Yobo 6:1-30

6  E lyo Yobo ayaswike, no kutila:   “Iye kanshi ukukalipwa+ kwandi konse nga kwapimwa,Kabili ubucushi bwandi nga bwabikwa pa fya kupiminako ukufina!   Pantu nomba nabufina ukucila umucanga wa pali bemba.E mulandu wine ndesosela icisosesose.+   Pantu imifwi ya Wa Maka Yonse ili muli ine,+Ubusungu bwa iko umupashi wandi ulenwa;+Ifya kutiinya fya kwa Lesa nafimbelamina.+   Bushe colwa+ kuti alila nga amona umulemfwe,Napamo ing’ombe bushe kuti yalila pa fya kulya fya iko?   Bushe ifya kulya kuti fyaliiwa umwabula umucele,Nelyo bushe amenshi ya mu mumbu wa mu mpanga kuti yaba no mulyo?   Umutima wandi taulefwaya ifi fyonse.Fili nge fya kulya ifyabola.   Iye kanshi nga bampeela ico nalombaKabili Lesa nga ampeela ico ndesubila!   Kanshi Lesa nga akonkanyapo fye no kunshonaula,Nga afungulula ukuboko kwakwe no kumpwishishisha!+ 10  Na co cine kuti cansansamusha;Kabili kuti nacilauka+ pa kucula kwandi,Nangu ca kutila te kuti ambelele uluse, nshafisa ifyebo+ fya Wa Mushilo nangu fimo.+ 11  Bushe ndi na maka ya kulalolela fye?+Nga impela yandi ili shani, pa kuti ndetantalisha fye umweo wandi? 12  Bushe amaka yandi kuti yaba nga ya mabwe?Nelyo bushe umubili wandi wa mukuba? 13  Bushe ni pa kuti takwaba ukwafwa muli ine,Kabili bushe ni co nshibomba bwino? 14  Onse uushiba ne cikuuku ku mubiye,+Kuti aleka no kutiina Uwa Maka Yonse.+ 15  Bamunyinane babepa+ nga kamana mainsa,Kwati mimana mainsa iikama mu lusuba. 16  Yafiita pa mulandu wa menshi makaasa,Muli yena e mo amenshi makaasa yabelama. 17  Inshita nga yafika ilakama,+ yaleka no kupooma;Ilyo kwakaba, umo ipita mulakama.+ 18  Inshila sha iko shapaasuka;Yanina yaya umwapabuka no kuloba. 19  Abalendo ba ku Tema+ balolesha,Ibumba lya balendo ba ku Sebea+ lyabalolela. 20  Baumfwa insoni pantu balicetekele;Bapalama no kukanasanga ico bacilaenekela.+ 21  Pantu nomba imwe tamuli kantu kuli ine;+Mwamona ica kutiinya, no kututuma mwatutuma.+ 22  Bushe ni co nalombele nati, ‘Mpeeleniko fimo,Napamo ukuti ku maka yenu mpeeleleniko ubupe; 23  Kabili bushe nalilombele ukuti mumpusushe mu minwe ya mulwani,+Nakalimo ukuti mundubule mu minwe ya ba lucu’?+ 24  Nsambilisheni, na ine nalaikala tondolo;+Kabili nengeni ukumona icilubo ico nacita.+ 25  Ifyebo fya bulungami fyalilowa nga nshi!+Lelo bushe imwe ukukalipila kwenu kwa nshi?+ 26  Bushe amapange yenu ya kulengulula ifyo ndesosa,Ilyo amashiwi ya wapelelwa+ yaba fye ngo mwela?+ 27  Bushe kufika lilali mukalapendwila pa nshiwa,+No kukaabula umunenu mu bukwebo?+ 28  E ico nomba konkanyenipo, ndolesheni,No kumona nga nkabepa ubufi+ pa menso yenu. 29  Shi tontonkanyenipo na kabili—lekeni ukulufyanya—Awe tontonkanyenipo na kabili—ubulungami bwandi bucilipo.+ 30  Bushe muleti ndelanda ifishalungama,Nelyo bushe muleti teti njishibe ubucushi nga nabumona?

Amafutunoti