በእምነታቸው ምክንያት የታሰሩ የይሖዋ ምሥክሮች እስከ ግንቦት 2024

የዓለም አቀፍ የሲቪልና የፖለቲካ መብቶች ስምምነት አንቀጽ 18 እንደሚገልጸው “የሐሳብ፣ የሕሊና እና የሃይማኖት ነፃነት” መሠረታዊ የሆነ ሰብዓዊ መብት ነው። a ይሁንና በአንዳንድ አገራት የሚኖሩ የይሖዋ ምሥክሮች ይህን መሠረታዊ መብት የተነፈጉ ሲሆን ኢፍትሐዊ በሆነ መንገድ ታስረዋል፤ ይባስ ብሎም አንዳንድ የይሖዋ ምሥክሮች የጭካኔ ድርጊት ተፈጽሞባቸዋል። አብዛኞቹ የይሖዋ ምሥክሮች የታሰሩት አምልኳቸውን በማካሄዳቸው ምክንያት ብቻ ነው። ሌሎቹ ደግሞ የታሰሩት በሕሊናቸው ምክንያት ወታደራዊ አገልግሎት ለመስጠት ፈቃደኛ ባለመሆናቸው ነው።