Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Yobo 10:1-22

10  “Ine nimpata icibi umweo wandi.+Ndepuuka mu bukali pa masakamika yandi.Ndesosa mu kucululuka kwa mweo wandi!   Ndetila kuli Lesa, ‘Mwitila ndi mubifi.Nengeni ukwishiba ico mulelwila na ine.   Bushe cisuma kuli imwe ukucita ububi,+No kusuule cacitwa ku minwe yenu,+Pa kwangila ukupanda amano kwa babifi?   Bushe mwakwata amenso+ ya buntunse,Nelyo bushe ifyo umuntunse umwina kufwa amona e fyo mumona?+   Bushe inshiku shenu shaba nge nshiku sha muntunse umwina kufwa,+Nelyo bushe imyaka yenu yaba nge nshiku sha muntu,   Apo mwesha ukusanga ifilubo fyandiNo kufwaya ukusanga ulubembu lwandi?+   Ilyo mwalishiba no kuti nshabifya nangu cimo,+Kabili tapali uwa kumpokolola mu minwe yenu?+   Iminwe yenu e yanenga no kumuumba,+Lelo kabili mulefwaya muumine.   Shi ibukisheni ukuti mwamumbile kwi loba+Kabili ku lukungu e ko mukambwesesha.+ 10  Bushe tamwanjitulwile ngo mukakaNo kuntikamika ngo mukaka uwatikama?+ 11  Mwamfwikile inkanda no munofuKabili mwalimpikwile na mafupa ne mishipa.+ 12  Ubumi mwalimpeele ne cikuuku mwalinangile;+Kabili ukusakamana+ kwenu kwalisunga umutima wandi. 13  Kabili mwalifisa ifi fintu mu mutima wenu.Ninjishiba bwino ukuti ifi fintu e fyaba ku mukoshi wenu. 14  Nga nalibembuka e lyo na imwe mulendolesha fye+No kukanamona uwa kaele ku filubo fyandi;+ 15  Nga nalilufyanya ninshi cabipa kuli ine!+Kabili nga ndi uwalungama, te kuti njinune umutwe,+Pantu naliseebana kabili ndacula.+ 16  Pantu ngo mutwe wandi waitutumuna,+ mukanunga ngo musepela wa nkalamo,+Kabili mukabwekeshapo ukucita ifya kupapa pali ine. 17  Mukaleta bakambone benu abapya pali ine,Kabili mukafusha icipyu cenu pali ine;Amacushi ayengi yali pali ine. 18  Nga cinshi ico mwamfumiishe mwi fumo?+Nga e mo nalekeele umweo, na menso nga tayamwene, 19  Mulya nga nali ngo ushabako;Nga nafumine mu nda no kupitilila ukuya ku nshiishi.’ 20  Bushe inshiku shandi te shinono?+ Lekeni afumepo,Aleke ukundolekesha, no kuleka nsansamuke+ panono 21  Ilyo nshilaya uko nshakabwele+Ku calo ca mfifi kabili ukwafiita fititi,+ 22  Ku calo ca mfifi nge mfifi iikalamba, iyafiita fititiKabili icalo ca cimfulumfulu, ukushaba ulubuuto nangu panono.”

Amafutunoti