Exodo 3:1-22

  • Mose e te tumu raau haehaa taratara ura (1-12)

  • Faataaraa Iehova i to ˈna iˈoa (13-15)

  • Horoaraa Iehova i te faaueraa ia Mose (16-22)

3  Riro maira Mose ei tiai i te nǎnǎ mamoe a to ˈna metua hoovai o Ietero,+ te tahuˈa no Midiana. A aratai ai oia i te nǎnǎ mamoe i te pae tooa o te râ o te medebara, tae atura oia i te mouˈa o te Atua mau, i Horeba.+  Fa maira te melahi a Iehova ia ˈna i roto i te auahi i ropu i te hoê raau taratara.+ A hiˈo noa ˈi Mose, ite ihora oia e te ura ra te raau taratara, aita râ te raau taratara e pau ra i te auahi.  Na ô ihora ïa Mose: “E tapiri au e hiˈo i teie ohipa maere no te ite no te aha te raau taratara e ore ai e paapaa i te auahi.”  I to Iehova iteraa mai e te tapiri atu ra Mose e hiˈo, pii maira te Atua ia ˈna na roto mai i te raau taratara: “Mose! Mose!” Parau atura oia: “Teie au.”  Na ô maira oia: “Eiaha e tapiri roa mai. A tatara i to tiaa i to oe avae, e vahi moˈa hoi te vahi ta oe e tia nei.”  Na ô faahou maira oia: “O vau te Atua o to mau tupuna,* te Atua o Aberahama,+ te Atua o Isaaka+ e te Atua o Iakoba.”+ Huna ihora Mose i to ˈna hohoˈa mata, no te mea te mǎtaˈu ra oia i te hiˈo i te Atua mau.  Na ô atoa maira Iehova: “Ua ite iho â vau i te ahoaho o to ˈu nunaa i Aiphiti, e ua faaroo vau i ta ratou auê no te feia e faahepo ra ia ratou ia rave i te ohipa. Ua ite maitai au e te mauiui ra ratou.+  E pou vau e faaora ia ratou i te rima o to Aiphiti,+ a haapauma ˈtu ai ia ratou na taua fenua ra i te hoê fenua maitai e te ateatea, te hoê fenua e tahe noa te û e te meri,+ te tuhaa fenua o te ati Kanaana, te ati Heta, te ati Amori, te ati Perizi, te ati Hevi e te ati Iebusi.+  Inaha, ua tae roa mai te auê o te nunaa o Iseraela ia ˈu nei, e ua ite atoa vau i te ino o te haavîraa a to Aiphiti ia ratou.+ 10  I teie nei, e tono vau ia oe ia Pharao, e e aratai oe i to ˈu nunaa te ati Iseraela i rapae ia Aiphiti.”+ 11  Tera râ, parau atura Mose i te Atua mau: “O vai hoi au e haere ai au ia Pharao, a aratai atu ai i te ati Iseraela i rapae ia Aiphiti?” 12  Na ô maira oia: “Ei pihai iho vau ia oe,+ e teie te tapao e papu ai ia oe e na ˈu i tono ia oe: Ua oti anaˈe ia oe i te aratai i te nunaa i rapae ia Aiphiti, e tavini outou i te Atua mau i nia i teie mouˈa.”+ 13  Tera râ, parau atura Mose i te Atua mau: “E ia haere au i te ati Iseraela e ia parau atu vau: ‘Ua tono mai te Atua o to outou mau tupuna ia ˈu ia outou nei,’ a na ô mai ai ratou: ‘O vai to ˈna iˈoa?’+ Eaha ïa ta ˈu e parau atu?” 14  Na ô maira ïa te Atua ia Mose: “E riro vau i ta ˈu e maiti i te* riro.”*+ E na ô faahou maira oia: “Teie ta oe e parau i te ati Iseraela: ‘Na E riro vau i tono mai ia ˈu ia outou nei.’”+ 15  Na ô faahou maira te Atua ia Mose: “Teie ta oe e parau i te ati Iseraela: ‘Na Iehova te Atua o to outou mau tupuna, te Atua o Aberahama,+ te Atua o Isaaka+ e te Atua o Iakoba+ i tono mai ia ˈu ia outou nei.’ O to ˈu ïa iˈoa e a muri noa ˈtu,+ e mai teie au ia haamanaˈohia i tera e tera uˈi. 16  I teie nei a haere, a haaputuputu i te mau matahiapo o Iseraela e a parau atu: ‘Ua fa mai Iehova te Atua o to outou mau tupuna ia ˈu, te Atua o Aberahama, o Isaaka e o Iakoba, e ua parau mai oia: “Ua haapao mai iho â vau i to outou tupuraa+ e tei ravehia ra i nia ia outou i Aiphiti. 17  No reira vau e parau ai: E faaora vau ia outou i te ahoaho+ i te rima o to Aiphiti, a aratai atu ai ia outou i te fenua o te ati Kanaana, te ati Heta, te ati Amori,+ te ati Perizi, te ati Hevi e te ati Iebusi,+ te hoê fenua e tahe noa te û e te meri.”’+ 18  “E faaroo mai iho â ratou i to reo,+ a haere atu ai outou, oe e te mau matahiapo o Iseraela, i te arii o Aiphiti, e ia parau outou ia ˈna: ‘Ua paraparau mai Iehova te Atua o te mau Hebera+ ia matou. No reira, a tuu na ia matou ia haere i to matou tere e toru mahana i te medebara, a nehenehe atu ai matou e pûpû i te tusia ia Iehova to matou Atua.’+ 19  Ua ite maitai râ vau e ore te arii o Aiphiti e tuu ia outou aita anaˈe e rima puai e faahepo ia ˈna.+ 20  No reira e toro vau i to ˈu rima a tairi atu ai ia Aiphiti i ta ˈu mau ohipa maere mau atoa e rave i reira, e i muri iho e tuu ai oia ia outou.+ 21  E e rave au e ia hamani maitai to Aiphiti i to ˈu nunaa, e ia haere outou, e ore outou e haere aita e faufaa i roto i te rima.+ 22  Ia ani te vahine tataitahi i to ˈna taata tapiri e i te vahine e noho ra i ǒ ˈna i te taoˈa ario e auro e te ahu atoa, e ia tuu outou i te reira i nia i ta outou mau tamaiti e ta outou mau tamahine. E e rave outou i te mau taoˈa a to Aiphiti.”+

Nota i raro i te api

Heb: “to metua.”
Aore ra “hinaaro e.”
Hiˈo i te tuhaa hau A4.