“Ek het my kop hoog gehou”

SPEEL

Op 15 Oktober 2025 het die Wiselkofski-distrikshof van die Krasnodar-gebied suster Jelena Roemiantsewa skuldig bevind en haar ’n opgeskorte tronkvonnis van twee jaar gegee. Sy hoef nie op hierdie stadium tronk toe te gaan nie.

Profiel

Jelena Roemiantsewa

Gebore: 1972 (Otradnaja, Krasnodar-gebied)

Gedoop: 2006

Agtergrond: Werk as ’n naaldwerkster. Trou met Michail in 2000. Hy is in 2019 oorlede. Hulle enigste dogter, suster Wasilina Penskaja, is in Julie 2025 skuldig bevind en dien ook ’n opgeskorte tronkvonnis van twee jaar uit

Aangekla van: Dat sy die Bybel met ander bespreek en aan die godsdiensvergaderinge van Jehovah se Getuies deelneem

Vonnis: Opgeskorte tronkvonnis van twee jaar

Persoonlike kommentare

Wat help jou om jou angstigheid te beheer?

Oor die laaste paar jaar het ek ’n hele paar groot uitdagings deurgemaak. My ma het ’n beroerte gehad en sy is nog steeds besig om daarvan te herstel. Toe is my man skielik oorlede. En minder as twee jaar later is my pa oorlede. Daar is natuurlik tye wanneer ek angstig voel. Wanneer dit gebeur, dink ek aan die woorde in Psalm 27:1, waar Dawid gesê het: “Jehovah is my lig en my redding. Vir wie moet ek bang wees? Jehovah is die vesting van my lewe. Wie moet ek vrees?” Hierdie woorde is so kragtig. Ek onthou toe die aanklaer gedurende ’n verhoor die aanklagtes teen my gelees het. My liggaam het gebewe en ek het gebid. Op daardie oomblik het ek onbeskryflike vrede gevoel. Ek het my kop hoog gehou, en terwyl ek na die aanklaer gekyk het, het ek gedink: ‘Het hy enige idee wie aan my kant is?’ Jehovah het my nooit alleen gelaat nie, nie eers vir een oomblik nie. Hy is soos ’n liefdevolle vader, en ek is baie dankbaar daarvoor.

Ons is oortuig dat Jehovah sal aanhou om ons broers en susters wat vervolg word die ondersteuning en krag te gee wat hulle nodig het om “tot die einde toe [te] volhard”. – Matteus 24:13.

Sien ook

WÊRELDNUUS

Jehovah se Getuies in die tronk weens hulle geloof – Volgens land

Plekke waar Jehovah se Getuies in die tronk is, soms onder wrede toestande, omdat hulle hulle godsdiens beoefen en basiese menseregte uitoefen.

NUUSBERIGTE