imfifi.+
9 Amfuula ubukata,+No kumpoka icisote ca bucindami ku mutwe.
10 Amongolola monse monse, na ine naya;Kabili anukula isubilo lyandi ngo muti.
11 Ubukali bwakwe na bo bwanjimina,+Kabili antunga ukuba umulwani wakwe.
12 Baishila capamo abashilika bakwe kabili bapekanya inshila shabo no kunjishila,+Kabili bakuula ne nkambi ukushinguluka itenti lyandi.
13 Atalusha bamunyinane kuli ine,+Na banjishiba bampondokela.
14 Abanandi bandekelesha,+Na bo twaishibana na bo bandaba,
15 Abatandala mu ng’anda+ yandi; na bakanakashi bandi bamona fye kwati ndi mweni;Naba umbi umbi fye mu menso yabo.
16 Njita umubomfi wandi, na o tanjasuka.Namupapaata ku kanwa kandi ukuti ang’umfwile uluse.
17 Umupu wandi wapatwa ku mukashi wandi,+Kabili nanunka piipi ku bana baume aba mwi fumo lya kwa mayo.
18 Bakalume na bo bansuula;+Nga nati njime, awe balanjebaula.
19 Abo twangala na bo bonse bamona fye bunani bunani,+Kabili abo natemenwe banjalukila.+
20 Amafupa yandi yalambatila ku nkanda yandi na ku munofu wandi,+Kabili napusuka fye kwempe.*
21 Munangulukile, munangulukile, mwe banandi,+Pantu ukuboko kwa kwa Lesa kwankumya.+
22 Cinshi ico mulencushisha kwati ni Lesa,+Bushe tamutendelwe ukulanda pa mubili wandi?
23 Iye, kanshi ifyo ndelanda nga balifilembele!Kanshi nga bafilembele mwi buuku!
24 Kanshi nga bafilembele na kalembelo ka cela+ na ku mutofwe,Nga bafilembele mu cilibwe pa kuti fiikalilile pe!
25 Lelo ine naishiba ukuti uwa kundubula+ ali no mweo,Kabili akema+ ku ntanshi ukufuma mu lukungu.
26 Kabili ilyo bafunda inkanda yandi,—iyi!Te mulandu no kupwa umubili wandi, nkamona Lesa,
27 E o ine nkaimwena,+Kabili e o amenso yandi yakamona, te umbi umbi iyo.Imfyo shandi shanaka mu nda ku kufuluka.
28 Pantu mutila, ‘Cinshi tulemucushisha?’+Ilyo icishinte ca mulandu nacisangwa muli ine.
29 Tiineni pa mulandu wa lupanga,+Pantu ulupanga lwabelako ukukanda ababifya,Pa kuti mwishibe ukuti kwaliba kapingula.”+
Amafutunoti
^ Mu ciHebere paba ati, “napuswike fye ne nkanda ya ku meno yandi.”
