የካቲት 5, 2024
ሩሲያ

“መንገድህን ለይሖዋ አደራ ስጥ”

አጫውት

በኩርጋን ክልል የሚገኘው የሻድሪንስኪ አውራጃ ፍርድ ቤት፣ በወንድም አሌክሳንደር ሉቢን ክስ ላይ በቅርቡ ውሳኔ ያሳልፋል ተብሎ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

አሌክሳንደር ሉቢን

ትውልድ፦ 1956 (ኦጎኔክ፣ ኩርጋን ክልል)

ግለ ታሪክ፦ ጡረታ ከመውጣቱ በፊት በአንድ የኃይል ማመንጫ ፋብሪካ ውስጥ መሐንዲስ ሆኖ ይሠራ ነበር

ነሐሴ 2001 ታትያናን አገባ። ሁለት ልጆች አሏቸው

ታትያና ከይሖዋ ምሥክሮች ጋር ማጥናት ጀመረች። ከጊዜ በኋላ ግን ስትሮክ ስላጋጠማት አሌክሳንደር መጽሐፍ ቅዱስ ያነብላት ጀመር። ይህም ስለ መጽሐፍ ቅዱስ የማወቅ ፍላጎት አሳደረበት። አሌክሳንደር፣ ታትያና እና ሁለቱ ልጆቻቸው በ2003 ተጠመቁ

አሌክሳንደር ከባድ ደረጃ ላይ የደረሰ የአርትራይተስ ሕመም አለበት። በሽታው የዳሌው መገጣጠሚያ ላይ ጉዳት ስላደረሰበት የሚንቀሳቀሰው በምርኩዝ ነው። ከዚህም በተጨማሪ የሰውነት ክፍሎቹ ላይ ጉዳት የሚያስከትል ከባድ የጤና እክል እንዳለበት ተነግሮታል

የሰጠው ሐሳብ

በማረፊያ ቤት እያለህ ያጋጠሙህን ተስፋ የሚያስቆርጡ ሁኔታዎች እንድትቋቋም የረዳህ ምንድን ነው?

ማረፊያ ቤት የነበረኝ ቆይታ በጣም ከባድ ነበር። ለአርትራይተስ ሕመሜ ምንም ዓይነት የማስታገሻ መድኃኒት እንዲገባልኝ አልተፈቀደልኝም። መጀመሪያ ላይ ወደ ይሖዋ የምጸልየው በቶሎ እንድለቀቅ ነበር። በኋላ ግን ታጋሽ እንድሆንና ልቤ እንዲረጋጋ መጸለይ ጀመርኩ። በእስር ላይ ላሉ ሌሎች ወንድሞችና እህቶችም እጸልይ ነበር። ያጋጠመኝ ችግር ጊዜያዊ መሆኑን ለራሴ እነግረው ነበር። ይሖዋ በሰጠኝ በረከቶች ላይም ማተኮር ጀመርኩ። እንዲህ ማድረጌ ደስተኛ ሆኜ እንድቀጥል ረድቶኛል። በመጨረሻም ከእስር ተለቀቅኩ። መዝሙር 37:5 ላይ የሚገኘው “መንገድህን ለይሖዋ አደራ ስጥ፤ በእሱ ታመን፤ እሱም ለአንተ ሲል እርምጃ ይወስዳል” የሚለው ሐሳብ አበረታቶኛል። ይሖዋ ከአቅማችን በላይ እንድንፈተን እንደማይፈቅድ እርግጠኛ ሆኛለሁ። በማንኛውም ሁኔታ ውስጥ ብንሆን በእሱ ሙሉ በሙሉ እስከተማመንን ድረስ መውጫ መንገዱን ያዘጋጅልናል።

ምንም ዓይነት አስጨናቂ ሁኔታ ቢገጥመን የይሖዋ ድጋፍ እስካለን ድረስ እኛም እንደ አሌክሳንደር በታማኝነት መጽናት እንደምንችል ሙሉ እምነት አለን።—ኢሳይያስ 38:14

የክሱ ሂደት

ሐምሌ 13, 2021

የወንጀል ክስ ተመሠረተበት
ሐምሌ 14, 2021

የስምንት የይሖዋ ምሥክሮች ቤቶች ተፈተሹ። አሌክሳንደር በቁጥጥር ሥር ውሎ ምርመራ ተደረገበት፤ ከዚያም ጣቢያ እንዲቆይ ተደረገ
ሐምሌ 16, 2021

ወደ ማረፊያ ቤት ተላከ
ሐምሌ 19, 2021

ባለበት ከባድ የጤና እክል ምክንያት አቤቱታ አቀረበ
ነሐሴ 28, 2021

በአውሮፓ የሰብዓዊ መብቶች ፍርድ ቤት እና በአንዳንድ የሰብዓዊ መብት ተሟጋቾች ጥያቄ አሌክሳንደር ተፈታ። ሆኖም የጉዞ ገደብ ተጣለበት
ሐምሌ 14, 2023

ክሱ በፍርድ ቤት መታየት ጀመረ
መስከረም 7, 2023

አሌክሳንደር ሐኪም ቤት በመተኛቱ ምክንያት የችሎት ቀጠሮው ለሌላ ጊዜ ተላለፈ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች