Ġoel 3:1-21
3 “Għax f’dak iż-żmien,Meta jien inġib lura l-ilsiera taʼ Ġuda u taʼ Ġerusalemm,
2 Jien se niġbor ukoll il-popli kollhaU nniżżilhom fil-Wied* taʼ Ġeħosafat.*
Jien se niġġudikahom hemmhekkMinħabba l-poplu tiegħi u l-wirt tiegħi, Iżrael,Għax huma xerrduhom fost il-popli,U qassmu l-art tiegħi bejniethom.
3 Huma jitfgħu x-xorti għall-poplu tiegħi;Huma kienu jpartu tifel maʼ prostitutaU jbigħu tifla biex jixorbu l-inbid.
4 Għala qed tagħmlu hekk, x’għandkom kontrija,Tir u Sidon, u r-reġjuni kollha tal-Filistja?
Qegħdin tpattuhieli għal xi ħaġa?
Jekk qed tagħmlu hekk,Malajr u b’ħeffa, jien se npattihielkom bl-istess mod.
5 Dan minħabba li intom ħadtu l-fidda u d-deheb tiegħi,U ħadtu fit-tempji tagħkom l-iktar teżori sbieħ li kelli;
6 U lin-nies taʼ Ġuda u Ġerusalemm begħtuhom lill-Griegi,Biex titfgħuhom ’il bogħod mit-territorju tagħhom;
7 Jien se nagħmel ċert li n-nies tiegħi jitilqu mill-post fejn kienu mibjugħin,U se npattihielkom bl-istess mod.
8 Jien se nagħti* t-tfal subien u bniet tagħkom f’idejn il-poplu taʼ Ġuda,U huma se jagħtuhom* lin-nies taʼ Xeba, lil poplu ’l bogħod;Għax jien stess, Ġeħova, qed ngħid dan.
9 Għidu dan fost il-popli:
‘Ippreparaw għall-gwerra! Għidu lill-irġiel b’saħħithom biex jinġabru!
Ħa jmorru s-suldati kollha u jattakkaw!
10 Biddlu s-sikek tal-moħriet tagħkom fi xwabel, u l-imqassijiet taż-żabra tagħkom f’lanez.
Dak li hu dgħajjef ħa jgħid: “Jien b’saħħti.”
11 Intom il-popli kollha tal-madwar, ejjew u għinu! Inġabru flimkien!’”
Ġeħova, f’dak il-post ġib l-irġiel b’saħħithom* tiegħek.
12 “Il-popli ħa jiġu mġiegħla jitilqu u jitilgħu lejn il-Wied* taʼ Ġeħosafat,Għax hemm se npoġġi biex niġġudika lill-popli tal-madwar kollha.
13 Aqbdu l-minġel, għax żmien il-ħsad wasal.
Inżlu, għax il-post fejn jintgħasar l-għeneb hu mimli.
It-tramunġani qed ifuru, għax il-popli qed jagħmlu ħafna ħażen.
14 Hemm folol taʼ nies fil-wied* tal-ġudizzju,Għax il-jum li jien, Ġeħova, se niġġudika lin-nies fil-wied, hu qrib.
15 Ix-xemx u l-qamar se jiddallmu,U l-istilel mhux se jibqgħu jiddu.
16 U jien, Ġeħova, se ngħajjat bħal iljun minn Sijon,U minn Ġerusalemm se nsemmaʼ leħni.
U s-sema u l-art se jitriegħdu;Imma jien, Ġeħova, se nkun post taʼ protezzjoni għall-poplu tiegħi,U fortizza għan-nies t’Iżrael.
17 U intom se jkollkom tkunu tafu li jien Ġeħova l-Alla tagħkom. Jien ngħix f’Sijon, il-muntanja qaddisa tiegħi.
Ġerusalemm se ssir post qaddis,U l-barranin* mhux se jgħaddu iktar minn hemm.
18 “Dakinhar, il-muntanji se jqattru nbid ħelu,L-għoljiet se jkunu mimlijin bil-ħalib,U x-xmajjar kollha taʼ Ġuda se jimtlew bl-ilma.
Mid-dar taʼ Ġeħova se toħroġ għajn tal-ilma,U din se ssaqqi l-Wied tas-Siġar tal-Akaċja.
19 Imma l-Eġittu se jsir art abbandunata,U Edom se jsir deżert abbandunat,Minħabba l-vjolenza li saret fuq in-nies taʼ Ġuda,Fil-pajjiż fejn huma xerrdu d-demm taʼ nies innoċenti.
20 Imma f’Ġuda dejjem se jgħixu n-nies,U f’Ġerusalemm se jkun hemm ġenerazzjoni wara oħra.
21 U jien se nqishom innoċenti,* għalkemm ma kontx inqishom innoċenti;U jien, Ġeħova, se ngħix f’Sijon.”
Noti taʼ taħt
^ Jew “fil-Pjanura l-Baxxa.”
^ Ifisser “Ġeħova Hu Mħallef.”
^ Letteralment “inbigħ.”
^ Letteralment “ibigħuhom.”
^ Jew “il-gwerriera.”
^ Jew “il-Pjanura l-Baxxa.”
^ Jew “fil-pjanura l-baxxa.”
^ Jew “l-istranġieri.”
^ Letteralment “se nqis id-demm tagħhom innoċenti.”
