Yobo 39:1-30
39 “Bushe walishiba inshita ilyo ifibushi mabwe fifyala abana?+Bushe watala autamba uko insebula shilecululuka+ pa kupaapa?
2 Bushe watala aupenda imyeshi iyo shiba ne fumo,Nelyo bushe walishiba inshita iyo shifyalilapo?
3 Shilenama pa kupaapa,Ilyo shilefumya icileshilenga ukukalipwa.
4 Balalelema abana ba shiko, bakulila mu mpanga;Balaya no kukanabwelela kuli banyinabo.
5 Nani alekele colwa+ aye mu mpanga umuntungwa,Kabili nani akakwile ifikakilo fya mpunda ya mpanga,
6 Iyo napangiile iciswebebe ukuti e ng’anda ya ikoNe calo ca mucele e bwikalo bwa iko?+
7 Iseka fye pa kumfwa cinkupiti wa mu musumba;Icongo ca ulebendelela+ taicumfwa.
8 Ilengula impili ku kumona umulemfwe,+Kabili ifwayafwaya umusango onse uwa fimenwa ifiteku.+
9 Bushe imboo kuti yasumina ukukubombela,+Nelyo bushe kuti yaikala ubushiku bonse ku mulimba obe?
10 Bushe kuti wakakila imboo ku mwando no kuliminako,Nelyo bushe kuti yakukonka ilekubila+ umushili?
11 Bushe kuti waicetekela pantu fye yalikwatisha amaka,Kabili bushe kuti waishiila ifyo waculila?
12 Bushe kuti waicetekela ukuti ikakulobolwela imbuto shobeNo kukulonganikila ingano uko ushipumina?
13 Bushe ipindo lya kwa mwakatala lilapampaila bwino,Nelyo bushe akwata amapindo na masako ifya kwa kabaso?+
14 Pantu asha amani yakwe pa nshiNo kuyashiika mu mushili pa kuti yabe ne cikabilila,
15 Kabili alalaba ukuti ulukasa kuti lwayatobaNelyo inama ya mpanga kuti yanyantaulapo.
16 Munkalwe ku bana bakwe, kwati te bakwe+—Ukucucutika kwakwe kwa fye pantu taba na mwenso.
17 Pantu Lesa amutanine amano,Kabili tamwakenyeko umucetekanya.+
18 Ilyo apampaila amapindo yakwe,Aseka kabalwe no waninapo.
19 Bushe kuti wapeela kabalwe amaka?+Bushe kuti wamufwika amasense pa mukoshi?
20 Bushe kuti wamulenga ukucilauka nga makanta?Ukulila kwakwe uko alila cilumba cilumba kwa kutiinya.+
21 Apalaula+ mu mpanga yabatama no kusaminwa amaka;Afuma aya ku kukumanya ifyanso.+
22 Aseka umwenso, no kututuma nakalya;+Kabili tashintuka ku lupanga.
23 Akamufuko ka mifwi kakolonkontela pali ena,Ne cilimi ce fumo na kafumo.
24 Mu kupontauka na mu kubalamuka apwa impanga,Kabili tasumina ukuti ico aleumfwa kulila kwa ntandala.
25 Ilyo fye intandala yalila atila Eya!Kabili anunsha ubulwi ukutali,Anunsha ukululuma kwa bakalamba ba bashilika no kuwelesha kwa bashilika.+
26 Bushe mucetekanya obe ulenga pungwa ukulela,No kutambikila amapindo yakwe ku mwela wa ku kapinda ka ku kulyo?
27 Nelyo bushe ni we weba kapumpe+ ukupupukila mu muuluNo kupikila icisansala cakwe apasansuka,+
28 Ukuti aleikala pa cilibwe icasumbuka no kulinda ubushiku bonsePa kantongolilo ka cilibwe casumbuka apayafya ukufika?
29 Palya e po afwaila ifya kulya;+Amenso yakwe yalolesha ukufika apatali.
30 Utwana twakwe tufipilila umulopa;Kabili ukuli ifitumbi, e ko aya.”+
