Hosea 6:1-11
6 “Ileni, ndele hatu alukile kuJehova,Osheshi okwe tu nyanyaula moinhimbu,+ ashike ote ke tu velula.
Okwe tu denga, ndele ota ka manga oipute yetu.
2 Konima yomafiku avali, ote ke tu nghonopaleka.
Mefiku etitatu, ote ke tu yambula po,Nohatu ka kala nomwenyo koshipala shaye.
3 Ohatu ka shiiva, ohatu ka konga Jehova twa mana mo.
Okuya kwaye okwashili, ngaashi eluwa;Ote ke uya kufye, ngaashi odula tai loko,Ngaashi odula yopoitemadula, oyo hai tutike edu.”
4 “Efraim, nandi ku ninge ngahelipi?
Juda, nandi ku ninge ngahelipi?
Osheshi ohole yoye i na oudiinini oya fa oilemo yongula,Ngaashi omume oyo hai yaumuka ko diva.
5 Nomolwaasho ohandi ke va tetaula po okupitila movaprofeti;+Ohandi ke va dipaa neendjovo domokanya kange.+
Nokutokolwa kweni otaku ka vilima ngaashi ouyelele.+
6 Osheshi onda hokwa ohole i na oudiinini,* ndele hayambo,Neshiivo lokushiiva Kalunga, ponhele yomaxwikiloyambo aeshe.+
7 Ashike vo, ngaashi ovanhu ovo vehe kwete okufya, ova nyona ehangano.+
Oko oko va kengelelela nge.
8 Gilead odoolopa yovalongi vowii,+Ya lyataulwa neemhadi di yadi ohonde.+
9 Ongudu yovapristeri oya fa ongudu yovanyeki ya nangela omunhu.
Ohava dipaele pondjila yaSekem,+Osheshi elihumbato lavo olififohoni.
10 Onda mona oshinima shinyanyalifi meumbo laIsrael.
Omo omo Efraim ha ningile oumbwada;+Israel okwe linyateka ye mwene.+
11 Natango, akutu, Juda, owa tulilwa po eteyo,Eshi handi ka ongela eenghwate doshiwana shange.”+
Omashangelo opedu
^ Ile “onghenda.”
