Yesu yɔɔ tɔm kɩbandʋ
Kpɛlɩkɩ tɔm sakɩyɛ Ɛsɔ pɩyalʋ Yesu Krɩstʋ weyi ɛkɛ ɛyaa ñʋʋ yaɖʋ yɔ ɛ-yɔɔ videowaa kɩbama panɛ pa-taa.
Yesu yɔɔ tɔm kɩbandʋ tɛ videowaa hɔɔlɩŋ sɔsɔŋ taa lɩmaɣza sɔsɔna
Yesu yɔɔ tɔm kɩbandʋ tɛ videowaa hɔɔlɩŋ sɔsɔŋ ɩnɛ, ɩsɩɣnɩ-ŋ se ŋna mbʋ pɩlaba nɛ pama pɩ-tɔm Evaŋgilimwaa taa yɔ ña-lɩmaɣza taa.
HƆƆLƲƲ SƆSƆƲ 1
Ɛjaɖɛ ñalɩmɩyɛ toovenim ñɩnɖɛ
Yosɛɛfʋ nɛ Maarɩɩ paahiɣ waɖɛ nɛ pɔcɔnɩ Yesu yɔɔ nɛ ɛpaɣlɩ; Yesu taawɛɛ ɛzɩ piya lɛɛsɩ yɔ.
HƆƆLƲƲ SƆSƆƲ 2
«Ɛnɛ yɔ ɛkɛnɩ man-Pɩyalʋ»
Yohanɛɛsɩ Lɩm Mɩyɩsɩyʋ susi Mesiya kʋmtʋ tɔm. Yesu paɣzɩ ɛ-tɔm susuu tʋmɩyɛ.
Hɔɔlʋʋ sɔsɔʋ 3: «Ɛnʋ lɛ ma»
Yesu heyi Niikoodɛm, Samaarii halʋ nɔɔyʋ, nɛ Nazarɛɛtɩ tɛtʋ taa samaɣ se ɛnʋ kɛnɩ Mesiya, ɛlɛ pa-taa laŋa kɩbana tɩnaa pazɩ yem tisini ɛ-yɔɔ. Ɛlabɩ maamaaci lakasɩ nasɩyɩ nɛ pɩtɛ lɛ, ɛyaa kpakpasɩ kpayaa nabɛyɛ se patɩŋ ɛ-wayɩ; paakɛ mba pɛwɛnɩ tɩ luzuu yɔ.
Hɔɔlʋʋ sɔsɔʋ 4: «Pʋyɔɔ mɔnkɔma»
Yesu wɩlaa se ɛwɛnɩ ɖoŋ se ɛwaa ɛyaa nɛ ɛɖɔɔnɩ aleewaa. Ɛlɛ nabɛyɛ kaɖɩnɩ-ɩ nɛ pala nɔɔ se pakʋ-ɩ. Yesu labɩ tʋma wena awɩlɩɣ se ɛnaɣ ɛyaa pʋtɔdɩyɛ siŋŋ yɔ, nɛ ɛwɩlaa ɖɔɖɔ se ɛkɛ tɔm wɩlɩyʋ sɔsɔ; piyeba nɛ ɛla tɔmkpɛlɩkɩyaa nɛ ɛlɩzɩ apostoloowaa 12.
Hɔɔlʋʋ sɔsɔʋ 5: «Pɩɖɩɣzɩ ɛyaa samaɣ pɩŋŋ nɛ ɛzɩma ɛwɩlɩ tɔm yɔ»
Yesu wa ɛyaɣ samaɣ sɔsɔɔ nakɛyɛ nɛ pɩtɛ lɛ, ɛpaɣzɩ-kɛ wɩlʋʋ tɔm; nɛ ɛzɩma ɛwɩlɩ-kɛ tɔm yɔ, wiɖiyi ka-wɩlɩyaa taa nɔɔyʋ tɩwɩlɩ-kɛ tɔm mbʋ. Ɛwɩlɩ tɔm ɛzɩ weyi ɛwɛnɩ ɖoŋ yɔ, ɛlabɩnɩ tʋmɩyɛ kɩɖaŋ, nɛ ɛtasɩ-kɛ ɖɔɖɔ lɔŋ weyi ɩwazɩɣ-kɛ ke-wezuu caɣʋ taa paa evemiye nɖɩ yɔ; pɩtɩŋa payɩ mbʋ yɔ piyeba nɛ pɩɖɩɣzɩ-kɛ pɩŋŋ nɛ ɛzɩma ɛwɩlɩ tɔm yɔ.
Hɔɔlʋʋ sɔsɔʋ 6: «Ñɛkɛnɩ Weyi ɛkaɣ kɔm yɔ?»
Yesu wɩlaa se ɛwɛnɩ ɖoŋ se efezi sɩɖaa. Maamaaci lakasɩ nzɩ ɛlaba yɔ, nɛ ɛzɩma ɛwɩlɩ tɔm nɛ lɛɣtʋ yɔ, pikuli lɩmaɣza wena mba pewelisaɣni-ɩ yɔ paawɛna yɔ a-yɔɔ. Yesu tɩŋnɩ aduwa yɔɔ nɛ ɛyɔɔdɩ Kewiyaɣ wɛtʋ ndɩ ndɩ tɔm.
Yesu yɔɔ tɔm kɩbandʋ—Mbʋ pɩ-tɔm videowaa mba pɔyɔɔdʋʋ yɔ
Cɔnɩ video ŋgʋ kɩwɩlɩɣ mbʋ pɩ-tɔm pɔyɔɔdɩ Yesu yɔɔ tɔm kɩbandʋ tɛ videowaa taa yɔ nɛ pɩsɩnɩ-ŋ nɛ ŋnɩɩ Evaŋgilimwaa taa nɛ pɩkɩlɩ.
