Hosea 13:1-16
13 “Eshi Efraim a popya, opa li okudekweta;Okwa li a fimana muIsrael.+
Ashike okwa li e na etimba li na sha naBaal,+ nokwa fya.
2 Paife ova weda ko kenyono lavo,Nova ninga oihongwafano yoshivela* va longifa oshisilveri shavo;+Ohava ningi oihongwafano nounghulungu, oilonga aishe yovahambwidi.
Ohava ti kuyo, ‘Ovalumenhu, ovo hava yambe, nava xupite eenhana.’+
3 Onghee otava ka ninga ngaashi oilemo yongula,Ngaashi omume, oyo hai kana po diva,Ngaashi olungu, olo tali pepwa poshipale koshikungulu,Nongaashi omwifi tau di moluungu leumbo.
4 Ashike aame Jehova, Kalunga koye, okudja medu laEgipiti;+Kwa li u shii Kalunga umwe, kakele kaame,Nokakele kaame, kape na omuxupifi.+
5 Onde ku shiivila mombuwa,+ medu loluteni.
6 Ova li va wanenwa komaulifilo avo,+Ova li va wanenwa, nomitima davo ode linenepeka.
Onghee ova li va dimbwa nge.+
7 Ohandi ka ninga ngaashi onghoshi yonyasha kuvo,+Ngaashi ongwe ya nangela pondjila.
8 Ohandi ke va ponokela, ngaashi emwangha la kanifa ounimwena valo,Nohandi ka taula eenhulo davo.*
Ohandi ke va xwaka po ngaashi onghoshi;Oshilikama shomoixwa otashi ke va nyanyaula moinhimbu.
9 Otashi ke ku hanauna po, akutu, Israel,Molwaashi owa pilukila nge po, u li omhinge nomukwafi woye.
10 Ohamba yoye oi li peni hano, opo i dule oku ku xupifa moilando yoye aishe,+Novapangeli* voye, ovo wa pula wa ti,‘Pe nge ohamba nomalenga’?+
11 Onde ku pa ohamba nda handuka,+Nohandi i kufa po nda fula onya.+
12 Enyono laEfraim ola tonywa;*Etimba laye ola tuvikilwa.
13 Ouyehame wokudala otau ke mu hanga.
Ashike ye okaana kehe na eendunge;Ite lieta ye mwene, eshi efimbo lokudalwa la fika.
14 Ohandi ke va kulila keenghono dOmbila;*Ohandi ke va mangulula mefyo.+
Akutu! Efyo, eenghono doye odi li peni?+
Akutu! Ombila, ehanauno loye oli li peni?+
Olukeno otali ka holekwa omesho ange.
15 Nokuli nonande oku ime nawa mokati keembungu,Omhepo yokoushilo otai ke uya, omhepo yaJehova,Tai uya tai di mombuwa, i kukutike ondungu yaye noi pwininike ofifiya yaye.
Oo ota ka kufa po oinima yaye aishe i na ondilo.+
16 Samaria ota ka monika ondjo,+ osheshi okwa tukululila Kalunga kaye oshibofa.+
Otava ka fya keongamukonda,+Ovana vavo otava ka tetaulwa moinhimbu,Novakainhu vavo ovafimba otava ka taulwa momadimo.”
