Esdra 8:1-36
8 Dawn huma l-kapijiet tal-familji min-naħa tal-missier li kienu rreġistrati familja familja u li telgħu miegħi minn Babilonja matul it-tmexxija tar-Re Artaserse:
2 Gersom mill-familja taʼ Fineħas; Danjel mill-familja taʼ Itamar; Ħattus mill-familja taʼ David;
3 Żakkarija mill-familja taʼ Sekanija li kien mill-familja taʼ Pargħos u kien hemm irreġistrati 150 raġel miegħu;
4 Eligħeħo-għenaj bin Żeraħija mill-familja taʼ Paħat-mowab, u 200 raġel miegħu;
5 Sekanija bin Ġaħażijel mill-familja taʼ Żattu, u 300 raġel miegħu;
6 Għebed bin Ġonatan mill-familja t’Għadin, u 50 raġel miegħu;
7 Ġesagħija bin Għatalija mill-familja t’Għelam, u 70 raġel miegħu;
8 Żebadija bin Mikiel mill-familja taʼ Sefatija, u 80 raġel miegħu;
9 Għobadija bin Ġeħijel mill-familja taʼ Ġowab, u 218-il raġel miegħu;
10 Selomit bin Ġosifija mill-familja taʼ Bani, u 160 raġel miegħu;
11 Żakkarija bin Bebaj mill-familja taʼ Bebaj, u 28 raġel miegħu;
12 Ġoħanan bin Ħakkatan mill-familja t’Għażgad, u 110 irġiel miegħu;
13 Elifelet, Ġegħijel, u Semajja, l-aħħar tlieta li marru lura mill-familja t’Adonikam, u 60 raġel magħhom;
14 u Utaj u Żabbud mill-familja taʼ Bigwaj, u 70 raġel magħhom.
15 Jien ġbarthom ħdejn ix-xmara li tagħti lejn Aħawa u kkampjajna hemmhekk tlett ijiem. Imma meta mort nara min kien hemm mill-poplu u l-qassisin, ma sibt lil ħadd mil-Leviti.
16 Għalhekk bgħatt għall-kapijiet Eligħeżer, Arjel, Semajja, Elnatan, Ġarib, Elnatan, Natan, Żakkarija, u Mesullam, u għall-għalliema Ġojarib u Elnatan.
17 Imbagħad tajthom kmand dwar Iddo, il-kap tal-post li jismu Kasifja. Jien għedtilhom jgħidu lil Iddo u lil ħutu, li kienu mill-familja tal-qaddejja tat-tempju,* biex iġibulna qaddejja għad-dar tal-Alla tagħna.
18 Peress li l-Alla tagħna kien magħna, ġabulna lil Serebija, raġel għaqli mill-familja taʼ Maħli. In-nannu taʼ Maħli kien Levi bin Iżrael. Maʼ Serebija kien hemm it-tfal tiegħu u ħutu, 18 b’kollox.
19 Ġabulna wkoll lil Ħasabija, u lil Ġesagħija mill-familja taʼ Merari, ħutu, u t-tfal tagħhom, 20 b’kollox.
20 U kien hemm 220 qaddej tat-tempju* mniżżlin fir-reġistru, li David u l-kapijiet kienu għażlu biex jgħinu lil-Leviti.
21 Imbagħad għedtilhom biex insumu ħdejn ix-Xmara Aħawa, biex numiljaw ruħna quddiem l-Alla tagħna, u biex nitolbuh jiggwidana fil-vjaġġ u jipproteġi lilna, lit-tfal tagħna, u kulma għandna.
22 Jien stħajt nitlob lir-re biex jibgħat magħna suldati u rikkieba taż-żwiemel ħalli jipproteġuna mill-għadu matul il-vjaġġ, għax konna għednielu: “L-Alla tagħna qiegħed maʼ dawk kollha li jfittxuh, imma jirrabja u jiħodha kontra dawk kollha li jitilquh.”
23 Għalhekk somna u tlabna lill-Alla tagħna biex jiggwidana, u hu semaʼ t-talb bil-ħniena tagħna.
24 Jien għażilt 12 mill-kapijiet tal-qassisin, jiġifieri lil Serebija, Ħasabija, u għaxart irġiel mill-familja tagħhom.
25 Imbagħad wiżint quddiemhom il-fidda, id-deheb, u l-għodod li ngħataw bħala kontribuzzjoni għad-dar tal-Alla tagħna mingħand ir-re, dawk li jagħtuh il-pariri, l-uffiċjali tiegħu, u l-Iżraelin kollha li kienu hemm.
26 Wara dan tajthomlhom, u kien hemm 650 talent* fidda, 100 għodda tal-fidda li jiswew żewġ talenti, 100 talent deheb,
27 20 skutella żgħira tad-deheb li jiswew 1,000 darik,* u żewġ għodod taʼ ram mill-aqwa u jleqq, jiswew daqs id-deheb.
28 Imbagħad għedtilhom: “Intom qaddisin għal Ġeħova, u l-għodod huma qaddisin, u l-fidda u d-deheb huma offerta volontarja għal Ġeħova l-Alla taʼ missirijietkom.
29 Ħudu ħsiebhom sew sakemm tiżnuhom fis-swali tal-ikel tad-dar taʼ Ġeħova quddiem il-kapijiet tal-qassisin u tal-Leviti u l-kapijiet taʼ dar il-missirijiet t’Iżrael f’Ġerusalemm.”
30 U l-qassisin u l-Leviti ġabru l-fidda, id-deheb, u l-għodod li ntiżnu biex jiħduhom Ġerusalemm fid-dar tal-Alla tagħna.
31 Fl-aħħar, tlaqna minn ħdejn ix-Xmara Aħawa fit-12 tal-ewwel xahar biex immorru Ġerusalemm. L-Alla tagħna kien magħna u pproteġiena mill-għadu u mill-ħallelin.
32 Għalhekk, wasalna Ġerusalemm u striħajna tlett ijiem.
33 Fir-rabaʼ jum, wiżinna l-fidda, id-deheb, u l-għodod fid-dar tal-Alla tagħna u tajniehom lil Meremot bin Urijah il-qassis. Miegħu kien hemm Elegħażar bin Fineħas u l-Leviti Ġożabad bin Ġeswa u Nogħadija bin Binnuwi.
34 Aħna għoddejna u wiżinna kollox, u l-piż ġie mniżżel bil-miktub.
35 Dawk li ħarġu mill-jasar offrew is-sagrifiċċji tal-ħruq lill-Alla t’Iżrael, 12-il barri għal Iżrael kollu, 96 muntun, 77 ħaruf, u 12-il bodbod bħala offerta għad-dnub. Dan kollu kien offerta tal-ħruq lil Ġeħova.
36 Imbagħad, tajna l-liġijiet tar-re lis-satrapi* tar-re u lill-gvernaturi fir-reġjun tan-naħa l-oħra tax-Xmara,* u dawn għenu lill-poplu u lid-dar tal-Alla l-veru.
Noti taʼ taħt
^ Jew “tan-Netinin.” Letteralment “dawk li ngħataw,” jiġifieri biex jaqdu lil Alla.
^ Jew “min-Netinin.” Letteralment “dawk li ngħataw,” jiġifieri biex jaqdu lil Alla.
^ Titlu li jfisser “nies li jipproteġu s-saltna.” Hawn jirreferi għal gvernaturi tal-artijiet, jew provinċji, fl-Imperu Persjan.
^ Dan jirreferi għat-territorju fil-Punent tal-Ewfrat.
