Hosea 5:1-15
-
Etokolo laEfraim naJuda (1-15)
5 “Pwilikineni kwaashi, nye ovapristeri,+Yandja elitulemo, akutu, eumbo laIsrael,Pwilikina, akutu, eumbo lohamba,Osheshi etokolo ole mu kwatela mo;Molwaashi nye omu li omwiyo kuMispaNonete ya telwa kombada yaTabor.+
2 Naavo va amuka ko kwaame* ova ningina mokule* medipao,Naaveshe ohandi va londwele.*
3 Efraim ondi mu shii,Na Israel ina holekwa nge.
Osheshi paife, akutu, Efraim, owa kufa ombinga moukumbu;*Israel okwe linyateka ye mwene.+
4 Oilonga yavo ihai va pitike va alukile kuKalunga kavo,Molwaashi mokati kavo omu na omhepo youmbwada;*+Noihava dimbuluka Jehova.
5 Ounhwa waIsrael otau mu vele ombedi;*+Israel naEfraim aveshe ova pundukila menyono lavo,Na Juda okwa pundukila pamwe navo.+
6 Ova ya pamwe nomaufita avo nosho yo noimuna yavo va ka konge Jehova.Ashike inava dula oku mu mona.
Okwa dja po puvo.+
7 Ova kengelela Jehova,+Osheshi ova dala ovanamati ovanailongo.
Paife omwedi otau ke va xwaka po* nosho yo oitukulwa* yavo.
8 Shikeni oluvinga+ muGibea, enghuma muRama!+
Ingideni eingido loita muBet-aven,+ pita komesho, akutu, Benjamin!
9 Akutu, Efraim, oto ka ninga oshinima shitilifi mefiku lehandukilo.+
Onda shiivifa shili osho tashi ka ningwa mokati komapata aIsrael.
10 Omalenga aJuda okwa fa ovo hava lundulula ongaba.+
Ohandi ka tila onya yange kuvo, ngaashi omeva.
11 Efraim ota fininikwa, okwa nyanyaulwa ketokolo,Osheshi okwa li a tokola okushikula omukondjifi waye.+
12 Onghee onda li nda fa onhwishi kuEfraimNongaashi oshinima sha ola keumbo laJuda.
13 Eshi Efraim a mona ouyehame waye, na Juda oshipute shaye,Efraim okwa ya kuAssiria+ nokwa tuma kohamba inene.
Ashike kaya li ya dula oku ku velula,Noinai dula okuhakula oshipute shoye.
14 Osheshi ohandi ka kala ngaashi onghoshi yonyasha kuEfraim,Nongaashi onghoshi i na eenghono* keumbo laJuda.
Ame mwene ohandi ke va teyaula po moinhimbu, ndele handi i;+Ohandi ka ya navo, nokape na oo te ke va xupifa.+
15 Ohandi ka ya nokushuna konhele yange, fiyo osheshi va mona oilanduliko yenyono lavo,Opo nee otava ka pula ndi va file onghenda.*+
Ngeenge ve li moudjuu, otava ka konga nge.”+
Omashangelo opedu
^ Ile “Novanashibofa.”
^ Ile “ova kwatelwa mo neenghono.”
^ Ile “ohandi va pe outekuduliko.”
^ Ile “kufa ombinga moluhaelo; kufa ombinga moumbwada.”
^ Ile “yoluhaelo; youkumbu.”
^ Eln., “otau vele ombedi oshipala shaye.”
^ Ile tashi dulika, “Otava ka xwakwa po moule womwedi.”
^ Ile “omapya.”
^ Ile “onghoshi yondume yonyasha.”
^ Eln., “oshipala shange.”
