Hosea 10:1-15
10 “Israel oku li omundjebele mwii* tau ima oiimati yao.+
Eshi ngoo oiimati yao tai hapupala, osho ngoo ta hapupalifa eealtari daye;+Eshi ngoo edu laye tali menifa nawa, osho ngoo eengudimanya daye diyapuki tadi monika nawa.+
2 Omitima davo odi na oihelele;*Paife ova monika ondjo.
Ope na oo ta ka teyaula po eealtari davo nokuhanauna po eengudimanya davo.
3 Paife otava ka tya, ‘Katu na ohamba,+ osheshi inatu tila Jehova.
Nohamba otai dulu oku tu ningila shike?’
4 Ohava popi eendjovo dongaho, hava ane oipupulu,+ nohava ningi omahangano;Onghee etokolo, olo tali ke uya, otali ka kala ngaashi oimbodi i na oudiyo moinenga, mepya.+
5 Ovakalimo vomuSamaria otava ka tila oshihongwafano shonhana shomuBet-aven.+
Ovanhu vasho otava ka lila omolwasho,Ngaashi ovapristeri vasho voikalunga yokoilongo, ovo ve shi hafela nosho yo efimano lasho,Osheshi otashi ka dja po puvo tashi ka ya moukwatwa.
6 Otashi ka twalwa kuAssiria onga oshali yohamba inene.+
Efraim ota ka fifwa ohoni,Na Israel ota ka fya ohoni omolwomayele, oo a shikula.+
7 Samaria nohamba yasho otava ka hanaunwa po* filufilu,+Ngaashi oshitai sha teka shi li kombada yomeva.
8 Eenhele dokoikulundudu domuBet-aven,+ enyono laIsrael,+ otadi ka xulifwa po.+
Omano neeshosholo otadi ka mena meealtari davo.+
Ovanhu otava ka lombwela eemhunda tava ti, ‘Tu tuvikileni!’
Noikulundudu, ‘Wileni kufye!’+
9 Akutu, Israel, owa kala to nyono okudja pefimbo laGibea.+
Oko oko va kala tava ningi ngaho.
Oita inai hanga* ovanamati vovahenakalunga muGibea.
10 Ohandi ke va pa yo outekuduliko, ngeenge onda hala.
Novanhu otave ke va hangakena,Eshi omanyono avo avali taa ka mangelwa kuvo.*
11 Efraim okwa li ongobe yondema ya deulwa, oyo i hole okuxwa,Onghee onda xupifa ofingo yaye, oyo iwa.
Paife ohandi ka ningifa umwe a londe* Efraim.+
Juda ota ka pulula; Jakob ote ke mu yelekanifila.
12 Kuneni ombuto yeni mouyuki, ndele tamu teya ohole i na oudiinini.
Pululeni edu olo ihali longwa+Ofimbo pe na efimbo lokukonga Jehova,+Fiyo osheshi e uya, noku mu honga mouyuki.+
13 Ashike omwa pulula oukolokoshi,Omwa teya okuhenouyuki,+Nomwa lya oiimati youkengeleledi;Osheshi omwe lineekela mondjila yeni vene,Nomeemhunga dovakwaita veni ovaladi.
14 Euyaano otali ka hanga ovanhu voye,Noilando yoye aishe yomakuma a pama otai ka hanaunwa po,+Ngaashi Salmon a hanauna po eumbo laArbel,Mefiku lolwoodi, eshi ooina va li va nyanyaulwa moinhimbu pamwe novana vavo.
15 Eshi osho tashi ke ku ningilwa, akutu, Betel,+ omolwoukolokoshi woye muhapu.
Ohamba yaIsrael otai ka hanaunwa po* filufilu, eshi eluwa tali tende.”+
